¹ Vino kwa horolire mu mayuva pita apa vapanguli vapititilire mulivango munya lyakalire lirumbu, makura murume umwe woku betlehem womu Judah ayendi ku sirongo sa moob na mukadendi no vana vendi vo vamati vavili. ² Lidina lyo murume uno ndje Elimelek, ntani lidina lya mukadendi Naomi. madina wo vana vendi vo vamati vavili mbo va Mahlon na Kilion, ovo vakaliro va Ephrathites vomu Betelehem mu Judah. ava katika ku sirongo sa Moob ava katunga nkoko. ³ Mpo ngoli Elimeke, Vya Naomi, afu, amu suvu pantjendi novana rume vendi vavili. ⁴ Ovo vana rume ava wana vakadi kwara ku mukadi umwe wo mu Moob, lidina lyo umwe kwa kalire Orpah, ntani umwe ndje Rutu. Mo vatungire ure womwaka murongo. ⁵ Navantje va Mahlon na Kilion avafu, ava suvu Naomi ahana vyendi ahana vana. ⁶ Mpo Naomi atokora kusuva Moob na ngumweyendi avyuke ku Judah morwa ayuvire udito mu mukunda wa Moob asi karunga avatelire vantu ku vihepwa vyavo noku vapa ndya. ⁷ Mpo ngoli asuvire livega linya akalire nova ngumweyi vendi vavili, ava yendi va urumuke kulivhu lyavo ku judha. ⁸ Naomi a amba kuva ngumweyi yendi vavili," kayendenu vyukenu kumandi ava nyokwenu.Ndi karunga aneyede ufenkenda mwenu, yira momo mwa neyeda ufenkenda kuvafe noko kwande. ⁹ Ndi hompa amu swere muwane lipwiyumuko, keheumwe wenu mumundi wo murume umwe," ava ncumita, makura ava yerura maywi avo valire. ¹⁰ Ava amba ku kwendi," Awe! kutuvyuka nove kuvantu voye. ¹¹ Ene ngoli Naomi a amba,'' pirukenu, vana vande! vinke ovyo muyendera name? simpe nakara navana rume mulira ava ngava kavhuro kumu kwara nka ndi? ¹² Pirukenu vana vande, yendenu nandjira yenu, apa nakara nimukondi unene muku kwaranka. Nange niambe asi, ' ndi niwane murume matiku; niyite vana vovarume, ¹³ Ndi kuvhura mutaterere dogoro ngavakure ndi? Kapi ngamu horowora kukwara varume vapeke? Awe, vana vande! kuna ku ndjuvitame nyengo kondasi loiwoko lya karunga linakara ure name.'' ¹⁴ Mpo simpe va ngumweyi yendi ava yerura maywi valire. Orpah ancumita ngumweyi yendi rure Rutu naye akwaterere kwa unyendi. ¹⁵ Naomi a amba asi, ''teyerera, swara yoye ana vyuka ku vantu vendi noku vadimu vendi. vyuka kumwe na swara yoye.'' ¹⁶ Ene ngoli Rutu a amba asi, ''wasa ntininika me niku suve, nidire kuku kwama, oko una kuyenda nko nakuyenda, oko ngo kakara nko ngani kakara, vantu voye ngavakara vantu vande, ¹⁷ oko ngokafera nko ngani kafera, nko ngava kamvhumbika nkoko. ndi hompa avi ntengekere, mpili momu nene, nkwandi mfa pantjado ngadi tugaununo.'' ¹⁸ Opo Naomi amonine asi Rutu ana tokora kuyenda naye, asayeke kutangura naye. ¹⁹ Mpo ngoli vavili vano avayendi ava kabubuka mu doropa ya Betelehem. Evi vya horokiro opo va katikire mu betelehem, doropa nayintje kwava hafelire.Mukadi umwe a amba asi, '' ove Naomi ndi?'' ²⁰ Ene uye a amba kwavo, '' Mwasa ndjititame Naomi ndjititenu Nyengo, morwa karunga anduwanita nyanya yayinene. ²¹ Nayendire wokuyura, ene ngoli Yahweh ana kavyuta nka mawoko woko. Makura vinke muna kundjitira Naomi, mukukenga Yahweh ana nkengerere, ntani sankendengere ana hepe kere mo?" ²² Makura Naomi naRutu vakadi vaMoabite, ngumweyi yendi, avyuka atunde kusirongo saMoab. Avaya kuBethlehem kulitamekero lyo muyangu wo kukenga.