¹ Mpo a tundireko a yende kumbongi yavo, vasongi vendi ava mukwama. ² Apa lyatikire liSabata, a rongo muSinagoge. vantu vangi vamuyuvire ntani vya va tetukitire. Ava ghamba, "Kuni a wana ghano marango?" "Ukonentu munke owo vamupa?". "Vitetu munke nani ana kuruwana namawoko ghendi?" ³ "Oghuno nani kapisi ndje Karupinderu, mona Maria munya Jakopo najosesi naJudasa naSimoni? Vampandji vendi mpovali mpapa kumwe natwe ndi?" Vawo Jesus kwa va garapitire. ⁴ Jesus ava tantere, "Muporofete va mufumadeke, kuupako mumbongi yendi novakalikoro lyendi ntani nava va mumundi wendi." ⁵ Kapi a vulire kuruwana viruwana vya vinene, nkwandi kukambeka mawoko ghendi ku vaveli ava verure. ⁶ Kwamutetukitire mukudira lipuro mumwavo. Makura a yendi mudimukunda a ronge. ⁷ Makura mpo a kuwire varongwa vendi murongo navavili, ava tumu vavili navavili. makura mpo ava pire unankondo kumpepo yakunyata/yayidona. ⁸ Mpo ava pire marondoro asi kutupa evi vasimba muruyendo rwavo, kwato mboroto, kwato ndjato ndi maliva mumaruvya ghavo. ⁹ Ano vanahepa kudwata vi capa, ano vasa dwata vikoverero vivili. ¹⁰ Mpo ava tantilire asi, "kehe mundi ngomukangena, nakurupukamosi dogoro muna katundamo. ¹¹ "Ano nkene mudoropa omo kapi vana kumutambura ndi kumuteyerera, ngamu kukumune mbundu kumpandi denu, ogho ngo umbangi kukwavo." ¹² Vayendire nakuhudita asi vanyu va kutezurure. ¹³ Ava tjidamo mpepo dadidona, ntani vawavikire vaveli va vangi namaghadi naku va verura. ¹⁴ Hompa Herodi avi yuvire , ku lifumano lyo Kulidina lyendi Jesus aliyuvike nawa. Vamwe va ghambire, "mukusi Johanesa karambuka ku ufe, mbyo nani vina kahoroka vitetu vino muviruwana vyendi. "vamwe kwa ghamba asi, "ndje Eliya". ¹⁵ Vamwe kwaghambire asi, " ndje Eliya.'' Simpe vamwe ava ghamba, '' ogho muporofete, yira mbava vaporofete vakaliro ko pakare." ¹⁶ Apa avi yuvire Herodi a ghamba asi, "Johanesi, owu natetire muntwe, simpe ana karambuka ku ufe". ¹⁷ Herodi a tumine Johanesi vakamukwate kumwe nakuya mutura mudorongo, mukonda aya Herodesa kwa kwalire (mukonda Filipusi mukurwendi), mukonda amu kwalire uye. ¹⁸ Johanesi a tantere Herodi asi "kapi vya kara paveta kukwara mukada mukuroye." ¹⁹ Mara vya garapitire Herodesa, ntani a sanine ndi vadipaye Johanesi, ²⁰ Herodi a tjilire Johanesi: mukonda a yivire asi muntu a ghungamo, ntati a pongoka, mpo ammupungwire. Mukuteyerera kwendi vyamuguvitire unene, simpe a mupakere mbili nawa. ²¹ Makura mpito ayi ya po opo a gwanitire Herodesa makura a wapayike ndya da vakaveta vakurona vendi novakondi muGalireya. ²² Monakadi wavaHerodesa naumwendi ayamo ava danenepo, a hafitire hompa Herodi navagenda vendi vomurarero. Hompa a tantere mukadona unya asi, ''mpure kehe evi unasana ame kuni vikupa." ²³ Mpo a ghanine kwendi asi, "kehe evi umpura, kuni vi kupa, nampili ukahe wauntungi wande." ²⁴ Mpo a yendire aka tante kuvawina, "Vinke evi nivura kumupura?" Vawina ava limbwilira, "Mutwe waJohanesi mukusi. ²⁵ Mpoto tupu a kwangura a vyuke kwaHompa, aka mupura, a tanta asi, "Nahoro umpe weno, mutwe waJohanesi mukusi pasisa sasitondo." ²⁶ Nampili moomo vya muguvitire Hompa, kapi a vulire kuswena mukonda a tapire mughano kumegho yava genda vendi. ²⁷ Hompa mpo a tumine mukavita kuvakungi vendi a kayite mutwe waJohanesi. mukavita mpo a yendi mudorongo aka tete mutwe Johanesi. ²⁸ A kayita mutwe pasisa aya tapa kumukadona, ano mukadona aka utapa kuvawina. ²⁹ Apa va viyuvire varongwa vendi, mpo vayire vaya simbe rutu rwendi vakaruture muntoko. ³⁰ VaRongwa vendi ava ya naJesus nokumutantera navintje varuwanine nakusonga. ³¹ Makura ava tantere, "Vayende kulivango lyo mumburundu vakapwiyumukepo;" Singi vayire nakuyende, ntani kapi vakalire nasiruwo sa kulya. ³² Makura ava yendi muwato vayende mumburundu panaumwavo. ³³ Va vamonine omu vana kayenda mara vangi va vadimbuliro, makura ava dukireko parupadi vamudoropa da ku kusuva-suva, ava kahova kukatika kumeho yavo. ³⁴ Apa vayatikire kurukenka, a mono mbunga yayinene mpo ava yuvilire nkenda nkondasi vakalire yira ndjwi dakupira mukungi. Makura a tameke kuvaronga vininke vya vingi. ³⁵ Apa lya tokire liyuva, varongwa ava ya kwendi vamutantere asi, "Eli livango lya mumburundu ntani liyuva lina toko. ³⁶ Va vyute ngoli mposi vayende kudimukunda do papepi vaka ureko ndya vaya lye naumwavo." ³⁷ Ano Jesus ava limburura, "Vapenuko ndya va lye." makura ava mutantere asi, "kuvura tuyende tukaure mboroto mafere mavili ghaDenari tuya vape vaya lye?' ³⁸ A limburura asi, ''dimuntje damboroto dingapi munakara nado? yendenu mukakenge. "Apa vakadiwanine , ava mutantere, dimuntje damboroto ntano naNtjwi mbili." ³⁹ Ava tantere vantu valigaunune mutumbunga vasungire mu musoni wasinamahako. ⁴⁰ Ava sungire mutumbunga mafere nodimurongo ntano. ⁴¹ A ghupu dimuntje damboroto ntano noNtjwi mbili, makura a kankuka a kenge muwiru adi kanderere makura a tetaura mboroto ape vasongwa vendi vatapere kuvantu. a gaununa nka ntjwi mbili a tapere kuvantu navantje. ⁴² Navantje ava lyi dogoro vanakuta. ⁴³ Ava ghupu vihupwa vyamboroto, vya yudire vikumba murongo nambili, ntani vihupwa vyaNtjwi. ⁴⁴ Vantu mayovi matano valiro dimuntje damboroto. ⁴⁵ Mpopo tupu a tantere varongwa vendi varonde muwato vapite kumeho, varute museli munya, kuBethsaida, siruwo oso uye kuna kuvyuta mbunga yi vyuke. ⁴⁶ Apa vavyukire, a karonda kundundu aka raperere. ⁴⁷ "Ali toko liyuva, makura wato wawo kuna kuyendera pakatji kolifuta ano uye simpe paurundu pantjendi. ⁴⁸ Ava monine asi kapi vana kuvura kuduwa, morwa limpepo lyava wanino. Apa ya tikire vili yaune matiku aya kwawo, a ya kwavo uye kuna kuyenda pantunda yalifuta, uye kwasanine aya vapite. ⁴⁹ Apa vamumonine kuna kuyenda palifuta, ava ghayara asi Urumba, mpo vatakumine. ⁵⁰ Morwa vamumonine ntani vakalire naudito. Mpopo tupu a ghambire navo nokuvatantera asi, "karenu nalipuro! Ame ! mwasa tjira! ⁵¹ Makura a rondo navo muwato, mpepo ayi sayeke kupepa. avi va tetukita navantje. ⁵² Mukonda vavo kapi vakalire nausili asi nke da tantire dimuntje damboroto. Ano, dimutjima davo dakukuta. ⁵³ Apa varutire ava ya palivanto, ava yaseyeke wato paGenesareti. ⁵⁴ Apa va tundire muwato, vantu ava mudimburura wangu, ⁵⁵ Ava duka musirongo navantje kehe kumwe va muyuvilire vakayite va veli pamatjaro. ⁵⁶ Kehe mudimukunda a ngenine, ndi musitata ndi muSirongo, kavaturanga va veli pavitanda. Kava mulikwamberanga asi vavo va vure kwate kuvidwata vyendi, ano va vangi vamukwatiro va verukire.