¹ Nangevene kanjathele kuhandekaneni vakue. ngohoninavakavuthithimba vunoni ngohoninavakavuthitu. ngohoninatukeke vamuli Kilistu. ² Njamilelele namavele, keti ngohonina viakulia. Muomu eni kamua vihathele, namualolovene kamuhatha. ³ Muomu eninolo mutjili muvuthitu, muomu hakati keni haktjilikuliveja, naluothi, keti muvakavuthitu. Keho mutjendela kuvilika via vantu ndi? ⁴ Muomu mutjihandeka umo nguendi ''jange tjimuka Paulu, Mukuavo nguendi nange tjimuka aPolo, vuno ngetji muvantu ndi. ⁵ Apolo ija, NaPaulu ija? Vangamba vene muomu hali vakevo eni muathethelele. Navantu voshe nguehoni omo muene navathethele. ⁶ Jange vene Njakunine, aPolo uatukumuinine, vunoni Kalunga uakulithile. ⁷ Ngotjovene nambemukakukuna kahatha navimo viahi. Nambe mukakutukmuina, vunoni Kalunga mukakukulitha. ⁸ Keho mukakukuna namukakutukumuina vanapu mumolika. Vunoni voshe vakatambula fueto tjavo vene, vijevene viova napanga kumuntu kumuntu. ⁹ Muomu etu tuvangamba kumona Kalunga vene, eni munapu mahia aKalunga, nakutunga tjaKalunga. ¹⁰ Kukavumbi kaKalunga kajevatjihanene nguehoni methele uamangana njahindile luvula ndjivo, kehomukuavo atungilaho. Vunoni vantu voshe vathangame ngue movatjitungilaho. ¹¹ Muomu luvulalueka luandjivo, naumo uahi ahatha kuluhinda. Kuvanga lujeluvahinda laja lukeluo Jesukilistu. ¹² Vunoni ngaumo atungila haluvula luandjivo, olu, Palata, Mavue aseho, Viti, Muila, Vishati. ¹³ Vipanga via vantu voshe vikasoloka. Muomu litangua lijelika vimuetha, muomu vikasoloka natuhia. Keho tuhia vene tuketheka vipanga via vantu voshe mukuvimuetha vinafu vati. ¹⁴ Ngavipanga via muntu umo vikatutumama, vije via natungilileho. Ikeje aka tambula fueto. ¹⁵ Ngavipanga via muntu umo vikauema. Ikeje vakavindama fueto, vunoni ikeje vavena akavoka, vunoni nguehoni muntuhia. ¹⁶ Kamuthivuka ngueni eni mutembele jaKalunga, keho sipilitu uaKalunga atumama mukati keni ndi? ¹⁷ Ngaumo avihitha tembele jaKalunga, Kalunga nendi aka muvihitha. Muomu tembele jaKalunga jalela, jenivene mutembele ije. ¹⁸ Naumo uahi alikuithe ngotjo endi vavena ngaumohakati keni athinga njekanga tjije alinamangana alimbu ino jamualolo. Ali puitha tjithiname ngatjije akalevene namangana. ¹⁹ Muomu mangana amavu ano anapu vuthiname kuli Kalunga. Muomu vanasoneka, nguavo; Ikeje akuatela vakuamangana kukuthangama tjavovavena. ²⁰ Keholalo nguavo, muene athivuka vithinganyeka viavakua mana ngetjije vikevio viangotjo. ²¹ Ngotjovene naumo uahi alipambela kuvantu, muomu viuma vioshe vinapu vieni. ²² Nambe Paulu, nambe Apolo, nambe Sefasi, nambeMavu, nambe Muono nambe kutha, nambe vuima evi viliko, nambe evivinja, vioshe vieni. ²³ Neni muvaka Kilistu, nakilistu ikeje uaKalunga.