¹ Rehobiyamu wayendire kuShikemu, navantje va Israel ava ya kushikemu vaya muture akare Hompa. ² Vino kwa shorokire apa Jerobiyamu monarume wa Nebata waviyuvhire ( kuno uye shimpe ku Egipite, oku atjwayukilire mu ruvede rwa hompa Saromo), Jerobiyamu uye mu Egipite. ³ Mpo vamutuminine na kamuyita, ano Jerobiyamu na mbunga nayintjeya yava Israeli avaya na kughamba kwa Rehobiyamu, '' ⁴ Vasho kwaditopitire djoke detu. Weno rerura viruwana vya udito vya vasho ntani rerura djoko yayidito oyo atutengenikire, makura atwe ngatu kuruwanena.'' ⁵ Rehobiyama aghamba kukwavo, '' Yendenu mukakare nyuku ntatu, ntani ngamu kavyuka kwande.'' Makura vantu ava kayenda. ⁶ Hompa Rehobiyamu apongo kumwe namatimbi kurona ogho kaghayimanango kumeho ya Saromo vashe uye shimpe na mango, uye aghamba, '' Maghano munke mupako muku yalimburura vantu vano?'' ⁷ Vano ava ghamba kukwendi nakutanta, '' Nangeshi kughukara mukareli namuntji kumbunga yino na kuyiruwanena nawa, ntani naku valimburura munaruwa. opo vavo ndi ngava kara vakareli voye kunaruntje.'' ⁸ Ngoli Rehobiyamu wa ncenunine maghano ogho va ndimbikurona gha mupire nakuponga kumwe na vamughundju ovo vakuro kumwe naye ava yimana kumeho yendi. ⁹ Ghuye avatantere, '' Lighano munke mumpako mposhi ngatu limburure vantu ovo vaghambiro kukwande nakutanta, ' Rerura djoko ya vasho oyo vatu twikire'?'' ¹⁰ Vadinkantu mati ovo vakuliro kumwe na Rehobiyamu ava ghamba kukwendi, nakutanta, '' Tantera vantu ovo va ghambiro kukoye osho vasho Saromo kwa ditopitire ndjoko yavo makura ashi ove unahepa kuyivarerupitira. Ove ngauvatantere, ' Nyara yande yinene kupita litafi lya vavava. ¹¹ Ano weno, ntjeneshi vavava kwa mutwikire ndjoko yayidito, ame ngani wedako kumudigho wenu. Vavava nange kwamutengikire na ngora, ngoli ame ngani mutengeneka navange.'' ¹² Makura Jerobiyamu na vantu navantje avaya kwa Rehobiyamu pa liyuva lya utatu, shika momo Hompa ava rawilire pakughamba, '' Ngamukavyuke kukwande pa liyuva lya utatu.'' ¹³ Hompa alimburura na ukeregenye na kuncenuna lighano lya vakurupe olyo vamupire. ¹⁴ Ghuye ava tantere kutwara mulighano olyo vamupire vadinkantumati; uye aghamba, '' vawawa kwa mutwikire djoko yayidito, ano ame nganiwedako ku mudigho wenu. Vawawa kava mutengenekanga na ngora, ngoli ame ngani mutengeneka na vange.'' ¹⁵ Hompa kapi avhulire kutegherera kuvantu, vino kwashorokilire kutwara mwa mwene Karunga, ashi ditikemo nkango odo aghambire kwa Ahiya wamu shironite kwa Jerobiyamu mona Nebata. ¹⁶ Opo va Israeli vamonine ashi Hompa kapi ana kuvategherera, vantu ava mulimburura na kughamba, '' Vinke twa wanamo twe mwa Daviti? Kapi twa wanamo upingwa twe mwa mona Jese! Yenda kutenda doye, Israeli. Weno nomena lipata lya na umoye, Dafiti.'' ¹⁷ Makura va Israeli ava vyuka kutenda davo. Ngoli ku vaIsrael ovo vatungiro mumbara da Juda, rehobiyamu akara Hompa wavo. ¹⁸ Makura Hompa Rehobiyamu atumu Adoniram, mukurona wa vakavita, ano Israel ava kamudipaya na mawe. Hompa Rehobuyamu atjwayuka mukarukara kwendi ayende ku Jerusalema. ¹⁹ Mpo Israel akukwatera unkore na lipata lya Dafiti nanamuntji lino.'' ²⁰ Mo vya shorokilire apa va Israel vayuvhire ashi Jerobiyamu ana kavyuka ava mutumini na kamuyita kulipongo lyawo naku yamutura akare Hompa wa va Israeli navantjeya. Kwato mpiri ndi umwe ogho akwamino vaka lira lya Dafiti, kughupako rudi rwa Juda pantjako. ²¹ Opo Rehobiyamu akatikire mu Jerusalema, awongere va lira lya Juda na vakwa Benjamini, kwa hulire pa 180,000 vakafumu vahorowolire vakare vakavita, mukurwita lipata lya Israel, muku vyuta uhompa kwa Rehobiyamu mona Saromo. ²² Ngoli nkango ya Hompa yayire kwa Samaya, muntu wa Karunga, ayi ghamba, '' ²³ Tantera Rehobiyamu mona Saromo, Hompa wa Juda, kulira lya Juda naBenjamini, na kuvantu vakuhupako, kughambam '' ²⁴ Karunga kuna kughambavino: Ove nakadidishi uhomone na urwanite vaghuni voye vantu va Israel. Kehe uno mukafumu avyuke kumundi wendi, vininke vino kuna shorokere konda yande ame.''' Vavo ava tegherere kunkango ya Karunga na kushiuka na kuyenda ndjira yavo, na kufumadeka nkango yendi. ²⁵ Makura Jerobiyamu atungu shikemu shirongo sha ndundu da Efurayimu na kushungira nkoko. Ghuye atundu kunya na katunga Penili. ²⁶ Jerobiyuma akuyuvhu mumutjima shi, '' Weno uhompa ngauvyuka ku ndjugho ya Dafiti. ²⁷ Nangeshi vano vantu vayendange vakadjambange ndjambo muntembeli ya Karunga kuJerusalema, kutantashi mutjima dava vantu ngadi vyuka kwa muhona wavo, kwa Rehobiyamu hompa wa Juda. Vavo ngava ndipaya na kuvyuka kwa Rehobiyamu Hompa wa Juda.'' ²⁸ Makura hompa Rehobiyamu atulitapa lighano na kuruwana ntana mbiri da ngorodo; ghuye atantere vantu, '' Vina gwanene vya kukanduka anwe muyende ku Jerusalema. Kunya, vano vaKarunga voye, Israel, ovo vakuhupo ve utunde ku shirongo sha Egipite.'' ²⁹ Ghuye atura yimwe muBeteli ano yimwe mu Dana. ³⁰ Ano shiruwana shino ayiyapo ndjo. Vantu kwayenda kwa yimwe ndipo kwa unyayo, ndjira nadintje kutamba ku Dann. ³¹ Jerobiyamu aruwana ndjugho pa mavango gha kutuntuka na apakire varuti vakutunda mukatji kwa vantu navantjeya, ovo kapishi vakutunda muvana va Levi. ³² Jerobiyamu atulitapa shilika sha paveta mumwedi wa untantatu, liyuva lyauro natano lya kumwedi, shika shilika sha mu Judeya, ghuye akanduka kushidjambero. Aka viruwana weyo ku Beteli, kudjambera kuvitano ovyo aruwanine, atura mu Beteli varuti va mavango ghakutuntuka ogho aruwana. ³³ Jerobiyamu akanduka kushidjambero osho aruwanine mu Beleli paliyuva lya uro natano mumwedi wau ntantatu, mumwedi ogho atulitapao mu lighano lya mwene; atulitapo shilika shapa veta kuva Israel na kwa rondire ku shidjambero aka shwakerere vya shidumba.