¹ "Vamunanana na vatata, tolilileni ku vuhako vuange vunji mi ambuluila." ² Munga muvovuile Paulu a handeka navo mundaka ya chiHevelu, vaholokele kulu, ua kuaniene nguendi, ³ "Ange njiKayunda, vanji themena muTalusu yaSilisia, vuno nja lilongethele muimbo eli kuli Ngamaliele. Vanji lekele ku kanyeka muakama kuvingila via mashiko a vatata yetu. Nja kele na ndhili kuli Kalunga, ngue yeni voshe vene muliko lelo. ⁴ Ngocho nja yandethele ngila eyi nakukuthsa , kuvakuta naku va haka mukamenga vakentu navamala, ⁵ mukemo sasendote uakama na mpunga ya vakuluntu uantha kuvikela vumbangi. Nja tambuile mukanda kuli vakevo ua vamunanana vaKundamasiku, njayileko njika vahiluithe kuYelusalema mu mikole naku vahana kashitiko. ⁶ Evi via jombolokele ngechi munjendelele muhiehi na Ndamasiku, mukati kamutania vuathi cheke chakama cha muilu cha nji tuililile na kunji dhengeleka. ⁷ Nja uile hanthi njovuile lijui lia handekele nange ngualio, "Saulu, Saulu, vika unji yandethela? Njakumbuluile nguange, "Yove iya, Muene?" ⁸ Njakumbuluile nguange, "Yove iya Muene?" Uanji lekele nguendi, "Yange Yesu ua ku Nazaleta, ouo yu yandetha." ⁹ Vaje vakele nange uamuene cheke, vuno kuuovuile lijui liouo uahandekele nange. ¹⁰ Nja handekele nguange, "Vati njilinga Muene?" Muene ua handekele nange nguendi, "Hinduka kovela mu Ndamasiku. Omu, vaka kuleka vioshe viva naku tumbuila kulinga." ¹¹ Kunjathele kumona omo kutoka kua cheke, ovo vanjendele navo vanji kuatele kulivoko, njiye mu Ndamasiku. ¹² Muje nja uanene mumala ua lidhina Ananiya, mumala uaku lemetha mukutuala mumashiko na luthsimo ku vaYundeya voshe vakele kuje. ¹³ Uedhile uemanene kuli yange, nguendi, "Saulu munanana, tambula mesho umone." Kuthsimbu yije vene njamumuene. ¹⁴ Ngoco ua handekele nguendi, 'Kalunga kavatatetu ua kutumbuilile kudhivuka viyongola viendi, kukamona uje muka muka chili, nakuvua lijui litunda mukanua kendi vavenia. ¹⁵ Ngoco ove uka pua mukaleho uendi kuvantu uoshe kuvioshe vimuna mono na kuvua. ¹⁶ Ngechi vika utata? Katuka, uli mbuitike, tana vuvi vuove, na kuthana lidhina liendi.' ¹⁷ Kunima munja hilukile ku Yelusalema, thsimbu njakele mu tembele na kuvundila, ngoco nja tambuile vimona. ¹⁸ Njamumuene ua kuaniene nange, 'Dhambulako tunda vuathi mu Yelusalema, mukonda kuvatava vumbangi vuove kuli yange.' ¹⁹ Nja kuaniene nguange, 'Muene, vavenya una dhivuka nguavo ange nja hakele mukamenga naku vapupa vaye uakuthselela munkala uoshe mu sinangonga. ²⁰ Omo maninga a mbangi yove Setefanu a mbalumukile, nange njemaneneko nakutava, nakuniunga vidhala via vaye vamu thsihile. ²¹ 'Vuno uakuaniene nange nguendi, "Yauye, mukonda nji ka kutuma hale kuli vakamafuti.' ²² Vamu toli-lilile kulijui olio. Ngoco va tambakanene nguavo, "Ua kufua ngeci mu tunditheni hanthi, muom kuchi tava linga a yoye. ²³ "Omo mu va tambakanene , vavutuile vidhala viavo, vashele likungu mu mpundhi, ²⁴ na kaputeni uakama ua tuminine linga va muihole naku mu pupa, linga endi vavenia adhivuke nguendi vika vamu thanenene ngachiye. ²⁵ Omo mua mu kutile na mikole, Paulu ua kuaniene na kaputeni uye uemanene kuye nguendi, "Mukemo muaya mashiko mashiko eni kupupa muntu uakuLoma uye kanda vachi mutuale mundhzango?" ²⁶ Vunoni kaputeni muovuile ngoco, uaile kuli kaputeni uakama uamulekethele ko nguendi, "Vati uyongola kupanga? Ou mumala ua chithemua chaLoma." ²⁷ Ngoco kaputeni uakama uedhile ua kuaniene nendi nguendi, "Njileke, ove muka chithemua chaLoma ndi?" Paulu nguendi, "Mukemo." ²⁸ Ngechi kaputeni uakama ua mu kuania nguendi, "Yange lika nja uanene chithemua na vimbongo via vingi." Vunoni Paulu nguendi, "Ange njimu ka chithemua chaLoma." ²⁹ Ngocho vantu vaye vayonguele ku muihula vamuthile vuathi-vuathi. Nakaputeni uakama uo vuile liova, mukemo muamu nongonuene nguendi Paulu uakele ua chithemua chaku Loma, mukonda endi uamukutile. ³⁰ Litangua lia kushuama, kaputeni uakama uayonguele kuidhiva vuchili vua vaYunda mulonga uka vatumbuile Paulu. Ngoco uavutuile mahindi endi uatuminine vakuluntu vava sasendote na mpunga ya vakuluntu valiuane. Ngoco uanehele Paulu ua muhakele mu kati kavo.