¹ Tjije tjakeler kutundahakulivanga, tjitunovu, tjitunamono namesho etu. Tunatjimono, namavoko etu tuna kuattako. Tjali juilia muono. ² Keho muono uasolokele, netu tu umone, keho tulina kuambulula vukaleho, nakumiambuilila muono-ou kauekuhua ua ja-je uje uakele kulitata keho unasoloka kulietu. ³ Tjijetunamono nakuvua, tjiketjo tjitumiambuilila, linga eni lalo mulivandakane netu. Tjilikulivandakana njetu tjilihamo natata nahamona muene uetu Jesu Kilistu. ⁴ Nevivi tusoneka, linga ndjolela jetu. ⁵ Nolulukeluo luthimo lutunovu kuli ikeje vene, keho tu luambulula kulieni nguetu, Kalunga ikeje mutana. Keho muli ikeje kamua kele muthithi naumo uahi. ⁶ Ngatuhandeka, nguetu tuna livandakana nendi, keho tuendela mumuthithi. Tuha ndeka vishaki, katulingi vutjili. ⁷ Vunoni nga tuenda mumutana, nguehoni ikeje ali mumutana, tuli nakulivandakana umo namukuavo. Namaninga a Jesu munendi atutoketha kuvupi vuoshe. ⁸ Ngatuhandeka, nguetu, katuakele navupi, tukulikuitha etu vavena. Navutjili vuahimo mulietu. ⁹ Ngatuli tavela vupi vuetu, ikeje mukavutjili namukavuviuke mukutuetjela kuvupi vuetu nakututoketha kuvuhenge vuoshe. ¹⁰ Ngatuhandeka, nguetu katualingile vupi tuna mupuitha muka vishaki. Nalijuiliendi liahimo mulietu.