¹ Apa vayire pepi naJerusalem , ava yakuBetifagi na kuBetaniya ku ndundu yaOliva, Jesus a tumine vanasisongero vendi vavili, ² makura ava tantere asi "Yendenu mu mukunda wakukwamako. Tupu mukatika, kumukawana sidongi vadira kuronda rumwe, mukasimangunune mukasiyite kwande. ³ Ntjene mpwali umwe a ka ghambo asi, ''nke muna kuruwanena weyo?'' mukaghambe asi, ''Hompa ana kusisano ntani aka sivyuta pa wangu.'' ⁴ Makura ava nokuwana sidongi vanasimangerere pandje mundjira, ava simangununa. ⁵ Vantu vamwe ovo vayimaninoko ava vapura, "Vinke munakuruwana, mukumangununa sidongi oso?" ⁶ Ava ghamba momu ava tantilire Jesus, makura vantu ava vayuvu vakayenda nandjira yawo. ⁷ Ava yita Sidongi kwaJesus makura ava turapo mbindja davo, Jesus nko kusingirapo. ⁸ Vantu singi savo ava yara marwakani ghavo mundjira, ano vamwe ava yara dimutayi odo vakatetire mumafuva. ⁹ Ovo vayendiro kumeho yendi novo vamukwamino nakuyiyira asi, ''Hosanna! ogho vakandayika ndjeghu a yo mulidina lya Hompa. ¹⁰ Makandayiko, untungi ogho ngauyo wa va vava David! Haosanna wa muliwiru!" ¹¹ Makura Jesus a ngene muJerusalema nokuyenda muntembeli aka kengurure navintje. Sirugho asi piti, a yendi novanasisongero vendi kuBetaniya. ¹² liyuva lyokukwamako opo vatundire muBethany, ayuvire ndjara. ¹³ Koure tupu, amono sitondo saUkuyu sayungira mahako, ayendi aka kenge ntjene kuvura aka waneko nyango kusitondo, ngoli kwato nyango oyo a wanineko, nkwandi mahako tupu. mbyovyo si kapisi sinema sayimanga sitondo soUkuyu. ¹⁴ A ghamba, "Kwato ogho nga lyo nyango yoye nka." vanasisongere vaviyuvire. ¹⁵ Ava ya muJerusalema, nakuyangena muntembeli nko kutameka kutjidamo vaUliti navaUli muntembeli. A pirura a tafura dova tjindji maliva novipundi vyovo va ulitiro Maputukuwa. ¹⁶ Kapi a pulitilire kehe uno a simbemo vininke muntembeli vyokuvura kuulita. ¹⁷ Avarongo nokuvatantera, "Kapi vavitjanga, ndjuho yande nga vayitwenyanga asi ndjuho yomakanderero muvirongo nauntje"? mbyo mwayitura yikare yova Widi." ¹⁸ Mukondi gho vaRuti nova vatjangi vomatjangwa vayuvire evi a ghambire, nko kupapara ndjira yokumudipayapo. Vamutjilire mbyevi si mbunga nayintje kwahafire kwevi a rongire. ¹⁹ Liyuva ali toko, makura ava tundumo musitata. ²⁰ Ngura-Ngura muruyendo rwavo, ava mono sitondo soUkuyu sokukuta kutunda kundandani daso. ²¹ Peter a vuruka nko kughamba asi, "Rabbi, kenga! sitondo oso wafingire, sa kukuta. ²² Jesus ava limburura, "Karenu nolipuro mwaKarunga. ²³ Usili nakughamba kwenu nkehe ghuno aghambere ndundu yino, ''Sapuke no kulihamena kulifuta, ntani nka ntjene kapi ghukara namatamangero kumutjima ghoye enne ghukare nalipuro, evi a ghamba ngavihoroka, ovyo mbyo ngaruwana Karunga. ²⁴ Mbyo ngoli nakumutantera: Kehevi ngorapereranga nokupura , kara nalipuro asi ngoviwana, ngavi karanka vyoye. ²⁵ Pakuyimana uraperere, una hepa kuupirapo kehe nkoko wakara nayo kwa hekemumwe, mposi Karunga naye nga kuupirepo maundjoni ghoye. ²⁶ Ntjene kapi una kuupirapo, Karunga setu wamuwiru naye kapi nga kuupirapo. ²⁷ Ava ya kuJerusalem nka. uye Jesus kuna kuyenda mu ntembeli, mukondi wavaruti, vatjangivamatjangwa, na Vakadi avay kwendi. ²⁸ Ava mutantere, "No unankondo munke waruwanitanga vino vininke ntani are akupo odo nkondo udiruwanite?" ²⁹ Jesus ava tantere, "Kunimupura lipura limwe. Anwe mulimburure ntani nimutantera asi nounankondo munke naruwananga vininke vino. ³⁰ Likuso lyaJohanesa, kwatundire kuliwiru ndi kuvantu? ndimbururenu". ³¹ Ava vi liyongo naumwavono kukukanana nokutanta asi, "ntjene tughambe asi kuliwiru, kwaghamba asi vinke ngoli ovyo mwadira kupura vyendi?'' ³² mara ntene tunghamba asi, 'Kwatunda kumuntu, ''Vatjilire vantu, kondasi vantu navantje va vapura asi Johanesa muporofete. ³³ Makura ava mulimburura Jesus asi, "Kapi tuviyiva". Mkura Jesus ava tantere, "Name kapi nimutantera asi unankondo munke naruwanitanga."