¹ Weno Naomi ana kara nolikoro lya vyeendi, murume wo ngawo wo livu lya Elimelech, ntani lidina lye ndje Boaz. ² Rutu, mukadi wo muMOabite, aamba kwa Naomi," Wenotanko niyende nikamanite vyo vya hupo mukatji komatwi wo rukokotwa mulifuva. Ame kuni kwama kehe uno wo mantjo kuni wana owo mbatero." Makura Naomiaamba kwendi si," yenda, monande." ³ Rutu ayendi akateta ure ovyo vya hupiro mulifuva kuruku ro muyangu. Akuharukako mpwali mulifuva lya Boaz, owo akaliro wo livu lya Emelek. ⁴ Kengenu, Boaz kwa tunda kuBethlehema nakuaamba kuvateti si." ndi Yahweh akare nanwe." Ava limburura kwendi," Ndi Yahweh amutungike." ⁵ Makura Boaz aamba kuvaruwani vendi ovo va kengilire vateti," murume munke amutumbukiro uno mwanuke wo mukadi?" ⁶ Vakareli vendi va kengiliro vateti avalimburura nakuaamba," mukadi wona wo muMoabite owo kakavyuko kwaNaomi atunde musirongo sa Moab. ⁷ Aamba kukwande,' nakanderere mpulitirenu niupe ovyo vihupomo mulifuva opo vamana kuyanguramo varuwani muyangu,' makura mbyo anaya kuno kumwe nakutwikira kutundilira ngura- ngura nange weno, kuupa ko si uye kuna pwiyumuka rusesu mumundi." ⁸ Makura Boaz aamba kwa Rutu," Ove simpe nakuteerera kwande ndi, monande? Wasayenda uka manite mulifuva nalyo peke; wasa suva lifuva lyande. Naponka kara moomu uruwane novaruwani vande vovakadi. ⁹ Tura mantjo woye tupu mulifuva oko vana kutetera varume kumwe nakukwama munyima yo vakadi vaunyoye. Kapi napukurura varume si vasa kukwata ndi? Kehe pano tupu uyuva linota, kuvura tupu uyende kukandimbe kumwe nokunwa mema owo vana kaveta varume. ¹⁰ Makura nko kunyongama kumeho yaBoaz nakugumita sipara sendi mulivu. Aamba kwendi," Morwa ke nawanene uwa mumentjo woye ovyo una karere nosinka kuhamena kukwande, ame ntunda virongo?" ¹¹ Boaz alimburura na kuaamba kwendi," Kwa virapota kwande ovyo waruwana kutunda pamfa da vyoye wasuva vaso, vanyoko, ntani nosirongo so mvarera yoye mukukwama vangumweyi voye uye kuvantu wadira kuyiva. ¹² Ndi mposi Yahweh akuwederereko kuviruwana vyoye. Mpo ngoli uwanena mfuto yokuyulilira kwaYahweh, Karunga wo vaIsrael, kuntji yomavava oko ngo wana uvando." ¹³ Makura aamba," Tanko niwane uwa mumentjo woye, muhona wande, kovyo una ntambura nawa, ntani una aamba name nounongo, nampilisi ame kapisi umwe wo varuwani voye vovakadi." ¹⁴ Pasiriwo somurarero Boaz aamba kwaRutu," yiya kuno, uya lye mboroto, kumwe nakuyayi yaveka muvinyu." Asungire kuruha ro vateti, makura amupa rukokotwa. Ali dogoro akuta vimwe avisuvupo. ¹⁵ Moomo ature pamwe rukokotwa, Boaz arawire vamati wona vendi, nakuaamba," Musuvenu apongayike rukokotwa nampili novyo vyo pavitungu, ntani mwasa mutantera adire. ¹⁶ Waronka mumukokokerepo vimatwi vyorukokotwa pa vitungu, makura muvimusuvire aviture pamwe, ntani mwasamusweneka." ¹⁷ Makura pupura mo mulifuva nange ngurova. Makura avipumu vimatwi vyo rukokotwa ovyo apongayikire, ntani rukokotwa kwa kalire yira Ephan yo kubarley. ¹⁸ Avidamuna ayende navyo musitata. Makura vangumweyi yendi vavimonine vyo apongayikire. Rutu nka arupwita rukokotwa rokuyota oro asuvire kumuyusa wendi makura amuapa. ¹⁹ Vangumweyi yendi ava aamba kwendi," kuninko una kapupurwira namuntji? Kuni una yendi ukaruwane? Owo murume ana kuvatero vamutungike." Makura Rutu atantere vangumweyi yendi kuhamena wo murume wo mwenya lifuva oko anakaruwanena. Aamba," Lidina lyo murume mwenya wolyo lifuva oko nakaruwanena namuntji ndje Boaz." ²⁰ Naomi aamba kwa ngumweyi yendi," Ndi mposi Yahweh amutungike, owo adiro kusuva unene wendi kuva yumi novafe. Naomi aamba kwendi," ounya murume ana kara na nkenda kukukwetu, umwe murume wonkenda kukwetu vayovokwa." ²¹ Rutu mukadi womuMoabite aamba," moo, ana vighamba mo ngoli,' nakona kukara pepi no varumewona vendi nange vamone namuyangu wendi." ²² Naomi aamba kwa Rutu ngumweyi yendi," viwa, monande, asi vyendi kumwe novaruwani vendi vovarume, mposi wasa kaya noudito mwa kehe lifuva." ²³ Mpo ngoli akalire pepi novaruwani vovarume vaBoaz mukurenkasi apupure kuuhura wo muyangu no muyangu wo rukokotwa. Atungire navangumweyi yendi.