¹ Vanavange vavandende, ndjimisonekela vuima evi linga ketjimulinge vupi. Keho ngaumo alinga vupi, tulina lihako kulitata, ikeje Jesu Kilistu mukavuviuke. ² Ikeje nkombelo jamaninga aku vupi vuetu, ketji nguehoni vietu lika. Vunoni nevi via vakahanthivoshe. ³ Mukemuo tunathivuka ngatjije tunamuthivuka, nga tunjunga majui endi alithiko. ⁴ Ou ahandeka, nguendi ndjimuthivuka, keho kekunjunga majui alithiko endi, ikeje mukavishaki, kehommuli ikeje vutjili vuahimo. ⁵ Vunoni uoshe uekunjunga lijui liendi, tjili vene tjilemo tjaKalunga tjatantuluka muli ikeje. Hakeho tuthivukila ngatjije tuli muli ikeje. ⁶ Ou ahandeka, nguendi, akala-kala muli ikeje: Napande kuenda nguehoni uendele ikeje lalo. ⁷ Vakatjilemo tjange, kandjimisonekela lijui lialithiko lialiha, vunoni lijui lia lithiko lialaja. Limuakele nalio kutunda hakulivanga, lithiko lialaja likelio lijui olio liluovuile. ⁸ Lalo ndjimisonekela lijui lia lithiko lia lika: Likelio vutji muli ikeje namu lieni. Moumu muthithi ulina kuhitanamuta ua tjili, una tulaja ⁹ Ouahandeka, nguendi: ali mumutana, keho anthinda mukuavo, nolo vene mumuthithi hanga nolo muali. ¹⁰ Ou alijongola mukuavo akala-kala mumutana. Na mulu ikeje evi via kushevuitha vakuavo via himo. ¹¹ Vunoni ou anthinda mukuavo, mumuthithi nolo vene hanga muali: ali nakuenda mumuthithi, kathivuka oku kuali nakuja. Muomu muthithi inapuputitha mesho endi. ¹² Ndjimisonekela eni, vana vange vavandende, moumu vuoi vueni vana mienjela vio mulithina liendi. ¹³ Ndjimisonekela eni, vatata, moumu munathi vuka uje uakala kutunda haje hakulivanga. Ndjimisonekela eni, vakuendje, moumu uje mukavupi munamutuvakana. Ndjimisonekela eni, vanike, moumu tata munuthivuka. ¹⁴ Ndjimisonekela eni, vatata, moumu ou uakulivanga mumuthivuka, ndjimusonekela eni vakuendje, moumu muvakanthili, nalijui lia Kalunga lilimulieni, keho uje mukavupi muna mutuvakana. ¹⁵ Ketjimujongole mavu nambe viuma vilihamavu. Ngaumo ajongola mavu, tjilemo tjatata tjahimo muli ikeje. ¹⁶ Moumu vioshe vilihamavu, lishungu liathitu nalisungulia mesho. Nakulihaletha tjamuono vikevio ketji viatata hathi. ¹⁷ Keho mavu akanalisungu liao: Vunoni ou uekulinga tjithango tjaKalunga akala-kala thimbu joshe ja-je. ¹⁸ Vana vange ino ikejo ola jakukotokela, keho nguehoni muomuo vuile ngatjije, ante-kilistu enja. Navuno vene vanakatukalaja va ante-Kilistu vavengi: Hakeho vene hatuthivukila ino ikejo ola jakukotokela. ¹⁹ Vakevo vatundile kulietu, vunoni kavapuile vetu muomu nga vupuilevetu ngavana tumama netu. Vunoni vatuhikile linga vasoloke nguehoni voshe kava puile vetu: ²⁰ Keho uje uakujela namivuavuetha, keho vioshe muvithivuka. ²¹ Ndjamisonekelele moumu vishaki viahi vitunda kuvunga. ²² Mukavishaki ija, ketjiuje aviana ngatjije Jesu ikeje Kilistu ndi? Ou ikeje ante-Kilistu, ou vene aviana ishe namono. ²³ Oushe aviana mona, ikeje vene kethi naIshe, ou vene atava Mona-ali naIshe lalo. ²⁴ Omo jeni ni, tjije tjimunovu hakulivanga, tjikale neni, tji je tjimunovu hakulivanga, ngatjikala mulieni. Nga eni lalo mukala-kala mulimona-namuli ishe. ²⁵ Nelilitavathano liana litavathana netu, moumu kauekuhua ua ja_je. ²⁶ Ndjamisonekela viuma evi via vaje vajongola kumishevuitha. ²⁷ Keho omo jeni, ku_vuavuetha tjije tjimuatambuile kuli ikeje tjikale neni, keho kamuapandele umo mukakumilongetha: Vunoninguehoni kuvuavuetha tjeni tjilongetha viuma vioshe. Keho tjiketjo tjavusunga ketji tjavishaki, keho nguehoni mojamilongethele, kaleni muli ikeje. ²⁸ Keho mualolo, vanavange vavandende, kaleni muli ikeje: Nga Asoloka tukalena kuthimpa, keho muenja, shamakaika tukolakumesho endi. ²⁹ Ngamuthivuka ngatjije ikeje mukavuviuke, munathivuka lalo nguehoni oushe uje uekulinga vuviuke nasemuka muli ikeje: