¹ Jesus mulivango munya no kuyenda kumukunda waJudaya ntani museli munya yamukuro Jorodana, mbunga ayi mukwama nka. A varongire nka simpe, yira moomo tupu avi ruwananga. ² Makura vaFaliseya ava ya vaya museteke no kumupura, "vyakara paveta asi murume kuvhura aswene mukamali wendi?" ³ Ava limburura, "Vinke a murawira Mosesa?" ⁴ ava ghamba, " Mosesa kwa pulitira murume kutjanga mbapira yokutjora nkwara makura kumutuma a yende." ⁵ Jesus a ghamba navo, "Asi mbyevi dimutjima da ku kukuta mbyo a mutjangilire edi veta." ⁶ ''Ene ngoli kulitameko lyokusita udjuni, 'Karunga kwahungire Murume noMukadi.'' ⁷ '''Nokonda yino asi, murume ngasuva vashe na vanyina ngavakupakerere namukamali wendi, ⁸ enne ngoli, vavili nga va ka kupakerera ngavakare rutu rumwe tupu. ⁹ Asi, evi a gwanikilita karunga kumwe, kwato muntu wa ku vigaununa." ¹⁰ Apa vakalire mumundi vanasisongero vendi ava mupuranga vyakuhamena kwevi. ¹¹ Ava tantere, "Kehe ghuno ghokuswena mukamali wendi aka kware mukamali naye peke, weyo ana sondere. ¹² Ntjene aghu swena murume ukakwareko naye peke, weyo una sondere ndi una tura ndjo." ¹³ Makura avamuyitire vanuke aya vakwate ene ngoli vanasisongero ava va sweneke. ¹⁴ Mara apa avidimbulire Jesus, kapi vyamuhafitire no kuvatantera asi, "Pulitirenu vanuke ghona ovo vaye kwande, mwasa vasweneka, untungi waKarunga kwahamena kovo va fano yira mbovo. ¹⁵ Usili nakumutantera, kehe ghuno ngapiro kutambura untungi waKarunga yira mwanuke ghona, kapi ngangena mo." ¹⁶ Makura a ghupu vanuke mumaghoko ghendi ava tungike omo a ava kambikire mawoko ghendi. ¹⁷ Opo a valikire naruyendo rewndi, murume umwe a mudukire ayamutwere ngoro no kumupura, ''Murongi wamuwa, vinke niruwana niwane mwenyo gho naruntje?'' ¹⁸ Jesus aghamba, ''Vinke vyakutwenyena ame asi nimuwa? Kwato ghomuwa nkandi Karunga pentjendi. ¹⁹ Wayiva dimuragho: ''Nokudipaghasi, nokusonderasi, nokuvakasi, nokurundirasi, nokufukirasi muntu , fumadeka vaso navanyoko.'' ²⁰ Murume a ghamba asi, ''Mushongi, vininke navintje ovyo nateyerera kutunda udinkatu wande.'' ²¹ Jesus amukenge nokuneyeda sihoro. Amutantere, sininke simwe una dili kukara naso, kaulite vininke navintje ovyo waweka ukavitapa kuvahepwe, ntani ngokara no liparu djuni muliwiru. Makura ngo kaye unkwame,'' ²² Morwa nonkango edi, avi muguvita nokuyenda noruguvo, mukonda yo limona lyendi lyalingi a wekire. ²³ Jesus a kengurura no kutantera vanasisongero vendi, ''udito munke kuvangawo mukukangena muuntungi waKarunga!'' ²⁴ Vanasisongero kwatetukire kunkango dendi. mara Jesus ava tantere nka, ''Vanuke, udito munke wakungena muuntungi waKarunga!'' ²⁵ Ureru kuNgamero kupita mulintjo lyontonga kumwe nomuntu wangawo ngakangene muuntungi waKarunga." ²⁶ Kwatetukire ghunene nokulitantere vavene, "Makura are nga yowoko?" ²⁷ Jesus ava kenge noghamba, "kuvantu nakuvivurasi, mora kapisi kwaKarunga. Vininke navintje kuvivura, mwaKarunga. ²⁸ "Peturusi avareke kughamba naye, "Kenga, twa suvu navintje tukukwame." ²⁹ Jesus a ghamba. "Ghusili ninakumutantera, kwato ogho gha suvo ndjuwo ndi vamunya vavo vavarume ndi Vanyokwa ndi no Vasa no vanuke ndi livango lya ngoli no mbudi yaruhafo. ³⁰ Are a diro kuwana muvikando lifere limwe mu mwaka dinoo: Mumandi no vamati no vakadona no vanyoka no vanuke no livango, nova vakaveta, ntani muudjuni ogho ngauyo, noliparu lyalipe. ³¹ "Mara va hovo ngava hulilira, ava va huliliro ngavahova." ³² Mundjira yavo yokuyenda kuJerusalema, Jesus a yendi kumeho yavo. Makura vanasisongero vendi ava tetuka, ntanio ovo va vakwamino munyima ava tjira. Makura Jesus a ghupu varongwa vendi murongo navavili ava tura ntere nka nokuvatantera evi ngavimuhorokero. ³³ Kengenu, atwe kuna kuyenda kuJerusalema, ngoli mona Karunga kuna kamutapa kwamukurona wavaruti novatjangi va veta, vakamukwate vakamu hepeke dogoro kumfa nokukamutapa kuvaGentiresi. ³⁴ Ngava kamuswaura, nokumutipira, kumusepura, makura kumudipaya. Enne kuruku yamayuva matatu ngaka vumbuka." ³⁵ Jakopo naJohanesa, vana vaSebedeusi, ava ya kwendi nakughamba, "Musongi, tunasana ghuturuwanene nkehe evi tuna ku kupura?" ³⁶ Uye aghamba kwavo, "VInke muna sana nimuruwwanene anwe? Avahamba asi, ³⁷ "Tupulitire tusingire kumwe nove muntembeli yoye, umwe kurulyo ano umwe kurumontjo roye." ³⁸ Mara Jesus avalimburura, "Kapi muna kuyiva asi nke muna kupura. kuvura unwe nkinda eyi ni nwena ndi ngau hepere pali kuso eli ngava nkusa?" ³⁹ Ava ghamba, "atwe kuvhura."Jesus ava tantere, "Nkinda oyo ni nwena, nove ngonwenamo, nolikuso eli vankusa, nove ngava kukusa. ⁴⁰ Morwa ogho ngaka singiro kurulyo rwande kapsi wande ngavaka mpa, morwa kovo vaviwapyikira. ⁴¹ Vanasisongero vendi murongo opo vaviyuvire vino, ava garapere Jakopo naJohanesi. ⁴² Jesus ava kughu vaye kwendi nokughamba, "Mwayiva ovo vanasano kupangera kuGentiresi vakavapitakanine ponavantje, no ku mberewa dadinene do veta ku kwavo. ⁴³ Mara kapisi ndjo ndjira yino pakatji kenu, kehehuno ana sana kukara mukondi mukatji kenu, ana hepa kukara umwe wa vakareli. ⁴⁴ ntani kehe ghuno ana horo kukara wakuhova mukatji kenu ana hepa kukara sipika wanavantje. ⁴⁵ Ano Mona Karunga kapi a ya muya muyoghore, mara aya yoghore, ntani kuyatapa liparu lyendi kwenu." ⁴⁶ Ava ya kuJeriko. apa a tundire muJeriko novanasisongero vendi no mbunga yavantu ayi vakwama, vana vaTimayeusi, Bartimeusi, sitwiku ogho a kusengengo, kwasingilire kuntere dositaura. ⁴⁷ Apa a yuvire asi Jesus waNasareti, a tameke kuyiyira nokughamba, "Jesus, mona David, mfere nkenda!'' ⁴⁸ Vovangi vamusweninino sitwiku ghunya, mukumutantera a mwene. Mara a lili siruwo sasire. "Mona David, mfere nkenda!" ⁴⁹ Jesus a sayeke makura ava rawire va mukuwe. ava mukughu sitwiku unya, nakughamba asi, "wasa kara naghoma! ove usapuke!'' Jesus kuna ku kukuwa. ⁵⁰ Avukuma mbindja yendi, a vatauka a yende kwaJesus. ⁵¹ Jesus a mulimbura nokughamba, "Nke una sana nikuruwanene?" Sitwiku a ghamba, "Murongi, nasana nimone.'' ⁵² Makura Jesus a mutantere, "Kayende. Lipuro lyoye lina kuverura." Mpopo tupu a tameke kumona, makura a kwama Jesus musitaura.