¹ Paruvede ndorunya Abiya mona wa mukafumu wa Jerobiyam kwavelire unene. ² Jerobiyam aghamba kwa mukamali wendi, ''Nakanderere shapuka ukuhoreke naumoye, mposhi washayivikwa ashi ove mukamali wande, ghuyende kuShiro, mukondashi Ahiya muporofete mpwali nkoko; ndje ghumwe aghambiro vya kuhamena kwande, na kughamba ashi ame nganikara hompa wa vantu. ³ Shimba mboroto murongo, vikuki, na nkinda ya ushi wampuka, na kuyenda kwa Ahiya. Ghuye kwakakutantera vinke ngavishorokero mwanuke.'' ⁴ Mukada Jerobiyamu aruwana weyo; ashapuka na kuyenda kushiro na kutika kumundi wa Ahiya. Opo Ahiya ghuye nakumona shi; ghuye atweka mantjo konda ukurupe. ⁵ Karunga atantere Ahiya, '' Kenga, mukada Jerobiyamu kuna kuya muku yapulida maghano koye kuhamena monendi, ghuye kuna kuvera. Amutantere ovyo aya mutantera, morwa apa ayatika, kwaya kurenkita yira mukadi peke tupu. ⁶ Apa Ahiya wayuvhire ngundango da mpadi dendi kuna kutika mumuvero, ghuye aghamba, '' Ngena, mukada Jerobiyamu. Konda munke una kukurenkitira yira kapishi ove? Ame kuna kukutuma na mbudi dona. ⁷ Yenda, katantere Jerobiyamu ashi Karunga, Karunga wa Israel, kuna kughamba, ' Ame kwakuyerulire mukatji kavantu nikuture mpititi wavantu vande Israeli. ⁸ Ame kwa taghulireko Uhompa kulira lya Dafiti nakughu kupa, ngoli ove kapi wafana yira mukareli wande Dafiti, ogho wa kwatiro mpangera dande naku nkwama namutjima wendi nauntjeya, mukuruwana vya hungamo mumantjo ghande. ⁹ Mullivango lyavyo, ove kwa ruwana udona, unene kupita navantje vakuhoviro kumeho yoye. Ove mbyo waruwana vaKarunga peke, ove mpo wawa vambayika vishwi vya lirova mukundenkita nigarape, mbyo wa mpa nyima. ¹⁰ Konda yovyo, kenga Ame ngani yita mafingo pa lipata lyoye; Ame ngani teta kukoye kehe uno mwanuke mati mu Israel, akare mupika ndipo mumanguruke, natani ngani dongonona ruvaro roye naruntje, shika momo vashwa kareranga hando ru. ¹¹ Kehe uno ahanmo kulipata lyoye ogho ngafo mumbara ngadi mulya mbwa, ano ogho ngakafero muwiya ngawimulya vidira vya kuwiru, Ame, Karunga, navighambo. ¹² Mpo shapuka, mukada Jerobiyamu, kavyuke kumundi wenu; opo mpadi doye dikangena mbara, mwanuke Abiya kwa kafa. ¹³ Va Israeli navantje kwa kamulira na kumuvhumbika. Ndje ahuru wa lipata lya Jerobiyamu ngayenda mumbira, kondashi mwendi ahuru, wakutunda mulipa lya Jerobiyamu, mwa moneko vyaviwa kumeho ya Karunga, Karunga wa Israel. ¹⁴ Nka, Karunga ngatumba Hompa wa Israeli ogho ngatetoko lira lya Jerobiyamu paliyuva olyo. Namuntji ndyo liyuva lyapolyo, vina wapa weno. ¹⁵ Karunga nga homona Isarel shika ruvu runa kukanko mumema, ntani ngadura Israel kutunda mushirongo shono shashiwa atapire kuruvharo rwendi rwa kunyima. Ame ngani vaupako kumukuro wa Eufureta, konda nko vakuruwanena mafano gha vitondo gha Ashera mukurenkita Karunga agarape. ¹⁶ Ghuye ngatapa Israel konda ya ndjo da Jerobiyamu, ndjo odo aruwana, ntani namo apititira Iasraeli kundjo.'' ¹⁷ Mukada Jerobiyamu ashapuka na kutundapo, na kwayire kwa Tirisa. Apa atikire pa livero lya mundi wendi, mwanuke afu. ¹⁸ Israeli navantje ayimuvhumbiki na kumulira, shika momo vya tantilire kukwavo pankango ya Karunga oyo yaghambiro mwa muka mukareli wendi Ahijah muporofete. ¹⁹ Kuvininke evi aruwanine Jerobiyanu, weni omo karwanga vita na weni omo apangulire, kenga, vavitjanga mumbapira ya vaHompa vaIsraeli. ²⁰ Jerobiyanu kwa pangilire mwaka dimurongo mbiri na mbiri ntani ana rara kumwe nawa wa Isarel mulivango lyendi. ²¹ Ano Rehobiyamu mona Saromo kwapangilire mu Juda. Rehobiyamu uye dimurongo ne na umwe da mwaka apa aya kalire Hompa, uye apangere mwaka ro nantambiri mu Jerusalemu, mbara oyo Karunga ahangulire mumarudi naghantje gha Israel omo atulire lidina lyendi. Vawina lidina lyavo mbo Naama mukadi wamu Amoni. ²² Juda wa murenkita arure lifuva na ndjo odo kwaruwananga, kupitita panavintje evi vashavo kwaruwananga. ²³ Vavo waro vakudikilire mavango gha kutuntuka, ntani mafano gha Ashera pa kehe shitondo sha una hako. ²⁴ Waro amukara oya uhedana mu shirongo. Kavaruwangana vya kukufana nevi daruwanine dimuhoko odo Karunga atjilire kumeho ya vantu va Israeli. ²⁵ Vino kwa shorokire mumwaka wa utano wa Hompa Rehobiyamu mpapa shishaka hompa wa Egipite ayirepo na kudivyuka Jerusalema. ²⁶ Ghuye aghupu vapunguli vimaliva vamu ndjugho ya Karunga, na vapunguli vamundjugho ya Hompa. Ghuye aupu navintjeya atwara; uye atwara waro vikwa ngorodo evi karuwananga Saromo. ²⁷ Hompa Rehobiyamu aruwanine vifuka vya siliveli muvango lyavyo na kuvihuguvarera mumawoko gha muraghuli wava kungi, ogho kakungango kumavero gha kundjugho ya Hompa. ²⁸ Kavi shorokanga ashi nange Hompa kuna kungena ndjugho ya Karunga, vakungilimona vakona kuvikwaterera , ntani kuvivyuta kundjugho ya vakungi. ²⁹ Kovimwe ovyo awedilireko rehobiyamu, navyo aruwanine, kapi vavi tjangamo mumbapira ya vahompa va Juda. ³⁰ Apa kara kupira ukali nawa pakatji ka Rehobiyamu na Jerobiyamu. ³¹ Makura Rehobiyamu arara pava nyakulyendi nava vamuholikire kumwe navo mumbara yo Dafiti. Lidina lya vawina mbo Naama mukadi wamu Amoni. Ano Abiya mona rume wendi aya kara Hompa mulivango lyendi.