¹ Kumudhimbu uje ua laja unja thonene, Tofiliu, uambuluile viose via pangele jesu na kulongetha, ² noho hava mu tualele muilu, te na hana mashiko ha mpundhi yakulela kuli va aposhtolo vaje va hanguile. ³ kunima ya kayando kendi, ua lilekethele endi vavenia kuli vakevo vavimuetho viavingi nguendi ikeye vene ayoya, ualijombueluele matangua makumi a uana oshe kuli vakevo, nakuhandeka via vumuene vua kalunga. ⁴ Haje haliuanene kumo navo, uaveshikile keci va tunde mu Jerusalema, vunoni vatalele vioshe vije viava thselelethele ishe, ngue muava lekele nguendi, '' muovuile nguange ⁵ cili Yoano ua mbuitikile mumema, vunoni ha matangua a ahandendelika vakamibuitika mumpundhi yakulela.'' ⁶ Muvava kunguiile hamo, va muihuile,'' Muene, ino ikeyo nthimbu iuka hiluitha vumuene ku Isaleli ndi?'' ⁷ Uavalekele nguendi, '' ku muatha kudhivuka vi nthimbu nambe vinemavije viana hakaho kundhili yendi vavenia. ⁸ Vunoni muka uana ndhili muikeja mpundhi yakulela haliyeni, nenei mukapua vambangi mukati ka Yelusalema na muYundeya muoshe na muSamalia, na kuoshe kua lenga mavu.'' ⁹ Muene Jesu mua vihandekelele ngacije, vamueneko yo ua kakuka nakumutuala muilu namashelua amu vandethele kumesho avo. ¹⁰ Te nthimbu vana talela toni muilu kuli Jesu muaile, haje vene, vamueneko vamala vanemana kuli vakevo muvidhala via kutoka. ¹¹ Vahandekele ngeci, ''Eni vaka Ngalileya, vika munemanena hano nakutala muilu? ou Jesu uvana kakula mukati keni nakumulondeka muilu, muka mumona akeja ngue mumu na mono muana londo muilu. ¹² Mukemo muvahilukile ku Yelusalema vatunde kundundu iva lukile Oliveta, eyi ya lihatele na Yelusalema muhato ua kuenda vungendhi vua sapalalo. ¹³ Muvahetele valondele kuhondo ya kuilu, kukeko kuva ka kele. Vakele Petulu, Yoano, Tiango, Anduleu, Filipu, Tomasi, Mbatolomeu, Mateo, Tiango muna Alefeu, Simoni na Yunda muna Tiango. ¹⁴ Voshe valihakelemo na mutima umo kucivundilo, na vakentu, na Malia vaina va Jesu na vamunaina va vamala. ¹⁵ Hamatangua aje Petulu ua katukile mukati kava munaina vavamala, va madhina 120, nakuhandeka nguendi , ¹⁶ '' Vana vanana, capuile cakama linga mathona a puemo, mpundhi ya kulela ya kuaniene kunima mukanua ka Ndaviti kuviuma via Yunda ua tuamenene vaje va thsihile Jesu. ¹⁷ Mukonda nendi uakele uetu naku uanako kuvilongetha evi. ¹⁸ ''( Mukemo mumala ou ua landele lihia kuvimbongo via uanene mu vundheye vuendi, keho kuje ua uile na mutue mbangelo, muvila uendi ua tuika na vimpilla viendi vioshe via tjapulukile. ¹⁹ Vantu voshe vakele mu Yelusalema viukilile, keho va lukile lihia lije mundaka yavo, ( ''Lihia lia Maninga.'') ²⁰ ''Mukonda muli Visamo vana thona nguavo, ' Lihia liendi likale lia mupolongua, naumo uahi a katunga mo'; 'Mucituamo cendi cavuntuama hakenimo ua ye.' ²¹ Cinapu cakama naua linga mumala umo ua tuthindikiile kunthsimbu yoshe yakele Jesu na mangendhi hakati ketu, ²² Tunde ku kumbuitika ca Yoano noho kulitangua liva mu tambuile hakati ketu, pueni vambangi netu kumo vua cithangukilo cendi. '' ²³ Vanehele vamala vavali, Yosefe uva tumbuile nguavo Mbalambasa, uva lukile naua Njustu naMatiya. ²⁴ Va vundilile nakuhandeka nguavo, '' Yove, muene udhivuka vimbunge via vantu voshe, keho jombolola yuna hangula hakati kavamala ava vavali. ²⁵ Linga a tambule muhela ua vipanga na vu postolo ovu vua thile Yunda na kuya muaya vingila. '' ²⁶ Vavengi va hanguile, keho cingi vauile kuli Matiya, keho vamu tandelele kumo vavanje va apostolo likumi naumo.