¹ VaFaliseya novamwe vomatjangwa ovo vatundiliro kuJerusalema kwapongire vana kukundurukida. ² Vamonine vamwe vanasisongero vendi kwalire mboroto nomawoko ghakunyata, wo kupira kukusa. ³ (VaFaliseya nava Juda navantje kapi va lyanga vahana kulikusa kumawoko ghawo, morwa vakwaterera Mpo yavakondi vavo. ⁴ VaFaliseya opo vakatundanga kuvitanda, kwato kulya nkwandi vayowane, ntani kukwata vininke vya vingi vawanine, yira kukusa nkinda, vifoyo, tumuliru to Siliveli, novipundi opo vasungiranga pakulya.) ⁵ VaFaliseya navatjangi ava pura Jesus, ''Konda munke varongwa voye vadiranga kukwama Mpo yovakondi, ene ngoli kulya mboroto vahana kulikusa kumawoko?'' ⁶ Enne ngoli a tanta kwavo, "Jesaya a pumbire nawa kuhamena kwenu nwe vapukiti. Yira moomo va vi tjanga asi, ''ava vantu kwa mfumadeka nangewo davo, ene ngoli dimutjima davo ure name. ⁷ Lipando lyavo lyo mawoko-woko kwande, vavo kuronga dimurawo do sinauntu. ⁸ Anwe kwasuvilira dimurawo daKarunga ene ngoli mbyo mwa kwaterera Mpo ya pasinauntu." ⁹ A ghamba nka kwavo, "Weni mwaswena dimurawo daKarunga ano mukwaterere vya Mpo! ¹⁰ Mosesa kwa tanta, ''fumadeka vaso navanyoko; ntani, ''kehe uno wo kughamba vyousatana kwaVase ndi Vawina usili nga fa.'' ¹¹ Ene ngoli anwe kughamba, ''Sene muntu a ghamba kuvase ndi kuvawina, "Kehevi mvhatero a vura kuwana kukwande oyo ndjambo" (Ovyo vatapa kwaKarunga), ¹² Ano owo makura nokumupulitirasi a ruwane kehe vino Vase ndi Vawina. ¹³ Anwe kuna kurenkita nkango daKarunga dipempuke morwa Mpo yenu oyo mwaturapo. Novininke vya vingi mwaruwanaga nka." ¹⁴ A yita nka mbunga no kuyitantera, "Teyererenu kwande, namuvantje, muviyuvhe. ¹⁵ Kwato nka vimweya vya pandje ya muntu vyokunyateka pakungena murutu rwendi." ¹⁶ Vipepa vyakahuroko kapi vyakara narumbembera, nkene muntu a kara namatwi ghakuyuvita, a yuvhe.'' ¹⁷ Apa a tundirepo Jesus pambunga aka ngene mumundi, vanasisongero vendi ava mupura kuhamena viswewe. ¹⁸ Jesus a tanta, "Anwe nanwe simpe kapi muna kuyuva? Kapi mwayiva asi kehevi vyangenango murutu kutundilira pandje kapi vya munyatekanga. ¹⁹ Morwa kapi vyayendanga kumutjima, ene vyavyo kuyenda mulipumba lyendi ntani vikarupikira muura?" Nosighamba esi Jesus kwa fatulire asi ndya nadintje dakusuka. ²⁰ A ghamba, "Ovyo vya rupukango mumuntu mbyo vya munyatekango. ²¹ Vyokutunda mumuntu, kutunda kumutjima, kupulitira maghano ghouSatana , rusonda, widi, lidipayo. ²² Kusondera pandje, ukaro dona, ufeke, lipiyagano, mfudu, liswaghu, kulikanganga navirunde. ²³ Ovi navintje uSatana watundilirango kumutjima, nokunyatekanga rutu." ²⁴ A sapuka a yende kusirongo sa Tirusi naSidoni. okunya aka ngena mumundi, ene ngoli kapi a holire vayive oku a kalire, simpe kapi a vhulire kulivandeka. ²⁵ ''Mpopo tupu,'' mbapira kapi dakara nonkango. Mukamali owo a kaliro namonakadona owo a kaliro nampepo yokunyata, apa yuvhire kuhamena kwendi makura aya nakuyawera kumpadi dendi. ²⁶ Ngoli mukamali owo muGiriki, wamvharerwa yaSirofoyenikiyani. A mukukwambere a tunditemo mpepo dona mwa monendi kadona. ²⁷ A tantere mukamali, "Renka vanuke pamuhovo vavape ndya. Morwa kapi vyawapa kuhhupa mboroto yavanuke muyivhukumine mbwa." ²⁸ Mara a limburura nakughamba asi, "Nhii, Hompa, mpili mbwa kulya vivunyunu vyamboroto vyawerango munda yasitafura." ²⁹ A mutantere asi, "Morwa mbyovyo una ghamba, manguruka ukayende. Mpepo yoyidona yina mutundu monoye." ³⁰ Mukamali a yendiko kumundi, ku kawana monendi kadona ana rara pa mbete, mpepo yoyidona yina tundumo mwendi. ³¹ Ano ayendi a rupuke pandje yasirongo saTirusi, aka pitira muSidoni a tambe kulifuta lyaGalireya dogoro musirongo saDecapolis. ³² Ava muyitire muntu wo sipuru-puru noudito wo kughamba, ano ava mukukwambere amukambeke liwoko lyendi. ³³ Ano amuwupu amu tware kulivango lyaumbembe, a tura nyara dendi mumatwi ghendi, ano amutipire nokukwata liraka lyendi. ³⁴ Ano a kenge muliwiru, a setereko , nokumutantera "Ephphatha" Kutanta asi "Gharuka!" ³⁵ Pasirugho ntjoso tupu matwi ghendi a gha gharuka, liraka lyendi lya kumanga ali manguruka, makura a tameka kughamba nawa. ³⁶ Jesus ava rawire vadire kutantera kehe ghuno. Enne ngoli momo ava rawilire mwamungi, mo muungi vatantilire vantu. ³⁷ Vavo kwatetukire unene, ava ghamba asi "Ana ruwana nkehe vino nawa." Ana renke vipuru-puru viyuve novo vo kudira kughamba vaghambe."