¹ Nange lalo, vamunana, munjenthile kulieni konjenthile ngohoni naku mituvakana kua lijui nambe namana aku miambuluila vukaleho vua Kalunga. ² muomu age njayonguele nguange keti njikathivuke lalo viavio mukati keni, kuvanga Yesu Kilistu ua kupampala hachilindakano. ³ Nange njakele neni nakutheya, naliova na kujaja muakama. ⁴ nalijui liange ,na kuambulula kuange kuviakele namajui akushuangela kua mana. Vunoni via kele na chileketho cha sipilitu na nthili. ⁵ Linga kuthelela kueni keti kuthendamene kumana avantu, vunoni ku nthili ya Kalunga. ⁶ vunoni tu kuanya mana navaje vanakolo, vunoni mana aje keti ngohoni anthimbu ino aviamana via nthimbu ino kuahi vakathsa. ⁷ vunoni tukuania mana aKalunga ngohoni lihungu, akeo aje vene ava shuekele, aje Kalunga atumbuile omonthimbu te yahi muku tunehela vumpahu. ⁸ Hajevene vimwene vanthimbu ino naumo wahi adthivuka, muomu nga vanathivukile nga kuva pampalele muene ua vumpau. ⁹ vunoni ngue muva vithonene nguavo, lisho liahi linavimono, nalitui liahi linaviuvu, nambunge yamuntu yahi yavithinganyeka viuma vioshe Kalunga vavi vuahethela vaje vamuyongola. ¹⁰ Vunoni Kalanga natu jombuelela via hali sipilitu uendi, muomu sipilitu ikeje mukaku jongola viuma vioshe kulunongo tima. njili, vije viakulova via kalunga. ¹¹ Muomu kuvantu ija athivuka viuma via muntu. kuvanga muthithimba uamuntu uje ulimuli ikeje. mukemo vene na viuma via kalunga naumo uahi avithivuka. Kuvanga sipilitu uakalunga. ¹² Vunoni etu katua tambuile muthithimba uahamavu. Kuahi vunoni muthithimba ua kutunda kuli ¹³ Kalunga,ngetjije tuna thivuka viuma vianatihana Kalunga. Mavoko voko iuma evivene vi tuekuhandeka ngetji namajui akulongetha tjamua ngana. Avvuntu, vunoni aje akulongetha nasipilitu,mukuvandakana viuma via muthithimba namajui amuthithimba. ¹⁴ Vunoni muntu uavuthituka tambula viuma via sipilitu ua Kalunga, muomukuli ikeje vinapu via kuheva, nendi vene kahatjha kuvithivuka, muomu vikevio vavihilula, kumuthithimba. ¹⁵ Vunoni muka muthithimba ahilula viuma vioshe, nendi naumo uahi amuhilula. ¹⁶ Muomu ijanathivuka vithinganyeka via Kalunga, linga amulongethe. Vunoni etu tuli navithinga njeka via Kiristu.