¹ Ca kele ngeci ye ku Ikoniu, Paulu na Mbanambasa va kovelele kumu mu sinangonga ya va Yunda, keho va kuaniene mungila ije mbunga ya ingi yoshe ya vaYunda na vaNdelengu va thselelele. ² Vunoni va Yunda vaje vajenejkele kuononoka va shangumuine vimbunge via kua vifuti linga va kale nakunienga nava munaina. ³ Vakele ko cikati ca laha, ku kuania na ku kaniama nandhili ya Njambi , hakeho ua hanene cimuuetho ku mudhimbu ua kavumbi.Ua vi pangele muku hana vimuetho navi komouetho kuhitila ku mavoko ava Paulu na Mbanambasa. ⁴ Vuno vantu vamulimbo lia kama valitepele, vamo vakele na va Yunda na vakuavo va kele nava vastolo. ⁵ Voshe vakua vifuti na va Yunda hamo na va ntuamena vavo vethekele kuvapangetha muaku viha naku vasha mavue. ⁶ Vunovi na vuathi vuva vidhivukile evi, va teuelele ku membo aje aku Likaonia a Listala na Ndeleve na ku mikunda imo, ⁷ kuje kuva tualelele ku ambulula mudhimbu ua cili. ⁸ Keho ku Listala kua tumamene mumala umo muka kayekele ku mianja yendi, ikeye cilema kutunda muimo lia ina, uje kendele lumo. ⁹ Mumala ou uo viule Paulu a kuania, na Paulu keho ua mutala ntoma hakeho ha muene nguendi ali nakuthselela vamu kangule. ¹⁰ Ngeci ua kuaniene na lijui lia kudhameka nguendi, "Katuka na kuimana ku mianja yove." Keho mumala uje ua jombokele nakuenda. ¹¹ Keho mbunga ya muene evi via pangele Paulu, va tambekele, na ku kuania mu ndaka yavo ya Likoniya nguavo, "Va kalunga vana shuluka hanthi kuija kuli yetu ngue vantu." ¹² Keho vathana Mbanambasa "Zeusi" na Paulu "Helemisi", muomu ikeye ua kele kuku handeka. ¹³ Keho sasendote ua Zeusi, uje uakele na tembele handja lia nganda, ua nehele vihove na vilongo ku cikolo, nendi nambunga vayonguele kukombeleya. ¹⁴ Vunoni va postolo, Mbanambasa na Paulu va viuvuile uoshe vatavuile vidhalo viavo nakutuhuka vuathi mumbunga nakulila muakama. ¹⁵ Eni vamala vika mupangela viuma viakufua ngeci? Netu tuvantu vakufua ngue yeni. Tumileka mudhimbu ua cili linga viuma via ngoco muye kuli Njambi ua muono, ikeye uatanga lilu, na mavu, na kalunga ndonga na vioshe vilimo. ¹⁶ Ku cikati ca laja ua tavethele miyati yoshe vende mu vingila viavo vavenya. ¹⁷ Vunoni nambe ngoco, kaliecelele endi vavenia mukujeneka mukaleho, muomu mu vikevio ua pagele civovo lalo uamihanene kuhana nyondhi yakutunda muilu na miaka ya vimbuto mukushulitha vimbunge viene vieni na kujolela na viakulia. ¹⁸ Nambe nevi vingulli, Paulu na Mbanambasa kuvathele kuvindika mbunga eyi mukuva kombeleya. ¹⁹ Vunoni va Yundeya vamo vaku Antioka naku Ikoniu vedhile naku shongangeya mbunga. Vashele Paulu mavue nakumu tuhuitha muimbo lia limbo, vathinganiekele nguavo nathsi. ²⁰ Vunoni ngue omo vandonge vemanene naku mudhengeleka, ua hindukile naku kovela hembo. Litanga liaku shuamako ua ile na Mbanambasa ku Ndeleve. ²¹ Kunima yaku ambulula mudhimbu muimbo liye keho vauana vandonge vavengi vahiluka ku Listila naku Ikoniya naku Antiyokiya. ²² Vakele naku koletha miono ya vandonge naku vashongangeya mukutualelela mu kuthselela, naku valeka nguendi, "Tu ka kovela mu vuangana vua Kalunga kuhitila muvitanga." ²³ Omo va vahanguile vakuluntu kunkala tembele va kandelela nakudhilila, vakovelele muli Njambi ua vatavele. ²⁴ Kaha vahitila muPisidiya nakuya ku Pamufiliya. ²⁵ Omo vamanene kukuania nguli mu Pelenge, vashelelela ku Attaliya. ²⁶ Kutunda oho vaya ku Antiyokiya, kuye kova kavakundikilile ku ngodhi yakalunga muvipanga evi vamanene. ²⁷ Omo muva kahetele mu Antiyokiya kunahu vakungulula vingeleka kumo, va ambulula vilinge vioshe viana vapangela lalo vati muana shokolola chikolo ca ku thsiliela kuva ka mafuti. ²⁸ Kaha vakala chikati chalaha na vandonge.