¹ Ano Jesus a tameke kuvaronga mukuseweka. A tanta asi, "Murume umwe a tapikiro vindjembere musikunino, a gumbuko, nokutima likwina lyokukamwina mandjembere. A dikiremo rusungu rokukengera nokuseseda vatapiki vindjembere. Makura uye a yendi kuruyendo rwendi. ² Paruvede rwamuyangu, a tumu mukareli kuvatapeki va mandjembere aka simbeko nyango dimwe musikunino. ³ Ene ngoli ava muupu vamutoghone, no kumutuma a vyuke mawoko-woko. ⁴ Simpe nka a tumineko wapeke, ava kamuremeka mumutwe nokukamufita ntjoni. ⁵ Simpe aya tumuko wapeke nka, oghu ava kamudipaya. Vantu vavangi vatekulire mundjira yakukufana, kutoghona, vamwe kudipaya. ⁶ Simpe a kalire nomuntu umwe ghokutumako, monendi wamumati. Ndje tupu a kaliro muhulilira kutumako. Uye a tanta, ''ngava kafumadeka monande'' ⁷ Ene ngoli vakuni mandjembere ava litantere-tantere, ''ogho ndje nga pingo. Yiyenu tuya mudipaye, makura upingwa ngaukare wetu.'' ⁸ Ava mukwata nokumudipaya, makura ava muvukumine pandje yosikunino. ⁹ Weyo ngoli, nke ngavhura kuruwanako mwenya sikunino? Nga ya makura ngaya ndjonaure vakuni mandjembere nokutapa sikunino kuvantu vapeke. ¹⁰ Kapi mwaresa litjangwa lino ndi? ''Liwe vaswenine vadiki, valiruwanita likwate ngundi. ¹¹ Evi kwatundilira kwaHompa, ntani esi sitetu samantjo ghetu.'' ¹² Mpititi doJudasi vasanine ndi vakwate Jesus mukonda vavo vayivire asi ghuye kwaghambire vifanikito vya kuhamena kukwavo. Mara vatjilire mbunga yovantu. Ava musuvi nokutundapo. ¹³ Mpo vatumineko vaFaliseya vamwe novaHerodi kwaJesus vakamuteye nankango. ¹⁴ Apa vayatikirere, ava yamutantere asi, ''Muronngi, ove kapi watjira maghano gha kehe muntu ove nka kapi wa ghupaka ruha pakatji kovantu. Ove nka usili usili kwa ronganga ndjira ya karunga. Vya hungama kufuta mutero kwa Caesar ndi hawe? Tu fute ndi hawe?" ¹⁵ Ngoli Jesus ayivire vimpempa vyo gho nakughamba ku kwavo. "Vinke muna kuntjetekera? "Ndjitirenu oyo silinga niyayikenge." ¹⁶ VaFaliseya ava yitako umwe kwaJesus. Ava mutantere asi, "Lifano lyare lino nalidina lyendi?" Ava ghamba asi "Lya Caesar's." ¹⁷ Jesus a ghamba asi, "Tapenu kwaCaesar;s vininke vyaCaesar, ene kwaKarunga, vininke vyaKarunga.'' Avi vatetukita. ¹⁸ Makura vaSadducees, ovo a ghambango asi kwato kurambuka kuufe, ava ya kwaJesus. Ava mupura, nokughamba, ¹⁹ ''Murongi, Mosesi a tjanga asi "Ntjene mukurwa muntu a fe a suve mukamali wendi, a hana kuturapo mona, murume ana hepa kuupa mukada mukurwendi, nokurera vana va mukurwendi." ²⁰ Kwakalire varume ntambili, ava vayitire mulira limwe, wakuhova a kwara mukamali, murume nko kudohoroka, a hana kusuvapo mona. ²¹ Wauvili naye aka mukwara, simpe nko kudohoroka, a hana kusuvapo mwanuke, wautatu naye nka musikwawo. ²² Dogoro wauntambili naye kapi a tulirepo mona. Ano muruhulilira mukamali unya naye aya dohoroka. ²³ Mukurambuka kuufe, opo varambukire, mukamali ware a kaliro? Kuvakafumu ntambili vanya vamukwalikire navantje asi mukadavo." ²⁴ Jesus a tanta asi , "Eyino weyo ngoli kapisi ndjo konda mwakupukita unankondo waKarunga, morwa kapi mwayiva matjangwa nonkondo daKarunga? ²⁵ Apa varambukire kuufe, kapi vakwalire ndi va vakwareke, ano ngoli vakalire yira vaEngeli muliwiru. ²⁶ Ano ngoli kuva fe ava varambwita, kapi mwaresa mumbapira yaMoses, ovinya vya kuhamena kusiswa sakutwera mundiro, omu a mughambitire karunga nakutanta asi, "Ame Karunga waAbrahamu ntani Karunga waJakopo? ²⁷ Kapisi Karunga gho vafe, ngoli gho vaparuki. Anwe mwa kupuka unene." ²⁸ Umwe wamatjangwa aya, a viyuvire evi vakuyongire; ghuye a monine asi Jesus ana valimburura nawa. A mupura, "muragho munke wamulyo po panadintje?" ²⁹ Jesus a limburura, "Wa mulyo po unene, kuyuva, Israela, Hompa Karunga wetu, Hompa umwe tupu. ³⁰ Munahepa kuhora Hompa karunga wenu nodimutjima denu nadintje, nomonyo denu nadintje, na ndunge denu nadintje ntani nankondo denu nadintje! ³¹ Muragho wauvili uno, 'hora musinda woye yira momo wakuhora umoye. Kwato nka muragho wakupitakana yira ndedino." ³² Wamatjangwa a ghamba "Mitiri! una ghamba usili asi Karunga umwe tupu, ntani kwato Karunga wapeke nkwandi pentjendi tupu. ³³ Kumuhora nomutjima ghoye nauntje nandunge doye nadintje ntani nankondo doye nadintje, ntani hora musinda woye yira momu wakuhora umoye, vyavyo nka kupitakana vidjumbira nadjambo navintje vasoranga. ³⁴ jesus apa a monine asi ana tapa malimbururo ghoukonentu, a mutantere asi, "Kapi unakara ure nountungi waKarunga! Kutunda opo, kwato umwe nka a kaliro naupenda wakupura Jesus mapuro. ³⁵ Uye Jesus kuna kuronga mumbara yamuntembeli, a ghamba asi , "Weni vatjangi omo vaghamba asi Kristusa mona David? ³⁶ David umwendi, mumpepo mupongoki, a ghambire, "Hompa a ghambire kwaHompa wande, "Singira kurulyo rwande dogoro ngani ture vanankore doye silyatero sampandi doye!" ³⁷ David mwene kumukuwa asi 'Hompa,'' weni Kristusa omu a kara mona David?" Mbunga yayinene yahafire kuteyerera kwendi. ³⁸ Mumarongwa ghendi Jesus ava tantere si, "Takamitenu kuvatjangi matjangwa, ovo vahoro kuyendaura nomarwakani ghomare nokuvamorora pamavango gho vitanda. ³⁹ Ntani vakara navipundi vyamulyo unene muSinagoge ntani nomavango va fumadeka pavipito. ⁴⁰ Vavo nakukanderera makanderero ghamare vantu vamone. Varume ovo ngava kawana mafingo gho manene. ⁴¹ Makura Jesus aka singira muntembeli pepi nasikesa sovidjumbira; a kengere vantu omu vana kutura maliva ghavo musikesa. Vantu vo vangawo, vangi vatuliremo maliva gho mangi. ⁴² Makura mukamalifita umwe aya nakutura po vingcegcere vivili, vya tikiro hambara lipeni. ⁴³ A kughu vanasisongero vendi nokuvatantera asi, "Usili nakumutantera, mukamali uno waruhepo ndje ana turomo vya vingi kupitakana navantje ava vana tapo vidjumbira. ⁴⁴ Vantu navantje kwatapire kuvininke evi vakara navyo vyavingi. Ngoli uno mudike, muruhepo rwendi, ana tapa maliva ghendi naghantje agha avulire kuparukita.