¹ Mayuva akapito, kwa kalire mumbunga, kwato evi va vulire kulya. Jesus a kughu vanasisongerovendi ava tantere. ² Na vuru kusetakanita mbunga morwa vatwikilire kukara name mayuva matatu vahana kulya. ³ Ntjene ni va tuma kumandi ghavo vahana kulya, kuvura va pwilire mundjira. vamwe kunaya ndjira yayire." ⁴ Vanasisongero vendi ava mulimburura, " kuni tuvura kuwana dimutje damboroto mumburundu muno vantu vavure kukuta?" ⁵ Kwa vapulire, "Dingapi mboroto munakara nado?" ava ghamba asi "Ntambili." ⁶ Ava tantere vasungirenu palivu. A ghupu mboroto ntambili, no kutapa mpandu, a ditetaura. A tapa kuvanasisongero vendi vasungilire kumeho yovo, ano ava tumu kunyima yambunga. ⁷ navo vakalire nontjwi dadidi, kunyima ava tapa mpandu, a tantere vanasisongero vendi va vatapere . ⁸ Avali avakuta, makura ava tovaura viruhupwe evi vyahupireko, ava ywida vikumba vyo vinene ntambili. ⁹ Vantu vanya vakalire Mayovi mane. ano ava renke va vyuke. ¹⁰ Mpopo tupu a vyuka muwato navasisongero vendi ava yendi mumukunda waDalmanutha. ¹¹ Makura va Faliseya ava rupuka ava tameke ku kukanana. Ava mupapara ava mono siyivito muliwiru, va museteke. ¹² A mono pa mpepo nakughamba, "Morwa nke rudi rwapeke rwa kusanena sineyedito? Usili nakumutantera siyivito so ruguvo. ¹³ Makura suvu navantje, ayendi muwato nka, aya yendi kunyima nka. ¹⁴ Makura vanasisongero ava vhurama kughupa mboroto davo. Kwato evi vakalire navyo mpili muntje umwe womboroto muwato. ¹⁵ Ava rawire, nokuvatantera, "Karenu nakukenga no ku kukunga kupira kukuwa kumwe novifulito vyo vaFaliseya ntani novifulito vya Herodi." ¹⁶ Vanasisongero ava kukanana vavene, mukupira kukara namboroto. ¹⁷ Jesus apa a viyivire vino, ava pura asi, "Vinke muna ku kukananena vya pira mboroto? Simpe kapi munavimono ndi kapi munakuviyuvha? Dimutjima denu dakukuta? ¹⁸ Mwakara namantjo, kapi mwamonanga? mwakara nomatwi, kapi mwayuvanga? Kapi mwavurukanga? ¹⁹ Apa natetawire dimuntje ntano damboroto kuvantu mayovi matano, vikumba vingasi mwayudire vya vihupwe vyamboroto mwaghupire?" Ava mutantere asi "Ntambili." ²⁰ "Opo natetawirere dimuntje ntambili movo mayovi mane, vikumba vingasi vyo vihupwe vya mboroto mwayudire?" A ghamba asi ''ntambili.'' ²¹ "Simpe kapi mwa ku vikwatita lighano ndi?" ²² Ava ya ku Bethsaida. Vantu ava muyitire murume wositwiku nokuya likwambera kwaJesus a mukwate. ²³ Jesus a kwata murume wasitwiku kulighoko, ame ghupemo mumukunda. Apa a mutipilire mumantja nakumukambeka mawoko, a mupura, "Mpovili una kumona ndi?" ²⁴ A kenge muwiru, nokughamba asi, "Nakumona vantu vana fano yira vitondo vyo kuyenda.'' ²⁵ "Simpe nka amukambeke mawoko ghendi kumantjo, murume a pahuka mantjo hendi, a tameke kumona navintje nawa-nawa. ²⁶ Jesus mpo a mutumine kumundi wavo nokumutantera asi, "Kapisi ukangene mumukunda." ²⁷ Jesus kwayendire novanasisongero vendi kumukunda wa Caesarea Philippi. Mundjira yavo a pura vanasisongero vendi, "Vantu kuhamba asi ame are?" ²⁸ Ava mulimburura asi, Johanesi mukusi. Vamwe asi, Elija, eno ngoli, vamwe asi ''ove umwe muporofete.'' ²⁹ Ava pura, "anwe kuna kuhamba asi ame are?" Peturusi a ghamba, ''ove Kristusa." ³⁰ Jesus avarondwire asi kapisi va katantere kwa kehe ghuno kuhamena kwendi. ³¹ Mpo a tamikire kuvaronga mona muntu kunyanda kuvi ninke vyaku ku suva-suva, ntani ngava muswena vakurona navakondi vak varuti ntani vamantjangwa, ntani ngava mudipaya, ntani apa ngapapita mayuva matatu ngarambuka ku ufe. ³² A ghamba mbudi yikene nawa-nawa. Makura Peturusi a mughupupo nokutameka kuvi muswenena. ³³ Jesus apiruka nokukenga vanasisongero vendi ene ngoli amuswenene Peturusi nokughamba asi, "Yiya kunyima yande, Satan! Kapi ana kutura maghano woye kuvininke vya Karunga, ano ngoli kuvininke vyo vantu." ³⁴ A yita mbunga kumwe novanasisongero vendi, nokuvatantera asi, "kehe oghu ana horo kunkwama, ana hepa kukuswenena umwendi, a damune sikuruse sendi, makura a nkwame. ³⁵ Ko kehe uno ana horo kupopera liparu lyendi ngolikombanita, ano owo nga kombanita liparu lyendi morwa mumwande noliso songo ngava liyowora. ³⁶ Vinke vyo kuvatera muntu awane navintje akaro muundjuni uye a kombanite liparu lyendi? ³⁷ Muntu vinke a vura kutapa a tjindjite liparu lyendi? ³⁸ kehe umwe alifango ntjoni kwande nokunkango dande murusonda nomundjo muuye uno, mona muntu nga mufita tjoni uye apa ngaya mu uyerere waVase novaEngli vokupongoka."