¹ Paulu ua talele kushungama vakuluntu va mundhango na kuhandeka nguendi, "Vamuna-nana ndjina yoyo kumesho a Kalunga mu vushunga vuoshe mu mbunge noho litangua lyalelo. ² Sasendote uakama Ananiya ueshikile vaye vemanene kuli yendi linga va mu pupe ku mulomo. ³ Vuno Paulu ua handekele nendi nguendi "Kalunga aku pupa, ove livumbe lya kutoka na mpemba. Ove una tumama kundji hitha ange na liyi lya lishiko, vunoni ushika ndji pupe nkole ya meyi alishiko? ⁴ Vaye vemanene ko va handekele nguavo, "Mukemo vene ngeci utuka sasendote uakama ua Kalunga. ⁵ Paulu nguendi, "Kunja vidhivile, vamuna-nana nguavo endi sasendote ua kama. Mukonda vana thoneka, keti u handeke viakuviha kuntuamena ua vantu vove." ⁶ Omo Paulu ua muene ngiciye umo ua mutamba uandhango ua puile uava Sanduseu na ukuavo ua va Faliseo, ua handekele naku tambakana mundhango, Vamuna-nana ange ka Faliseo, na mona ua vaFaliseo. Mukonda njili na lutsilielo lua kushituka ku kutsa ngue vana njihitha." ⁷ Omo ua handekele evi, vimpata via valekele mukati kava Faliseo na vakua Sanduseo, na mbunga ya litepele. ⁸ VaSanduseo vahandekele nguavo cqhiko ku shituka, nambe tungelo, nambe mpundhi, vuno vaFaliseo vva tambuile voshe. ⁹ Ngoco kua kele muyoyo uakama, vamo va ka mathona va kundamene kuva vaFaliseo vakatukile na kukuania, nguavo, "Kutua uanene evi viana vihitha ou mumala. Vati nga mpundhi ndi kangelo a kuania nendi?" ¹⁰ Ngoco viha vimpinmpata via kama via shangumukile, Kapitau ua kama uovuile liova nguendi, Paulu va ku mutuala ha vimpindi kuli vakevo, ngoco ua tuminine vaka mushake ku ndhili kutunda hakati kampunga, na kumuneha mumbongi. ¹¹ Vuthsiki vua kushuambo Kalunga, uemanene ku nkandela yendi na kuhandeka nguendi, "Kaniama, ngue mu ua nja ambuile mu Yelusalema, ngoco njambuluile mu Loma." ¹² Omo viedhile kumutana, vamo vaYundeya vatumbile vutumbe na kulihaka vavenia ku cithingo, nguavo kuvali ndi kuvanu noho vana thsihi Paulu. ¹³ Avo va tuvakanene makumi a uana a vamala vaje vatumbile vutumbe. ¹⁴ Va ile kuli Sasendote ua kama na ku nukuluntu ngavo, tuna lithingi na cithingo cakama kulia kuahi noho tuna thsihi Paulu. ¹⁵ Ngoco vene vatavethele mpunga linga vamulombe kuli kapitau uakama amu shelelethe kuli yendi, ngoco nga utava mulonga uendi tu udhivuke uoshe. Ngue yetu tuna livuahethela muku muthsiha kulutue eje kuno. ¹⁶ Vunoni muna ndokadhi yaPaulu ua mumala uovuile nguavo vana mutatelela, ngoco ua ile nandhili mumbongi na kuleka Paulu. ¹⁷ Paulu ua thanene umo ua mukuluntu uakama ua masualale naku muleka nguendi, "Tuala o u mukuenje kuli mukuluntu uakama ua masualale, ngoco ali na vimo via ku tu leketha kuli ikeye." ¹⁸ Ngoco mukuluntu uakama ua masualale ua tambuile mukuenje na ku mutuala kuli mukuluntu uakama ua masualale nguendi, "Paulu muka kamenga ikeye ua nji thanene, na kunjihula njinehe mukuenje ou kuli yove." "Ali navimo via ku kuania neni?" ¹⁹ Kapitau ua kama ua mutualela ua kulikalela na kumuihula, "Vika ovio vi uyongola kunjileka?" ²⁰ Mukuenje ua handekele, "Va Yundeya na litavathana kukuihula yove kusheteletha Paulu imene ku mpunga, ngue vaya mu kuihula mukukonka mulonga uendi. ²¹ Vuno keti muva hanevio, mukonda vana tuvakana makumi a uana a vamala ava vana mutumamema. Ngoco vana lihaka avo vavenia ku cithingo kulia kuahi nambe kunua kuahi noho vana muthsilhi. ²² Ngoco kapitau uakama uakama uethelele mukuenje aye, muamanene kumushika ngendi, "Keti uka leke ko umo nguove una njilekevio evi. " ²³ Ngoco kapitau uakama ua thanenene tupitau vavali naku kuania nguendi, "Tambula vihita vivali via masualale vali vuahethele kuya vuhale vua ku Sesaliya, na masualale vaha tukambe makumi atanu na avali, na vihita vivali via vaka makunga. Mu katula hanthimbu ya mucitatu kuvuthsiki." ²⁴ Nendi lalo ua vashikile vahane tuthitu vaje Paulu atha kuendela vaka mushueke kuli nguvulu Feliski. ²⁵ Ngoco ua thonene mathona ngue ngechi: ²⁶ "Kalandiu Lisiya muka kathingimiko nguvulu Feliski, uje uatumine vihindu." ²⁷ Ou mumala iva kuatele vaYundeya uje iva yonguele kuthsiha omu munjedhile kuli vakevo na masualale mukua ku muohiela, kutunda hanja dhivuka nguavo ou uakele ua cithemua ca Loma. ²⁸ Nji yongola ku dhivuka muomu vika muli na kummu hanena mulonga, linga nji mutuale mumpunga yavo. ²⁹ Nja lilongethele nguavo vamu hanene mulonga a nguavo ua ku tiama ku vihula kushuama kumashiko avo. Vunoni ku va mu uanene mulonga uje ua ku mutumbuila kuthsa ndi mukamenga. ³⁰ Ngoco va vi ambuluile kuli yange nguavo kua kela muhela u va vianethele ou mumala, ngoco vuathi-vuathi ange njina mutumu kuli ove na kumuleketha vaje vamu hanene mulonga navo kumesho ove. Vamu thalethele. ³¹ Ngoco masualale vathingimikile mashiko. Va tambuile Paulu na kumuneha vuthsiki kuli Antipaliti. ³² Litangua lia kushuamako, cingi ca masualale uethelele vaka kuendela hatukambe vaye nendi avo vavenia vahilukile kumbongi. ³³ Omo vaka tukambe muva kahetele Sasilia va hanene mukanda kuli nguvulu, na kuleketha Paulu. ³⁴ Omu nguvulu natanda mukanda, uehuile nguendi mutamba uka uacifuti uakele Paulu. Omu mua mudhivukile ngue uatundikile ku Silisia, ³⁵ ua kuaniene nguendi, "Nji kovua omo vaka kuhana milonga va keja kuli yange." Ngoco ua va tuminine linga uamuniungile kunjivo ya vumuene vua Helonde.