¹ Taleni tjilemo tjakutuvakana tata natuhanatjo, movatutumbula vana vaKalunga: Keho tjilimu tuapua, mukemuo vene vakamavu kavathivuka, muomu kavamuthivuka ikeje. ² Vakatjilemo tjange, mualolo tuvana vaKalunga, keho kanda tjisololoke mutuka kapua. Tunathivuka ngatjije ikeje akasoloka tukalifua nendi, muomu tukamumona omuo muafua. ³ Keho oushe amulavelela napande kuli jeletha endivavena, nguehoni vavena uajela. ⁴ Oushe uje uekulinga vupi: Ashaula majui ali thikolalo, muomu vukevuo kushaula majui alithiko. ⁵ Keho munathivuka ngatjije ikeje uasolokele mukuambata vupi. ⁶ Uoshe uje akalakala muli ikeje, kekupanga vupi. Oushe uje uekulinga vupi, kanda amumone, nambe kumuthivuka. ⁷ Vanavange vavandende, naumo uahi amitanganethe: Uje uekulinga vuviuke, ikeje mukavuviuke nguehoni ikeje mukavuviuke. ⁸ Uje uekulinga vupi ikeje mukaSatana, moumu Satana ikeje ualinga vupi kutunda hakulivanga. Vikevio vianasolokela munaKalunga linga enjekevipanga via Satana. ⁹ Uoshe uje nathemuka kuliKalunga kekulinga vupi muomu mbuto yendi itumamamili ikeje. Keho kahatha kulinga vupi mmuomu nathemuka kuliKalunga. ¹⁰ Mukemuo vana vaKalunga vasoloka, navana vaSatana, uoshe kekulinga vuviuke. Ketji uaKalunga, nambe oukeke jongola mukuavo. ¹¹ Muomu lunolikeluo luthimo lumuno vutukundaha kulivanga, ngetji jetuli jongole umo namukuavo. ¹² Ketji nguehoni Kaini uapuile muka vupi, keho uatsihile shongo jendi. keho vika uamuthihilile? Moumu vipanga viendi viakuviha- nevi viashongo jendi vikevio viatjili. ¹³ Vanavanana ketji mukomoke ngavakamavu vamithinda. ¹⁴ Etu tuthivuka ngetjije tuna tundu kukutha, tuha hete kumuono. Moumu tujongola vakuetu, uoshe uje ka jongola mukuavo, akalakala mukutha. ¹⁵ Uoshe athindamu kuavo, ikeje mukakuthina. Nendi uathi vuka ngatjije ali mulimukakuthiha, muono kauekuhuaku uekukala mo. ¹⁶ Mukemuo tunathivuka tjilemo omo ikeje natutulila muono uendi, netu tuna pande kuvatulila miono jetu vakuetu. ¹⁷ Vunoni uoshe alina vufuko vuahano hamavu, keho amona mukuavo nahutua. Endinakumukuatha kuahi vene, tjilemo tjaKalunga tjikala vati muli ikeje? ¹⁸ Vana vange vavandende, ketji tuli jongole nali jui nambe nandaka, vunoni navipanga na vusunga. ¹⁹ Mukemututhivuka guetu kavusunga, keho tukaholuetha vimbunge vietu kumesho endi. ²⁰ Moumu vimbunge vietu ngaitupajetha, Kalunga uatuvakana vimbunge vietu ikeje uathivuka viuma vioshe. ²¹ Vakua tjilemo tjange nga kaitupajetha ngatulina kusimpa kuli Kalunga. ²² Keho nkala tjuma tjitulomba, tukutjitambula kuli ikeje. Moumo tueku njunga majui alithiko endi nakulinga viuma vije via kutantuluka kumesho endi. ²³ Lisiko liendi likelio eli, ngatjije tuthelele lithina lia munendi Jesu Kilistu nakulilema umo namukuavo. Nguehoni muana tuishika. ²⁴ Nou anjunga majui alithiko endi, akala-kala muli Kalunga naKalunga muli ikeje. Keho mukemuo tuthivuka ngatjije ikeje akala-kala mulietu. Hali Spilitu uje jana tuhana.