¹ Simpe nka uye a vareke kuronga kuntere do lifuta, mbunga yoyinene yapongire yamukundurukida. Uye a rondo muwato owu wakaliro kulifuta. a sungire mo. mbunga nayintje kwakalire kuntere-ntere dolifuta. ² uye ava rongire vininke vyovingi muvisewe, nomarongo ghendi, evi mbyo a ghambire ku kwavo. ³ Teyererenu! Munandima kwa rupukire a yende a kakune ntanga dendi. ⁴ Moomo a kunine, ntanga dimwe a diwere mundjira, vidira avi ya nokuyadilya po. ⁵ Ntanga dimwe adi were palivu lyo mawe opo dapilire kuwana livu lyo lingi. Mpopo tupu adi mene diyimane mbyevi asi kapi da kalire nolivu lyokudama. ⁶ Enne ngoli, opo lyapuma liyuva, vimenwa kwa pire, mukonda kapi vya kalire nondandani, mpo dafire. ⁷ Ntanga dimwe nko kuwera muvimenwa vyo miya. Vimenwa vyo miya vya kulire nko kuyitwaura, enne kapi yangwire mbuto. ⁸ Ntanga dimwe adi were palivhu lyoliwa, ano ayi yita muyangu wakuliro, aghukuliwederere ntani kwayangwire dimurongo ntatu, nadimurongo ntayimwe, novikando lifere limwe. ⁹ Mpo a ghambire asi, "Owo a karo nomatwi wokuyuva, renka uyuve!" ¹⁰ Apa a kalire Jesus pantjendi, ovo kaliro naye novo murongo umwe navambili ava mupura kuhamena visewe. " ¹¹ Ava tantere si, kukwenu vamupa untungi waKarunga. Enne ngoli kwava vapandje yo navintje ngavi kara muvisewe. ¹² Mpo ngoli vakengire, nhii, vakengire, enne ngoli kapi vamonine, enne ngoli opo ngava yuvha, nhii nga vayuva, enne ngoli kapi ngava vikwatakana, ndi walye ngava livyuta, kwaKarunga nga vaghupirepo. ¹³ A tanta kwavo, "Anwe kapi mwa kwatakananga evi visewe? Weni ngoli omo mukwatakana visewe navintje? ¹⁴ Mukuni kwa kuna nkango. ¹⁵ Odi, ndo dimwe dokuntere yo sitaura, oko va kunine nkango. Opo vayuva, satana mpopo wangu-wangu kuya nokuyavaghupu nkango odi vakuna mwavo. ¹⁶ Ntani simpe ndjo mbuto vakunine palivu lyomawe; ovo, opo vayuva nkango mpopo ava yitambura noruhafo. ¹⁷ Enne ngoli yayo kapi yakara nondandani mwanaumwavo, enne ngoli kuprukaka tupu kadidi. kumeho yo siruwo opo nga gha ya maseteko ndi mpanguro kutundilira ku nkango, vavo kutunda ko wangu-wangu. ¹⁸ Simpenka mpovali vamwe vakunino ntanga pakatji ka miya. Ovo mbo ngoli vayuvango nkango. ¹⁹ Morwa vakara nasinka sa undjuni ntani vanya vakudira kupura muungawo nakukara nasihoro so vininke navyo peke kuya no ku kuwora nkango, no da kupira mutompo. ²⁰ Odo vakunine mulivu lya liwa, ovo ngava yuvo nkango, ngomu pure nokunyanga linyango murongo ntatu, namurongo ntayime, nampili sikando lifere limwe. ²¹ Jesus a vatantere asi, "Mwayitanga ramba munda yandjuwo muya ture kuntji yasikumba ndi munda yambete? Anwe kuyita tupu nakuyitura kusininke sakutura ramba. ²² Kwato evi ngavihoramo evi ngavipiro kuyivikwa, ntani kwato evi vyakaro mughumbembe evi ngavipiro kusoroka parukenu. ²³ Ntjene mpwali akaro namatwi ghokuyuva, a yuve!" ²⁴ Ava tantere asi "Teyererenu nawa kwevi muna yuvhu, kulisetakanito waruwananga nove ngava likusetakanita, ntani vyavingi ngava viwederera koye. ²⁵ Morwa kehe ghuno a kara vyendi, kukwendi ngavamupa vyavingi, ntani nkehe ghuno a piro vyendi nampili ovyo a kara navyo ngava vi mughupa." ²⁶ A ghambanka asi, "ghuntungi waKarunga yira murume a kunino ntanga palivhu, ²⁷ uye kurara matiku, kurambuka mwi, enne ntanga kukuhana ntani dimene dikure, mpili kapi ana yiva asi weni weni. ²⁸ Livu kumenita mbuto pa naumwayo. Pakuhova lihako, ntani litwi, ntani ngoli mbuto yayikondi mulitwi. ²⁹ Mbuto apa yatikangamo, ghuye mpopo kutuma muncuko wo sinalihenga morwa vo kuyangura va naya." ³⁰ Simpe a ghamba asi "Kumwe ngatu vhura ku setakanita untungi waKarunga, ndi nke ngatu vura kuruwanita mukufaturura? ³¹ Simpe nka ntjene vana yikunu, yayo ku kura kupitakana vitondo vya musikunino, ³² Ntani nka kusoka dimutavi dodinene, mposi vidira vyamuwiru avi yaturamo vikorogo vyavo mudi mundwire davo." ³³ Mu visewe vyavingi vaghambire nkango kwanavantje, unene asi mpo vavi kwatakane lighano. ³⁴ Ntani nka kapi a ghambire navo a hana kuseweka. Mara apa a kalire pandjendi, mpo a fatwilire navintje kuvarongwa vendi. ³⁵ Liyuva olyo, apa lyatokire liyuva ava tantere, Tuyendenu kuseli kwunya. ³⁷ Makura ava suvu mbunga, ava pitura Jesus vayende naye, moomo tupu a kalire, muwato. Pakalire mawato nagho peke pepi naye. ³⁶ Apa yayire mpepo yayinene nomankumpi agha taura wato, hambara tupu ghuyure mema. ³⁸ Mara ngoli Jesus pamwene a tjilire, kunarara, mpo vamurambitire, "Murongwa, kapi wakara nasinka asi atwe ntantani tu fe? ³⁹ A rambuka, a sayikita oyinya mpepo, nokughambera lifuta, "Mpora! Kara Mpopo!" Makura mpepo ayilitura. ⁴⁰ Mpo a vatantilire asi, "Nke munakutjira? Simpe kapi mwakara nalipuro?" ⁴¹ Ava kara naghoma noku lighambera ghumwavo, "Are ngoli uno, Morwa nampili mpepo nolifuta vi muteyerere?"