¹ Omo nthimbu yije Helonde ali Muene uoluele livoko kuli vaje vapandamene kuNgeleka, linga ava pakethe vakevo. ² Uathsihile Tiango mukuluntu ua Yoano na muele. ³ Kunima uamuene evi viana hanene vaYundeya kujolela ngeci ua tualelelele mukukuata Petulu nendi. Eli lia puile litangua lia mbolo ya cimbaluila. ⁴ Kunima omo vanamushoko ikeye uamuhakele mukamenga, nakumu hakela vimbunga viuana muku muniunga ; ua yonguele kumunega kuvantu kunima ya Pasovala. ⁵ Kaha Petulu vamuhakele mukamenga vunoni vivundilo viavushunga kuli Njambi kuli vaje vakele mutembele. ⁶ Muvuthsiki vuaco kulutue lua Helonde uaile naku muneha ku mpangulo. Petulu ua ndandele hakati kamasualale vavali uakukuta namalienge avali vaka kuniunga vemanene kulutue lua cikolo ,vakele mukuniunga kamenga. ⁷ Oho vene, kangelo ka Muangana uamu yombolokelele, kunahu na ceke catuile mukamenga. Uahumine Petulu muvimpati hamo naku muhindula nguendi, "Hinduka vuathi-vuathi", na malienge endi a uile kumavoko endi. ⁸ Kangelu uahandekele nendi nguendi, "Dhala vidhalo nakuhaka ko vinkaku." Petulu uapangele ngoco vene. Kunahu kangelo uahandakele nguendi, "Dhala cikovelo cove naku nji shuama." ⁹ Kunahu Petulu uashuamene kangelo nakutuhuka. nakutuhuka hmbandja kathivukile nguendi evi vianapanga kangelu vucilindi uathinganyekele ali nakumon cimona. ¹⁰ Kunima vana tuvakana mukakunyunga nou uamu civali, vakuhetele hacikungu cakuciko cije cakuya kulimbo, cashoko lokele kulivakevo aco vavenya ivatuhukile naku thikumuka kungila, kunahu kangelu uamuthikile oho vene. ¹¹ Omo Petulu uethile endivavenya, nakuhandeka nguendi,'' ngeci cili ndjinathivuka nguange yikeye muene natumu Kangelu kendi ngeci nakundjithitula yange handja kundjitunditha mumavoko endi Helonde, naua nakutunda kuviuma voishe vije va nava Yundeya navije vivandindilile. ¹² Omo uavulukile viuma evi uayile kuje kundjivo yaMalia vaina ya Yoano, naua uakuluka Mako; kuje vavengi vantu valikunguluile naua nakuvundila. ¹³ Omo ua ngongonguele kuje kucikolo ca ndjivo mukuamanda ua mukentu ualithina Rhoda uethile nakukumbulula ko. ¹⁴ Omo uavulukile lijui lia Petulu ua jolele muakama ; vuno kashokuolele kucikolo muomu lya nzolela uaile mukati mundjivo uavalekele nguendi Petulu nemanene haje hacikolo. ¹⁵ Mukemo vahandekele nendi mukentu nguavo ove unthaluka kathi uavalekele ngueni cili kunahu, kathi uahilukile lemo, nguendi yikeye vene vucili vahandekele nguavo ouo Kangelu. ¹⁶ Vunoni Petulu ua tuikilile kungongola kunahu muva sholuele cikolo, vamuene kunahu, vakomokele. ¹⁷ Petulu uavalekel nalivoko lyendi nguendi holokenikulu kunashu uavalekele vati muene muana mutuhula mukamenga uava lekethele nguendi leketheni viuma evi kuli Tiango amba namukuluntu uendi kunahu uavathile uailekumuhela ukuavo. ¹⁸ Omo lyakele cimene kukuakele vitanga viavindende kumathulale mukutuala kuli evi viatholokele kuli Petulu. ¹⁹ Kunima Helonde uamulandethele vuno kamu uanene vahuele vaje vakakunyunga nakuhandeka kulivakevo nguendi vava thihe; kunahu uaile kutunda ku Jundeya nakuya ku Caesarea linga vaskose kuje vene. ²⁰ Vuno Helonde uanyenguele muakama navantu vaku Tyre naku Sidone vaile kulikeye nacithinga nyeka cimo lika kunahu kunima vamuhandekethele Blastus kanike uamuene linga ava kuathe vamulombele ciyulo mukonda vauane viakulya viakutundilila kulimuemuene uacifuti. ²¹ Mulitangua lije lyakuhangula Helonde uathalele vuthalo vuavo muene uathalele nakutu mama hacituamo cavu muene uahakele cihandeka kulivakevo ²² Kunahu vantu vatambakanene nakuhandeka, '' eli likelyo lithi lyava Ndjambi keti lya muntu. ²³ Vuathi vuathi nakangelu kamuene uamukapuile yikeye; mukonda kahanene vumpau kulika Kalunga; vuno vamulile mavuno uathile. ²⁴ Vuno nalithi lya Kalunga laya livuethelelele nakulilanetha. ²⁵ Vuno omo Barnabarsa na Saulu, va manethele vipanga viavo; vahilukilemo ku Jerusalema, vahilukile na Joano uakuluka Mako