¹ Keho va Postolo nava munaina vakele ku Yundeya muvovuile nguavo vaka vifuti vana tambula liji lia Kalunga. ² Muedhile Petulu ku Yelusalema, vaje vakele kumbunga ya vaka kulovoka vakele nadhimpata nendi. ³ Vakuaniene nguav,'' muali vanda kanene navamala vaka kujeneka kulovola na kulia navo. ⁴ Keho Petulu ua shangumukile, uava languluile vije mivia lingile, nguendi, ⁵ '' Nja vundilile muimbo lia Yopa, nja muene cimona cacitenga cishuluka hanthi, njamuene cuma ngue lilesu citunda kuilu cili navimbango viuana. ⁶ Njatjitapele naku ci thinganieka. keho njamuene tuthitu tuama hindi auana hanthi, tuthitu va mumuthenge, tulume vakulikoka na tudhila va muilu. ⁷ Keho ndjavuile liji ngualio, Petulu, thsiha ulie! ' ⁸ Njahandekele nguange, keti ngoco, muene; mukonda nacimo cahi caku juala ndi cakuvihia cakovela mukanua kange.' ⁹ keho liji lia muilu lia kuanyene ko nthimbu yamu civali ngualio, ciji cana vuahetha kalunga. Cakuvuaha, keti uci tumbule caku juala. ¹⁰ Evi via ligiuile vinthimbu vitatu, na viuma vioshe lalo hiluithile muilu. ¹¹ ''Taleni, haje vene hakele vamala vatatu vemanene kulutue lua njivo ije muje mutua kele yetu, ku sesalai vava tumine kuli yange. ¹² Spilitu ua ndjishikile mukuya navo. tuayile mundjivo yavamala. ¹³ Uatu lekele vati mua muene kangelu nemana munjivo yendi naku kuania nguendi,' tuma vamala ku Yopa vakashake Simon uakut tumbula Petulu. ¹⁴ Keho aka kuleka mudhimbu uije akakuniunga yove na njivo yove. ¹⁵ Munja tamekele kuhandeka navo, mpunzi ya kujela yedhile hali vakevo,ngue muje muyedhile hali yetu. ¹⁶ Nja vulukile meji aKalunga, , mua kuaniene nguendi, '' Cili Yoano uami mbuitikile mu mema, vunoni eni vaka mimbuitika mu mpundhi yakulela. ¹⁷ Nga Njambi uava hanene vuana vuaku lifua navu vuatu hanene yetu mu tuetavele hali muene Yesu Klistu, Yange yiya, linga njika viane Kalunga?'' ¹⁸ Muvovuile viuma evi, vahandekele nguavo nevi viotu limbululako, vunoni va shangalele Kalunga naku handeka nguavo, '' Keho Kalunga ua hanene vaka vifuti kulitavela kua miono yavo. ¹⁹ Ku voshe vaze vali shanduele mukonda kayando kedhile mukonda lia Setefanu va ile ku Fenisia, na Sipulu, na Antioka na ku umo uahi ku vambuluile liji kuvanga kava Yundeya lika. ²⁰ Keho vamo vavo vamala vaku Sipulu na Silene, vedhile ku Atioka navo vambuluile kuli vaNgelengu, mudhimbu ua cili ua muene Yesu. ²¹ Livoko lia muene lia kele hamo navo, vantu vavengi vali tavelele kuli muene. ²² Mbunga yamu Yelusalema yovuile mudhimbu uavo, mukemo muya tumine Mbalambasa ku Antioka. ²³ Muedhile nakumona ngodhi ya Kalunga ua jolelele naku vakoletha linga valihake muli muene navi mbunge viavo vioshe. ²⁴ Mukonda uakele liala uacili ua shulile na mpundhi yakulela nakuthsiliela, vantu vavengi vali vandakanene kuli muene. ²⁵ Mbalambasa ua yile ku Talusu muku thetela Saulu. ²⁶ Muamu uanene, uamu nehele ku Antioka. Keho cakele ngeci muaka uoshe ua mutuntu va kungulukile hamo na mbunga ije. Vandongisi vakevo vakele vaku livanga kualuluka ku Antioka vava tumbuile Yesu. ²⁷ Ngeci kumatangua aa ku Yelusalema kuatundile Vapolofeto vedhile ku Atioka. ²⁸ Umo uavo ua lidhina Angambu uakatukile na kuleketha musipilitu nguendi njala yakama ikeja hanthi hoshe. Ikeye yedhile kumatangua a Kalandiu. ²⁹ Keho nkala uoshe uaku vandogethi uatumine vukuathi kuli vamu naina ku Yunda. ³⁰ Va lingile ngeci; vatumine vimbongo kuva kulumtu mumavoko a Mbalambasa na Saulu.