¹ Jesus a yendi nka simpe muSinagoge, mwakalire murume woliwoko lya vingondwe. ² Vantu vamwe vakaliro pepi ava mukengurura nawa va kenge asi kwa muverura muliSabata. mpo si va vhure kumurundira. ³ Jesus a tantere murume ogho woliwoko lyo vingondwe, "Sapuka uya yimane pano pakatji kavantu navantje." ⁴ A ghamba kuvantu, "uwa kuruwana pa veta uwa mu liyuva lyo mapeu ndi kuruwana vidona; kuparura mwenyo ndi kudipaya? "Enne ngoli vavo teete. ⁵ Ava kengurura nougara, nevi va muguvitire kumutjima davo da ku kukuta, Amu tantere murume, "wonyonona liwoko lyoye", a wonyonona, ano liwoko lyendi ali verukare. ⁶ VaFlisayi mpopo tupu ava rupuka mo va vareke kuliyonga nova nkwaHerodesa omo va mutura mu mfa. ⁷ Ano Jesus nova sisongero vendi ava yendi ku lifuta, mbunga yoyinene ayi vakwama ku tunda kuGalireya nokuJudaya. ⁸ Noku Jerusalema noku Idumeya nokuseli kunya ya Jorodana ntani ku kundurukida Tirusi naSidoni. Opo va yuvire vininke evi ana kuruwana, mbunga yo yinene ayi ya kwendi. ⁹ A tantere vana sisongero vendi va mu wapayikire wato wo ghudidi mbyevi asi mbunga, mpo asi mumbuga kapisi vamupatilikide/vamutenekide. ¹⁰ a verulire va vayingi, kehe uno a kaliro nokukora a tokomine kumusanyena mposi va mukwate. ¹¹ Kehe pano mpepo yokunyata ya mu monine, ava liganda kumeho yendi nokulira, ava tanta asi, "Ove mona Karunga." ¹² Ava pangere mpo asi kapisi vamuyive. ¹³ A yendi kundundu, a kuwu ovo a sanine, ava ya kukwendi. ¹⁴ A neye murongo novavili (Ovo a twenyine asi va Apostoli) mpo asi va vure kukara naye, a vhure kuvatuma va ka hanite mbudi, ¹⁵ Vakare na unankondo wo ku tjidamo vinkitauke. ¹⁶ A neye murongo navavili: Simon, owo a pire lidina Peter; ¹⁷ Jakopo mona Sebedee, na Johanesa munya Jakopo, owo a pire lidina Bowaneregesi, ovo vana voSindundumo; ¹⁸ Andriyasa, Filipu, Baratoromeusa, Mateusa, Tomasa, Jakopo mona Arufeusa, Tadeusa, Simoni wo Zealot, ¹⁹ NaJudasa Iskalyoto, owu a mu pirukiro ²⁰ Ano ayendi kumundi, mbunga ayiya kumwe nka, mpo si kapi va vhulire kulya mboroto. ²¹ Valikoro lyendi opo va viyuvire, a va yendi va kamusayikite, vavo a va ghamba asi uye ana ana kombanita ndunge dendi." ²² Vatjangi vo matjangwa ovo va urumukiro vatunde ku Jerusalema ava ghamba asi, "Uye kwa muweka Beelzebul" "Nomupangeli wompepo dadidona, uye kuditjidamo mpepo dadidona." ²³ Jesus ava kuwu ku kwendi ava tantere mu visewe, "Weni Satana omo atjida mo Satana?" ²⁴ Nangesi untungi ngaunuka mukurwanita umwavo, owo untungi nokuyimana si. ²⁵ Ano ntjene mundi una gaununa mu ku kurwanita umwavo, owo mundi kapi ngauyimana. ²⁶ Ntjene Satana a sapuka a lirwanite mwene ntani a ligaununa, kapi nga vhura kuyimana, enne ngoli ana ya kuuhura. ²⁷ Enne ngoli kwato umwe wokungena mumundi womurume wonkondo aka vake limona lyendi owo murume a hana kumumanga pamuhovo, ntani uye nga vhura kumusakana mundi wendi. ²⁸ usili-sili nakumutantera ame, ndjo nadintje da vana vo vantu ngava di va upirapo, nampili ngoli uye munandjo wokukarerera po." ²⁹ Ngoli kehe uno wa ku ku monikita ku Mpepo yo kupongoka kapi nga kara no lipuro, ngoli uye munandjo wo ku karera po." ³⁰ Vino Jesus kwa ghambire mbyevi vavo kwa ghambire, "uye a kara no mpepo yo kunyata." ³¹ Mpo vawina navakuru vendi ava ya, ava yimana pandje. A va mutumine, mu kumurekera. ³² Mbunga kwasingilire yina mukundurukida, ava tanta kukwendi, "Vanyoko novakuru voye mpovali pandje. ove vana kupapara." ³³ Uye ava limburura, "Vare vanane novakuru vande?" ³⁴ A kengurura mukatji kovo vasungiliro vana mukundurukida nokutanta asi, "Muna mono, vano mbo ngoli vanane novakuru vande! ³⁵ Kwa kehe uno a ruwanenango litokomeno lyaKarunga, muntu ogho, ndje mukurwande womurume, munyande womukadona, na vanane."