¹ Apa aka tundire Jesus kuKaperenaumu kunyima yo mayuva wo ngandi , vya yuvikire asi mpwali pamundi. ² Va vangi vayapongiro vamwe kwato mpito, no palivero mpapa, makura Jesus atanta nkango kwavo. ³ Makura varume vamwe mpo vayire kwendi ovo vayitiro sirema; vantu vane va musimbiro. ⁴ kapi vakalire pepi naye, mbyevi mbunga yingi, Mpo vaghupire vipereki vyakaliro kuwiru ya Jesus, ava gharura vawaneko mpito, mpo vayalire litjaro opo a ralire sirema. ⁵ Mukumona lipuro lya Jesus, atantere murume wo sirema, "Mona, ndjo doye nadikughupirepo." ⁶ Weno vamwe vatjangi vo matjangwa mpo vasungilire , nokulipura mudimutjima davo, ⁷ "Weni ogho murume omo a ghamba mundjira yaweyo? Ana limonikita! Are ghokughupirapo ndjo ntjene kapisi karunga pantjendi?" ⁸ Mpopo tupu Jesus ayivire mu mpepo yendi vaghayalire munda davo. "Ava tantere, vinke munakughayara mudimutjima denu? ⁹ Evino ureru kuvighamba kusirema uno, ndjo doye nadikughupirepo, ndi kughamba, sapuka udamune litjaro lyoye uyende? ¹⁰ Enne ngoli mukurenka asi muyive mona muntu nounankondo wa palivu mukughupirapo ndjo, a tantere sirema. ¹¹ "' Kuna kukutantera ame, sapuka, ghuupe litjaro lyoye nokuyenda ko kumundi ghoye." ¹² Mpopo a damuna litjaro, nokurupuka mumundi kumeho yavantu navantje, mposi ava hafa navantje nokutapa mfumwa kwaKarunga, nokughamba asi, "Kapi twa vimona vyakufana weno". ¹³ A rupuka a yendi kulitope, mbunga nayitje ayiya kwendi, nakuvaronga. ¹⁴ Uye a piti, a mono Levi mona Alufeusi ana singure kutende yavafutiti mutero, a mutantere asi, "nkwame". A sapuka a mukwame. ¹⁵ Jesus aya mu mundi waLevi nova futiti mutere novanandjo, valyire kumwe novana sisongero vendi, vangi vakaliro nokumukwama. ¹⁶ Apa vatjangire vomatjangwa, ovo vakaliro va Pharisees, vamonine Jesus kuna kulya kumwe novanandjo?" ¹⁷ Apa a viyuvire Jesus vino a vatantere, "Vantu vapamo marutu kapi va pumbwa mudeuli; vaveli pantjavo vapumbo umwe. kapi nayere vantu vova hungami, ngoli vanandjo." ¹⁸ Apano vanasisongero va Johanesa nava Pharisesees va dililire vano van sisongere va johanesa nava na sisongero va Pharisees, ene ngoli vana sisongero voye kapi vana kudilira?" ¹⁹ Jesus a vatantere, "Kuhvura vakali palikwareko vadilire uye mufuko wo murume kumwe nava vakarandi? Nangesi momu vana kara kumwe nomufuko womurume, vavo kapi vavura kudilira. ²⁰ Enne ngoli mayuva ngahaya opo mufuko ngava muupapo pavo, ngoli mumayuva wo, ntani ngava dilira. ²¹ Kundereko wo kuhondjera sikese sosipe kulirwakani lyokukurupa. Nenge pisi weyo, sivando ngasi tauka ngasitundeko, sosipe kwesi sokukurupa, vya vyo nga vitauka udona unene -nene. ²² Kwato wokutura vinyu yoyipe muncunu yokukurupa. Enne ngoli vinyu ngayitaura vipapa navintje, vinyu noncunu nga vikombana. Nkwandi vinyu yo yipe kuyitura muncunu yo yiteke.'' ²³ Mu liyuva lyoSabata Jesus a piti a yende mumafuva ghovilya, na vanasisongero vendi ava tameke kudamaura dimutwe dovilya. ²⁴ Vafarisees ava mutantere, ''Kenga, nke vana kuruwanena vininke vyo kupira paveta mu liyuva lyoSabata?'' ²⁵ Ava tantere, ''Mwaresa rumwe ovyo a tjanga David opo a holire mbatero nopo a fire ndjara - naye novarwana ovo a kalire navo- ²⁶ Weni va yendire mumundi waKarunga, uye Abiathar a kalire mukondi wovaruti, a kalya mboroto ruvede ndoro, evi vinakaro ndi kapi vina wapera kulya keheghuno kuupako varuti, mpo a tapire kovo a yire navo?'' ²⁷ Jesus a ghamba,'' Liyuva lyoSabata kwa karerapo varwana/vantu, Kapisi vantu mbo va kareropo liSabata. ²⁸ Mo ngoli, mona muntu ndje Karunga , nampili woSabata.''