¹ Naomi vangumweyi yendi, aamba kwendi," Monande, kuvura nidire kukusanenako livango upwiyumuke, mposi vininke viyende nawa koye? ² Makura Boaz, murume arewo muruwani wamukadona una kukaranga naye, uye kapisi likoro lyendi ndi? Kenga, kwapepa rukokotwa parupare matiku. ³ Mpo ngoli ukukuse naumoye, ukuwaveke naumoye, udwateeko vyuma vyoye, makura uyende palivhu kurupare. ⁴ Mara wasalitura naumoye uyivikwe kumurume nange amane kulya no kunwa. Ene ngoli opo arara, kwatakana palivango po anakurara mposi kunyima uyende kukwendi, fukura mpadi dendi, makura urare nkoko. Makura kwakutantera vyo uruwana." ⁵ Rutu aamba kwaNaomi," kuni ruwana kehe vino una aamba." ⁶ Makura aurumuka ayende kurupare, makura akwama vyo vamutantilire vangumweyi yendi. ⁷ Opo Boaz alire nakunwa makura mutjima wendi wakalire no mpepo, ayendi akare kuuhura wolihako lyo rukokotwa. Makura aya kadidi. Nokufikura mpandi dendi, kumwe nakurara nkoko. ⁸ Pakatji komatiku unya murume akugumaura. Apiruka, mpopo mukadi anarara kumpandi dendi! ⁹ Aamba," Ove re?" Alimburura," Ame Rutu, muruwani woye womukadi. Yara lirwakani lyoye kwa muruwani woye womukadi, ove unakara yira likoro papepi." ¹⁰ Boaz aamba," Monande, Yahweh ndi akutungike. Waneeda nkenda kuuhura woruvede ntani kumatamekero, mukonda kapi una yendi ukwame varume wona, vakaresi vangawo ndi vahutu. ¹¹ Weno, monande, wasa kara nowoma! Kuni kuruwanena kehe vino una aamba, morwa vantu navantjeya vomuno munkurumbara vayivasi ove mukadi wokutingwika. ¹² Usili si ame nimukalikoro, mara mpwali mukalikoro ntani me. ¹³ Kara nkoku matiku ano, ntani pangura-ngura, ntjenesi kwakuruwanena viruwana vyo likoro, nawa, renka ngoli aruwane viruwana vyo likoro. Mara nange kapi aviruwana viruwana vyo likoro, makura kuni vikuruwanena, kuliparu lyaYahweh. Rara nange ngura-ngura.' ¹⁴ Makura arara kumpadi dendi nange ngura-ngura. Ene ngoli arambuka kumeho yo kehe uno aka dimbururasi mpwaliko muntu umwe. Kwa Boaz aamba," wasarenka vayivesi mukadi ana yo kulivango lyo kugaunwina." ¹⁵ Makura Boaz aamba," yita ruaro roye uru kwaterere pandje." Apo aruwanine mo weyo, ametere mo siviha so rukokotwa somuunene wo ntano na yimwe, mwaso ntani atura vyo vingi mwendi. Makura ayendi munkurumbara. ¹⁶ Apa Rutu ayire kuvangumweyi yendi, aamba." Weni mo unaviuwana monande?" Makura Rutu amupitiremo vyo anamuruwanene murume unya. ¹⁷ Aamba," dino metera dorukokotwa ntano na yimwe ndo ana kampa, mpo ana aambasi, wasa yenda mawoko-woko kuvangumweyi yoye." ¹⁸ Makura Naomi aamba," kara nkoku monande, dogoro uyive si metera ngasi ditundomo, kounya murume kapi apywiyumuka nande amane vino vininke namuntji."