¹ kaha omo litangua lia Pendekosta lia hetele, vali kunguluile hamolika. ² Vuathi-vuathi muilu mua shulukile mpundhi ya kama ya kuohia ngue tuhia, nakusulitha yinjivo yoshe muye muva tumamena. ³ Ha yombolokele dhindaka via kulitha-tha hali vakevo, ya tu mamene hali vakevo. ⁴ Vashulile na mpundhi yakulela na ku valeka kuhandeka dhindaka, ngue omo mpundhi ya kulela yava tuamenenene. ⁵ Vuno kuYelusalema kua kele vaYundeya vaye vavokelamo, vantu va Njambi kutunda kumiyatu yoshe muinthi lia lilu. ⁶ Omo vevuile muyoyo uaco, mbunga ya liuanene kumo, cha va komokethele momu nkala uoshe uevuile muku handeka indaka yendi vavenia. ⁷ Vakomokele; na kutumbula, "Chili ava vahandekele keti va Ngalilea ndi? ⁸ Keho vaticho twatha ku vovua, yetu voshe tumona kuvindama vietu viva tuthema navio? ⁹ Vaka palitiya navaka mende navaka elame, nava vakelo kumeso potaniya, muyundeya na kapandosiya, muponda na asia. ¹⁰ Filisiya na pamefiliya, ku ingito na mitambela ya lindiya ha muhichi na silene, navangethi vakuloma. ¹¹ Vajunda na vaje keti vajunda vaje veku shuamangeya futithi ya vajunda, vaka kileta navaka alambiya, tulinaku vovua mova handeka muvindaka vietu. ¹² Keho voshe vakomokele, va kele na citanga; va valihandekethele umo na mukuavo, nguavo, ''eci cinalambunuka vika?'' ¹³ Keho vakuavo vavo vava thembuluile na kuhandeka nguavo, ''vana kolua vuala vua vuha. ¹⁴ Keho Petulu wemanene hamo na vaje likumi na umo, wahandekele na liji liakama kumbunga ije ngwendi, eni vakwetu va vaunda neni voshe mwakala muyelusalema , maneni ndjimi langulwilwe chuma etji, ndjitolilileni viuno vindjihandeka. ¹⁵ Vantu ava kova kolwele, ngwe mumu nava thinganyekela, mwomu vinapu lika thimbu yamu tjitatu kulitangwa. ¹⁶ Vuno etji tjiketjo tjiva hanandekele halikapolofeto yowele. ¹⁷ Vika vika kala kumatangua a ku kotokela, Kalunga nguendi , ndjika shuwila mpunthi yange kuvantu voshe. Vana veni va vamala nava va vakentu vakambulula vupolofeto, vakuenje veni vaka mona vimona, na vakuluntu veni vaka lota thindjothi. ¹⁸ Tjili ha vangamba vange va vamala nava va vakentu kumatangua aje, nji kashuwila mpunthi yange, keho va kambulula vupolofeto. ¹⁹ Njakamuetha vikomowetho mwilu na Vithivikutho hathi, maninga, tuhia namwithi wakama. ²⁰ Litangua lika thivala nangonde ngue maninga nthimbu kanda litangua lyakama na vumpau liakalunga lije. ²¹ Tjika kala kulinkala muntu uje aka thana lithina lia kalunga ikeye akovoka. ²² Vantu vaka isaleli, tolilileni kumeji ano, yesu waku nazaleta Kalunga ua jombolola cifua ca liala uje kulieni na vithivukitho na vikomouetho vikevio Kalunga uapangelele hali ikeye hakati keni. Ngue yeni vavena mumunadthivuka. ²³ Ikeye kunthimbu ya tumbuile Kalunga namana endi vavena uathivuka laja vije vikejako; nove, Ou yomua hakele ha citi na kumuthsiha ha mavoko avantu kuvethi na majui alishiko. ²⁴ Ikeye yana xitula Kalunga, muana vutuka ku tuyando tua kuthsa, muomu cije kucavuahele kuniunga. ²⁵ Muomu Ndaviti uambuluile via ikeye, njamuene muene kulutue luange nthimbu yoxe, ikeye ali kulivoko liange lia cilio mukonda keti nji peliangele. ²⁶ Ngoco mbunge yange ya jolelele na ndaka yange ya lithambele. Lalo, nthitu yange ikovoka mu kuthselela. ²⁷ Mukonda kou kathi muono uange ku vukalo vua vaka kuthsa nambe kuutava muka kujela avole. ²⁸ Yove ua njambuluile dthingila tha muono uange; Uka njixulitha na kujolela kumexo ove. ²⁹ Vamunanana, njatha kukuania neni na kuthimpa via mukuluntu Ndaviti, ngoco ikeye uathsile va muxitikile, na mbumbo yendi cili netu kulitangua lia lelo. ³⁰ Ngoco, ikeye kapolofeto na kudthivuka ngecije Kalunga ualithinga nendi na cikunku ngoco kuvuxuka vua vatekuluila vendi aka tumbika umo ku cituamo cendi cavu muene. ³¹ Ikeye ua muene vije laja ua tambuile cixitukilo ca kilistu, ngecije kuva kamuthi ku vumuene vua kuthsa, nambe muvila uendi kou kavolo. ³² Yesu ou ya xituile Kalunga, mukemuo tuva voxe tudthimbangi. ³³ Ngoco omo livoko lia cilio lia Kalunga lia muhaka kuvukama, nomu natambula kuli ixe nkuminio ya mpundthi naxuuila eci ciomu kamona na kuvua. ³⁴ Muomu Ndaviti ka londele muilu, vunoni ua kuaniene nguendi, Muene ua handekele na muene uange, "Tumama kulivoko liange lia cilio ³⁵ Noho, njipuithe vitothzi viove ka cituamo kaku mianja yove." ³⁶ Ngoco njivo yoxe ya Isaleli vadthivuke cili cili ngecije Kalunga na mupuitha muene lalo kilistu, ou Yesu yo muathsihile yeni." ³⁷ Vuno movaviuvuile evi, via vatuile kuvimbunge viavo, Keho vakuaniene na Petulu na vapostolo vakuavo, "vamunanana, tulinga vati? ³⁸ Keho Petulu ua valekele nguendi, tengulukeni kuvimbunge vieni na kumimbuitika, mulidthina lia Yesu kilistu linga va miecele ku vupi vueni, keho muka tambula vuana vua mpunthi ya cili. ³⁹ Muomu nkuminio ili kuli yeni na vana veni na voxe vali hale, ngue vantu vavengi ngue muene ua Kalunga akathana." ⁴⁰ Keho na majui amengi ao uambuluile vukaleho na kuva kandelela, nguendi, iya maneni yeni vavena kumuyati ou ua kuhenga. ⁴¹ Vavengi vaje voxe va tambuile lijui liendi vavambuitikile, keho va vuetheleleko vantu litangua lije va kupua 3.000 kumbunga ya vaka kujela. ⁴² Keho vakevo va kakatelele vilongetha via vapostolo na kuli kuta navo muku tavula mbolo na kulomba. ⁴³ Keho liova lienthile ku dthimbunge dthavo voxe, na vapostolo valingile vikomoketho na vidthivukitho via vingi. ⁴⁴ Na voxe vaka kuthelele vakele kumo lika na vioxe viavo, vavi vandakanene hamo lika. ⁴⁵ Keho va landethele vufuko vuavo na vitenga viavo, keho vavi hanene kuvantu voxe ngue mova yonguele. ⁴⁶ Keho kulitangua ku litangua vali kunguluile mu njivo ya Kalunga valile via kulia hamo lika muvinjivo viavo valile na dthimbunge dthakujela hamo lika. ⁴⁷ Vaxangalele Kalunga na kuyongola dthimbunge dtha vantu voxe, keho muene uava vandakanene kulitangua ku litangua vaje vovokele.