¹ Mu mwaka wa murongo na ntantatu wa Hompa Jeroboam mona Nebat wamukafumu, Abijah atameke kupititira Judah. ² Apangilire mwaka ntatu mu Jerusalem. Lidina lya vawina kwakalire Moacah. Ghuye kwakalire mona Abishalom. ³ Kwayendire mundjo nadintje edi vadjonine vashe muruvede rwavo; mutjima wendi kapi wakalire muushili kwa Hompa Karunga wendi yira mutjima wa Dafiti, mudimu wendi, mo akalire. ⁴ Kapishi vyavisheshu, mulidina lya Dafiti, Hompa Karunga wendi amupire ramba mu Jerusalem mukurera monendi wa mukafumu mumwendi mundjira yakuka pameka Jerusalem. ⁵ Karunga kwaruwanine vino mukonda Dafiti aruwanine vya ushili mumantjo ghendi; mpo ngoli mayuva ghendi naghantje gha liparu lyendi, kapi apirukire kwapeke kwa kehe vino amurawilire, kutunditako tupu mu livango lya Uriah mu Hittite. ⁶ Kwakalire ngoli vita pakatji ka Rehoboam na Jeroboam mayuva naghantje gha liparu lya Abijah. ⁷ Yira kumaghudito ghamwe gha Abijar, Navintje evi aruwanine, kapi vavitanga mu mbapira ya vilika vyava Hompa va Judah? Kwakalire vita pakatji Abijah na Jeroboam. ⁸ Abijah akarara na vadimu vendi, ava muvumbiki mu nkurumbara ya Dfiti. Asa monendi wamukafumu akara Hompa mulivango lyendi. ⁹ Mumwaka wa dimurongo mbili wa Jeroboam Hompa wa Israel, Asa atameke kupititira Judah. ¹⁰ Gha pangilire mwaka dimurongo ne nayimwe mu jerusalem. Vanyakulyendi vavakamali lidina lyavo kwakalire Maacah, mona Abishalom wa mukamali. ¹¹ Asa kwaruwanine vya kuhungama mumantjo gha Karunga, yira Daviti, mudima wendi, omo aruwanine. ¹² A tjidamo va shondedi mu shirongo naku tunditamo vitjwantjo navintje evi varuwanine vadimu vendi. ¹³ uye nka waro aghupumo Maacah, vanyakulyendi vavakamali, mukukara Hompa kadi, mukonda gharuwanine rupe rwaku djanyaghukita kuruwanita pale da Asherah. ¹⁴ Mara mavango ghamare kapi vagha ghupire. Kapishi vyavisheshu, mutjima wa Asa wakalire na ushili kwa Karunga mayuva ghendi naghantje. ¹⁵ Ghayitire mundjugho ya Karunga vininke navintje evi vatulire ntere kwa vashe, navininke vya mwene evi vatulire ntere evi varuwanitire kuSiliveli na ngorodo, na vessels. ¹⁶ Kwakalire vita pakatji ka Asa na Baasha Hompa wa Iasreli, mayuva ghavo naghantje. ¹⁷ Baasha Hompa wa Iasrael, kwakalire ukaro wa mutininiko kwa Judah na kudika Ramah, mposhi kapishi apulire kehe ghuno atunde ndi angene mushirongo sha Asa Hompa wa Judha. ¹⁸ Makura Asa aghupu siliveli na ngorodo edi dahupiro mundjugho yaku tulikira mundjugho ya Karunga, ntani na nkonda ya kutulikira yamu mbara ya Hompa. Adi tura mumawoko gha vapika vapika vendi nakuyituma kwa Ben Hadad mona Tabrimmon mona Hezion vavakafumu, hompa wa Aram, owo atungiro mu Damascus. Aghamba, '' ¹⁹ Renkenu likukwatakano likarepo pakatji kande nanwe, yira momo wakalirepo pakatji kavavava navasho. Kenga, nakutumumini ushwi wa siliveli na ngorodo. Tjora likukwatakano lyoye na Baasha Hompa wa Israel, mposhi antjuve pantjande.'' ²⁰ Ben Hadad ateghelire kwa Hompa Asa nakutuma vakondi vavakwayita vendi, ghavaka homona Nkurumbara da Isareli. vahomonine Ijon, Dan, Abel, Beth Moacah, ntani na Kinnereth nadintje, kumwe na virongo navntje vya Naphtali. ²¹ Avikaya kuhamena kwevinya apa aviyuvire Baasha vino, ghashayeke kutunga Ramah nakuvyuka ku Tirzah. ²² Hompa Asa aturapo mayuvtito kuva Judah navantje. Kwato mpili umwe owo vahupidireko. Ava shimbi mawe na maghuuva gha Ramah nedi odo Baasha katungitanga Nkurumbara. Hompa Asa ruwanitire viruwanita vyakudikita vinya mukudira Geba ya Benjamin na Mizpah. ²³ Yira ku maghudito ghamwe gha Asa, ghupongoki wendi naghunje, owo aruwanine, naNkurumbara dendi nadintje edi adikire, kapi vadi tjanga mbapira ya vilika vya va Hompa vava Judah? Mara mumwaka dendi da ghukurupe kwamupire uvera mumpadi dendi. ²⁴ Makura Asa akarara navadimu vendi ava kamu vumbika navo mu Nkurumbara ya Dafiti vashe. Jehoshaphat monendi wamukafumu akara Hompa mulivango lyendi. ²⁵ Nadab mona Jeroboam wamukafumu atameke kupititira Israeli mumwaka wauviri wa Asa Hompa wa Judah; apititilire Iasel mwaka mbili. ²⁶ Aruwaneni vya vidona kumantjo gha Karunga nakuyenda mundjira yavashe, na ndjo dendi, omu atwalidilire Israeli kundjo. ²⁷ Baasha mona Ahijah wamukafumu, walikoro lya Issachar, aruwanine udona kukulimba naNadab; Baasha amudipayiro pa Gibbethon, eyi ya hamenino kuva Philistines, mpo Nadab na va Israeli navantje kwa kengilire mulihorama kwa Gibbethon. ²⁸ Mumwaka wa ghutatu wa Asa Hompa wa Judah, Baasha adipaya Nadab akara Hompa mu livango lyendi. ²⁹ Ghuye shimpe mu Uhompa, Baasha adipaya likoro lya Jeroboam. Atundumo kwato umwe walira lya Jeroboam ashetiliro; mundjira yinya adjonaura mutunda wendi wa Uhompa, yira momo aghambire Karunga na mupika wendi Ahijah mushilonite, ³⁰ pandjo ya Jeroboam eyi adjonine ntani eyi gha twalidilire isarel kundjo, mukonda ashindire Karunga, Karunga wa Israel , ku ugara. ³¹ Kumaudito ghamweya kuhamena Nadab, ntani kwanavintje evi aruwanine, kapi vavitjanga mumbapira ya vilika vyava Hompa va Israel? ³² Kwakalire vita pakatji ka Asa na Baasha Hompa wa Israel mayuva ghavo mudima. ³³ Mumwaka wa ghutatu wa Asa Hompa wa Judah, Baasha mona Ahijah atameke kupititira va Israel navantje mu Tirzah apititiri mwaka dimurongo mbili na ne. ³⁴ Aruwanine vya vidona kushipara sha Karunga na kuyenda mundjira ya Jeroboam na mundjo dendi omu gha twalidilire Israel kundjo.