¹ Jesus a yendi a tunde muntembeli, makura munasisongero wendi umwe a ghamba kwendi, "Murongi, kenga mawe ghamawa namatungo ghamawa." ² Jesus a ghamba, "Una mono unene gho matungo? kundereko liwe limwe ngalihuparopo olyo ngavadira kuganda.'' ³ Opo a sungilire pandundu ya Olivu oyo yalipirukiro nantembeli, Peturusa, Jakopos, Johanesa, naAndiriya ava mupura mukahorehore,'' ⁴ Tutantere, ruvede munke ngavi horoka vino vininke? siyivito munke ke ngasidimbulito opo ngavihoroka vininke navintje vino?'' ⁵ Jesus a tameke kughamba, takamitenu kwato ogho ngayamupukito. ⁶ vovangi ngavaya mulidina lyande nokughamba asi, ''ame uye nokupukita vovangi''. ⁷ Apa ngomuyuva vita novipempa vya vita, kapsisi ngomukupakera sinka; evi vininke vya kona kuhoroka, ene ngoli uhura simpe kapi unatiki. ⁸ Ano muhoko nomuhoko ngaulipiruka, ntani uHompa kapi ngaukwatitako uHompa. ngakukara likankamo livu vyo linene kumavango ghomangi, nolirumbu. Aghano ngo matamekero ghoku kora pa kuyita. ⁹ Karenu munavangara. ngava mutapa kundango, nka anwe ngava ka mutoghone muSinagoge. Namuvantje ngamukayimana kumeho yo vanaLipangero novaHompa morwa mumwande, ngaukare ghumbangi kwagho. ¹⁰ Ene ngoli mbudi yoyiwa pamuhovo ngomuyiyuvite kudimuhoko naditje. ¹¹ Opo ngava kamukwata nokumutapa, kapsi ngomu kalipakera sinka kovyo ngomu kaghamba. Ano poro ruvede, kehe evi ngoghamba ngavavikupa; kapisi ove ngoghambo, ene ngoli Mpepo yokupongoka. ¹² Munya murume ngatwara munya murume kumfa, ene murume uye ngatwara mona. Vanuke ngava piruka vakondi vavo nokuvayitira mfa. ¹³ Ove ngava kunyenga navantje morwa mulidina lyande. Ene ogho ngahepo dogoro kuuhura, muntu ogho nga kayowoka. ¹⁴ ''Opo ngomukenga lindjonauko lyo linene lina yimana opo ana dili kuwapera kuyimana, ''(renka muvaruli aviyuvhe)'' renkenu ovo vanakaro muJudeya vatukire kundudndu. ¹⁵ Renka ogho ana karo pawiru yandjuwo asa ngena mundjuwo ndi a upemo kehe vino, ¹⁶ Ogho ana karo muliafuva asa kavyuka aya upe lirwakani lyendi. ¹⁷ Ene ovo vanafingi nomarutu malivi, nombovo vana kuyamweko vanuke mumayuvu ogho! ¹⁸ Rapererenu kapisi ngavihoroke pakufu. ¹⁹ Mayuva ogho nga ghakara lihepeko lya linene, kapisi yira kumayuva gholisito undjuni, ogho a hungire Karunga, dogoro mpapa, kwato, ndi ngavihoroke nka. ²⁰ Nkwandi Hompa ngafupipite mayuva, kwato rutu ngaruyowoko. Ene ngoli munkenda yalihorowora, ovo a howorora, uye nga sesupiko mayuva. ²¹ Ntjene umwe ngaghamba koye asi, ''Kenga, Kristusa uno! ndi Kenga, uyene ounya! wasa vipura.'' ²² vaKristusa vovipempa novaporofete vavipempa ngavamoneka ntani ngavatapa viyivito novitetu vyokumu kenga, nange kuvhura, nampili ovo vahorowora. ²³ Vangarenu! Ame namutantere vininke navintje kumeho yaruvede. ²⁴ Ene ngoli kunyima yomahepeko mumayuva ogho, liyuva ngali sovagana, kakwedi kapi ngakatapa ukenu wasite, ²⁵ Mbungururu ngadiwa kuliwiru, nkondo doliwiru ngava dinyunga-nyunga. ²⁶ Makura ngavakenga mona muntu kuna kutundilira mumaremo nankondo dadinene nouyerere. ²⁷ Ano uye ngatuma vaEngeli vendi, nka, ngapongeka navantje ava a toworora vakutunda kumpepo, kutunda kughuhura waghudjuni dogoro kughuhura waliwiru. ²⁸ Lirongereko kusitondo soUkuyu. Pakukasa mutavi, mahako kuwako, ngoli unayiva si kwenye pepi. ²⁹ Apa ngovimona vino kuna kuhoroka, yiva asi uye pepi ana kara, pepi nadimuvero. ³⁰ Usili nakughamba koye, ouno Untungi kapi ngaudohotoka dogoro navintje vino ngavikahoroke. ³¹ Udjuni naliwiru ngavidohoroka, mara nkango dande kapi ngadidohoroka ³² ene sinka solyo liyuva ndi vili oyo, kwato umwe anaviyivo, nampili vaEngeli muliwiru, ndi mona, ene ngoli Karunga mwene. ³³ ''Kotokenu! mukengere nokuraperera, morwa kapi munayiva asi vili munke. ³⁴ Yira murume ana kuyendo muruyendo - Uye kusuva ndjuwo yendi nokuturamo varuwani vakare vakungi va ndjuwo yendi, kehe umwe naviruwana vyendi, makura uye ngarawira wapaheka a kare ana vakara. ³⁵ Mposi karenu munavangara morwa ove kapi unayiva ruvede ngaya muhona wandjuwo kumundi; kuvhura vikare ngurova, pakatji kamatiku, opo vya yiyanga vikondomboro, ndi ngurangura. ³⁶ Nenge aya mpopo, kapisi ngaya muwane munarara. ³⁷ Evi nakughamba kukoye, kuna kuvighamba kwanamuvantje: Kengerenu!''