¹ Va kalire kuna hupu mayuva ma vali kumeho ya ndjambo lyo lifeste lyo murarero wakuhulilira yahana vifulito. (Vakurona voVaruti) va kurona no vatjangi va matjangwa kwa kona konine omu va sondavera Jesus va mukwate no kumu dipaya. ² Vavo kwa litantilire asi, "Kapisi muruvede rwa lifeste, mposi lipiyagano lyasa yapo pakatji ko vantu" ³ Simpe Jesus mumundi waSimoni wavingondwe, ghuye kuna rara pasitafura, mukadi aya ku kwendi anakara no kandimbe ko likende kovi vya mema-mema wa mukoso wakuyerukira, ogho a kalire maghadi gho sidumba. A taura kandimbe no kutera maghadi wo sidumba mumutwe wendi. ⁴ Ene ngoli mpovali vamwe va garapire. Ava ghamba mwa naumwavo nokutanta asi, "Nke konda yo lihepekolino? ⁵ aghano maghadi wo sidumba ndi kuna gha ulita kupitakana mafere matatu woDerani, nokutjanga ku vahepwe." Ava musandura. ⁶ Ene ngoli Jesus a tanta, musuvenu pantjendi,'' nke muna kumu yoronganena? Anaruwana sininke sosi fuuli kukwande. ⁷ Anwe naruntjeya kukara kumwe no hepwe, kehepano ngomusanena ngaomuvaruwanena uwa unene, ngoli kapi ngomukaranga name kehe pano. ⁸ Uye anaruwana evi ana vuru. uye ana waveke rutu rwande livumbiko. ⁹ Usili ame nakumutantera , kehe pano nkene mbudi yoyiwa kuna kuyiyuvita mu udjuni nauntjeya, evi ana ruwana mukadi ngava vighamba, mulivuruko lyendi.'' ¹⁰ Mpo ngoli Judasa Sakaliote, umwe wamurongo nombili, a kayenda kuva ruti kurona mposi aka mutape kukwavo. ¹¹ Apa varuti kurona vaviyuvire, ava hafa nokumutwenyedera kumupa vimaliva. Avalikire kupapara mpito mukutapa kukwavo. ¹² Muliyuva lyokuhova lyo mboroto yahana vifulito, opo vadjambilire ndjwi yolifeste lyomurarero wouhura, vanaSisongero vendi ava mutantere ,'' kuni una sana tuyenda tuka wapayike, mpo ukalye ndya dolifeste lyo murarero wokupongoka? ¹³ Uye atumu vana sisongero vendi vavili ava tantere, ''yendenu mumbongi kurona ,novarume vana simbo fendera yomema muligwanekere nanwe. Mukwamenu. ¹⁴ Opo uka ngena mumundi muka mukwame no kukatanta kwa mwenya mundi, ''Murongi anatantasi,'' Kuni ndjuwo ghande vava genda omu nilyera murarero wande wokupongoka novana sisongero vande? ¹⁵ Kwa muneyeda ndjuwo yayinene valimbura vanawapeke kare mundjuwo yo kuwiru oyo vanarongikida. Muka wapayikiremo.'' ¹⁶ Vana sisongero ava sapuka vayende kumbongi kurona. Ava kawana vininke navintjeya momu ava tantilire, nova wapayiki ndya domurarero wokuhulilira. ¹⁷ Kungurova, Jesus aya novanasisongero vendi. ¹⁸ Vavo kunakara kusitafura kunakulya, Jesus a tanta, ''Usili nakumutantera, umwe yenu ana kulyo name kwa mpiruka.'' ¹⁹ Navantjeya vakalire nankenda, noumwe-umwe ava ghamba kwendi, ''nahuguvara kapisi me?'' ²⁰ Jesus a limburura nokuvatantera, ''umwe wavamurongo nambili, ndje umwe ana kuverero mboroto kumwe name musisa. ²¹ Mona muntu kwayenda yira momu vavitjanga kuhamena kukwendi. Ene ngoli ruguvo kou murume omu vinapitire vyakuswaukita mona Muntu! ndi vyakalire hasa ndi kapi vamu sampurukire.'' ²² Vavo kuna kulya, Jesus a ghupu mboroto, ayi kandaike, ayi bamaura. Uye ayi vape nko kughamba asi. ''Upenu runo. ''Oruno ndo rutu rwande.'' ²³ Aupunka nkinda, apandura, nokuvapa navantje avanumo. ²⁴ Ava tantatere, ''Oyino ndjo honde yande yo likwatakano honde eyi vatetera vavangi. ²⁵ Usili nakutanta, kapi ngani nwa kuvinwanka vyokunyango yomandjembere dogoro liyuva linya apa ngani liya liyuva lyolipe muuntungi wakarunga.'' ²⁶ Opo vayimbire rusumo, ava rupuka vayende kundundu yo Olivu. ²⁷ Jesus a ghamba, "Namuvantje ngomuwako, ovyo vavitjanga. 'Ngani dipaya mukungi wandjwi, ndjwi ngadilihanauka.' ²⁸ Ene ngoli kunyima ngamhvumbura karunga kuufe, Nganiyenda muGalireya. ²⁹ "Peturusa a mutantere, "Nampili varongwa voye ngavakusuve ame kapi nganiku suva." ³⁰ Jesus amutantere, "Usili nakumutantera namuntji, ndjoyino ngurova kumeho siyiye sindomboro rukando ruvili, ngokakanana rukando rutatu, asi kapi wandjiva. ³¹ Ene ngoli Peturusa a limburura nankondo! "Nampili ngava ndipaye, kapi nganighamba asi kapi nakuyiva." Varongwa navantje ava ghamba ngoli vyakulifana. ³² Ava ya kulivango linya vatwenyanga si Getisemani, Jesus atantere vana sisongero vendi, singirenu pano ame tanko kuna kuraperera." ³³ Uye a simbi Peturusa, Jakopo, naJohanesi. naye kara nasinka noliyorongano lyo mbunga. ³⁴ Uye ava tantere, "monyo wande vana uguvita, mpili kusitwa sa mfa. karenu mpapa nokukengera. ³⁵ Mukusenyako kadidi, Jesus a were palivu nokuraperera asi ntjene kuvura vili yipite kukwande. ³⁶ Atanta, "Abba, Vava, kehe vininke kukoye kuvura. Upa ko nkinda yino kukwande. ene ngoli kapisi sihoro sande ngoli soye." ³⁷ Uye akavyuka, aya vawana vana rara, nokughamba kwaPeturusa, "Simoni, anwe mwa rara? Kapi mu na vuru kutakamita ure wavili yimwe. ³⁸ Takamitenu nokuraperera asi anwe kapisi mungene mumaseteko ghompepo yina sana, ene ngoli nyama yina kasa. ³⁹ Simpe nka a kayenda a karaperere, simpe a ruwanita nkango dokulifana. ⁴² Apa akayire nka uye aya vawana vana rara, mantjo havo a ditopere. Vavo kapi vayivire vinke vyaku mutantera. ⁴¹ A kaya routatu no ava tantere, Anwe simpe kwarara no kupwiyumuka? Makura! Vili yina tiki. Kengenu! Mona Karunga kuna kuyamu tapa mumahoko gho vanandjo. ⁴⁰ Rambukenu, Tu yendenu ko. Kengenu , Ogho anakuya va tikito pepi ana kara." ⁴³ Tanko simpe uye kuna kughamba, Judasi, umwe wavarongwa vendi ayatiki, nombunga yoyinene kwakalire kumwe naye nomarufuro novatulitipo veta, vo kutunda kuvaruti va vakadi, va va tjangi vomatjangwa, nova kurupe. ⁴⁴ Weno mupiruke wendi ana vapa siyivito, a tanta, asi, "Ntjewo umwe nikancumita nge murume. Mukwatenu no mu mupititire ayende muli keverero," ⁴⁵ Opo Judasi aya tikire, mpopo tupu aya dogoro kwa Jesus nokutanta, "Murongi," nokumuncumita. ⁴⁶ Ano ava mukwata mumawoko na kumuupa. ⁴⁷ Ene ngoli umwe wavo ayimanino a pweya rufuro a rwanite mukareli wa muruti vova kadi ateteko litwi lyendi. ⁴⁸ Jesus ava tantere, "anwe kunaya , yira asi kunaya muya rwanite mukawidi, no marufuro no ngodi muya nkwate. ⁴⁹ Apa nakalire kehe liyuva nanwe no kumuronga mu ntembeli kapi mwa ntulire mumango. Ene ngoli vino kuna viruwana mposi matjangwa ghavure kutikamo." ⁵⁰ Navantje ovo vakalire naJesus vamu yuvire nokuka duka. ⁵¹ Murume wona a dwatiro lirwakani lyo kakese oko va mudingilikire, kwa kwamine Jesus. ⁵² A suvu kakese kolirwakani a kaduke muhere-here. ⁵³ Vavo ava pitire Jesus kwa muruti wo kuyeruka. Opanya kwa pongire po kumwe naye nova kondi voVaruti, vakondi, no va tjangi vomatjangwa. ⁵⁴ Kutunda pa Peturusa amukwamine akara kuure parugumbo rwa mudni wamuruti wakuyeruka. Asingire pakatji kova Kungi, ko vo vasungiliro pepi nomundiro va yenye ko. ⁵⁵ Weno varuti vo kuyeruka no ndango na yintje yo vaJuda kwasanine umbangi kwa Jesus makure va mu dipaye. Morwa kwato ovyo vawaninepo. ⁵⁶ Vavangi avatapa maumbangi ha kupira usili vyaku hamena kwendi, morwa nampili umbangi wavo kapi vaupulire. ⁵⁷ Va mweyamo mpo vasapukire nokuyita umbangi wakumukananita, ava tanta asi ne, ⁵⁸ Twamuyuvire asi ngani djoanaura yino ntemebeli vadika no maghoko no mayuv a matatu ame nganidika yoyipe pahana mawoko. ⁵⁹ Mpili ngoweyo, umbangi woko kapi yaukwatitireko. ⁶⁰ Muruti ghokuyeruka asapuka mukatji kavo no apura Jesus , "Kapi una kara nalilimbururo ndi? vinke vyakurenkito vano vantu vatape umbangi woku kukwatitako?" ⁶¹ Ene ngoli uye a kalire teete no kwato ovyo alimbwilire. Simpe ka muruti wokuyeru apura atanta, "Ove muyoholi, mona mupongoki umwe ndi?" ⁶² Jesus atanta, "Ame , no ngomumona mona Karunga apa ngaka singira kurulyo rwendi rounankondo ntani ngaya nomaremo gho muliwiru." ⁶³ Muruti wokuyeruka ataura sikoverero sendi atanta, "Tuna pumbwa nka simpe mbangi ndi?" ⁶⁴ Anwe munayuvo liswauronyambi nke litokoro lyenu?" nakuntje ava kandura yira umwe oghu ana wapero mfa. ⁶⁵ Vamweya avavareke kutipira no kufika sipapa sendi nokumu nokutamta kukwendi, "Porofete!" Vaporosi ava muupu nokumutoghona uye. ⁶⁶ Sirugho ntjoso Peturusa akalire kuntji yangumbu, umwe wova pika va vakadona va muruti wakuyeruka ayire kukwande. ⁶⁷ Mukadona amono Peturusa uye kuna kukuyenyeka , no kumukengurura pepi nokughamba, "Ove umwe wavaNasarete, wa Jesus." ⁶⁸ Morwa Peturusa akanana, aghamba, "Ame kapi nayiva evi wakughamba ntani kapi nakuvikwata lighano." Makura ayendi akarupuke kulivero. ⁶⁹ Ano ngoli muruwani wamukadona a mumono nko kughamba nka kovo vayimanino opo, "Uno murume umwe wavo!" ⁷⁰ Morwa Peturusa a swena nka. Apa piti karugho ghona vo vasungiliropo ava ghamba vatantere Peturusa, "Sili-sili ove umwe wavo, Nka nove wamu Galireya." ⁷¹ Ano ngoli avareke kulitura mwene munda yomafingo no kughana. "Ame kapi na muyiva uno muntu mwakughamba." ⁷² Sikondomboro mpopo tupu asi yiyi sikando sokukwamako. mpo Peturusa avuruka nkango a mutantilire Jesus. " Kumeho Sikondomboro asi yiiyi rukando ruvili, Ove ngo nkanana rukando rutatu," Ano Peturusa avareke Kulira.