¹ Ava ya kuseli kunya yalifuta, musirongo sa Garasenesi. ² Apa Jesus a tundire muwato, muntu aya kwendi, akalire nampepo yayidona, ghuye kwa tundiro muntoko. ³ Murume ogho kwatungire muntoko. kwato ogho a mupakiliro mbili ngoli a kalire mu mauketanga. ⁴ unya murume mbyo a ndembulire mauketanga. ntani kutunda opo kwato ogho amu vuliro. ⁵ Kehe matiku namwi omunya muntoko namu ndundu, alilire mbyo a kutetawire mwene namawe lyautwe. ⁶ Apa a monine Jesus kughure, mbyo a mudukilire, mbyo aka munyongaminine. ⁷ A yiyire naliywi lya linene mukulira asi, "vinke nivura kuruwana nove, Jesus, mona karunga? Nakanderere mulidina lyaKarunga, kapisi undjuvite kukora". ⁸ Uye a ghamba kwendi "Asi rupukamo mumuntu uno, ove mpepo yo yidona." ⁹ A mupulira asi "Are lidina lyoye ?" A mulimbwilira, "ame mpepodona, atwe nka tuvangi". ¹⁰ Uye mbyo akusengire nka kwendi asi kapisi nga va mutjidemo mumukunda. ¹¹ Apa kara utanga wavinguru vya lyeliliro pandundu, ¹² makura ava kusenge, asi, "Tutume tupu muvinguru, tungene mwayvo." ¹³ Avapulitilire; mpepo yoyidona ayi tundumo mbyo yangenine muvinguru, utanga wavyo aghukwangura vi ghurumuke kundundu viyende mulifuta, vyatikire kumayovi mavili gha vinguru navintje avi rovo mulifuta. ¹⁴ Makura ava kava havarekango vinguru ava duka vayende vaka rapote evi vya horokiro musitata namusirongo mudima, makura vantu ava yendi va ka kenge evi vya sorokiro. ¹⁵ Ano ava ya kwaJesus ava mono mpempo ya yidona ya kwatiro murume, ghuno a sungiliro pano unya ya kwatire mpempo yayidona,va vo kwa kalire ku rulyo rwendi, mu vyuma mbyo vatjilire. ¹⁶ Ovo va kaliro opo ya kwatire mpempo yo yidona unya murume, vatantire mwamunene, ntani ava tanta vya kuhamena kuvinguru. ¹⁷ Ano ava vareke kulisenga a tundemo mu mukunda wavo. ¹⁸ Apa a rondire muwato, murume unya yakwatiro mpepo ya yidona amu kanderere asi kuvura a kare naye. ¹⁹ Jesus kapi a mupulitilire, a ghamba kwendi asi, "Kayende kumundi ghoye no kuvantu voye ntani ove kavatantere evi ana kuruwanene Karunga nomo ana kuneyeda nkenda." ²⁰ Makura a yendi no ku kavareka kuyuvita muDecopolis vininke vya vinene amu ruwaninine Jesus, vya tetulire vantu. ²¹ Apa a taurukire Jesus a yende kuseli kunya ya lifuta muwato unya, mbunga ya vantu ayi pongo yina mukundurukida, uye kuntere da lifuta. ²² Umwe wa vakurona wa vaSinagoge walidina Jairus, aya, ano opo a mumonine, a were kumpadi dendi. ²³ A kusenge nakughamba asi, "monande wa mukadona, pepi namfa anakara. Nakanderere, yiya yaumukambeke liwoko kuvura a kanguke nakuparuka." ²⁴ Makura a yendi nambunga eyi ya mukwamino, ava ka mu kundurukida. ²⁵ Pakalire mukamali ogho a kaliro naudito wakupita honde ure wa mwaka murongo nambili. ²⁶ Uye kwa hepire unene kuvanganga nakuruwanita limona lyendi nalintje, mukurenka asi a veruke, ghudito aghu kuwederere mwamudona. ²⁷ Apa a yuvire mbudi yo kuhamena kwaJesus, aya kunyima momo mu mbunga aya kwata kulirwakani lyendi. ²⁸ 29 Makura a ghamba asi, "ame ntjene kwata kuvyuma vyendi, kuni kanguka.'' ²⁹ Apa a kwatire ku vyuma vyendi, honde ayi sayeke kupita, ano uye a kuyuvu asi ana veruka kughuvera ghunya. ³⁰ Mpopo tupu Jesus a dimburura asi nkondo dendi dna mutundu. a piruka mumbunga a pura asi, "Are ana kwato kuvyuma vyande?' ³¹ Varongwa vendi ava ghamba asi , "Una mono yino mbunga vana kupatelikida, weni upura asi are ana kukwato? ³² "Mora Jesus a kengurura ana a mone ogho a mukwatiro. ³³ Mukamali unya, ayivire evi vya horokiro morwa a kalire nawoma, a ya a yawere kwendi nakulitapa, a ghambe usili. ³⁴ a ghamba kwendi asi, "Monande wamukadona, lipuro lyoye lina kuverura. yenda mumbili, kanguka veruka kuuvera ghoye. ³⁵ Ha a hokwera kughamba, vantu vamwe va tundiro kuva kurona vavo vamuSinagoge, ava ghamba asi, "monakadi ana fu. Nke una kuyitira udito kwa murongi?" ³⁶ Jesus apa a yuvire mbudi yinya, a ghamba kumukondi waSinagoge, "Kapisi mutjire. karenu na lipuro." ³⁷ Kapi a pulitilire kehe uno a mukwame nkandi Peter, Jakopo naJohanesi muuni waJakopo. ³⁸ Ava ya kundjuwo yo mukurona waSinagoge makura a monopo vantu kuna kuyoghotera unene; ava kara nankenda nakulira kuyighuruka. ³⁹ Apa a ngenine mundjuwo, ava pura, "Vinke muna guvire? Ntani nke muna kulilira? mwanuke kapi ana fu enne ngoli kuna rara." ⁴⁰ Ava tameke kumusepa. Makura ava suvu pandje vahupepo vase vamwanuke nanyina novamwe a kalire navo, makura a yendi oko a kalire unya mwanuke. ⁴¹ A upu liwoko lya mwanuke a ghamba, "Talitha, Koum!" mo va yitorokira, ''mukadona, rambuka.'' ⁴² Mpopo tupu mwanuke a rambuka a yende (uye mwaka murongo nambili). ava tetuka nakukara naruhafo ⁴³ Ava pampilikida asi nakadidisi umwe pakatji kenu avi yive vya ku hamena kwevi vina horoko. Makura ava pura vamupeko vimwe vya kulya.