¹ Weno Hompa Solomoni kwaholire vantunda virongo vavangi vavakamali kutura navana vavakadona va Faraoh-------- vakamali va Moabites, Ammonites, Edomites, Sidonians, na Hittites. ² Vavo kwatundire ku virongo edi Jehova aghambire ku vantu va Israel, '' Kapi ngamuyenda mukatji kavo muku kwara, ndi mbo ngavaye mukatji kenu, mpopo ngava vyuta dimutjima davo kwa Karunga wavo.'' Kughupako lirawiro linya, Solomoni kuyuvire likuyuvo lya shihoro kuva kamali vanya. ³ Solomon kwakalire na vakamali mafere ntambili vapa Uhompa ntani vihora mafere matatu. Vakamali vendi kwa ghupireko mutjima wendi. ⁴ Apa aya kurupire Solomon, vakamali vendi ava mutjindji mutjima wendi kuva Karunga peke; mutjima wendi kapi wa kutapire muushiri kwa Hompa Karunga wendi, yira momo wakalire mutjima wa vashe Daviti. ⁵ Mpo Solomon akwama Ashtoreth, vaKarunga wava Sidonians, ntani gha kwamine Moleth, shi ntjwantjwo shakudjanyauka shava Ammonites. ⁶ Solomon kwaruwanine evi vyakaliro vya vidona kughuto wa Jehova; kapi gha kwamine Jehova mu ushiri yira momo varuwanine vashe Daviti. ⁷ Makura Solomon adikire livango lya kuyeruka lya Kemoshi, wa shintjwantjwa shaku djanyaghukita sha Moab, pandunda ya Jerusalem, ntani nka kwa Molech, shintjwantjo shaku Janyaukita shavantu va Ammon. ⁸ Ghuye nka ghadiki mavango gha mare gha vakamali vendi navantje vav ntunda virongo, ava vasholiro vininke ovyo kunuka lidumba lya ndungu naku djamba kwaKarunga Hompa wavo. ⁹ Hompa kwa garapire na Solomon, morwa mutjima wendi wa tungwirako muwongo kukwendi, Karunga wa Israel, ¹⁰ na mpili ngoli amu monikilire ruvili, nakumu rawira kwa vino vinke, ashi asha kwama vaKarunga peke. Ngoli Solomoni kapi gha limburukwire evi arawilire Hompa. ¹¹ Mpo ngolishi Jehova aghamba kwa Solomoni. '' Mukonda una ruwana vino ntani kapi watulika likukwatakano ntani na veta edi naku rawira, ushiri ngani hangura Untungi kukoye nakughu tapa kuva pika voye. ¹² Kehe muno, mukonela ya vashe Daviti, kapi ngani viruwana muliparu lyoye, mara nganiviteta mumawoko gha vana voye vavakafumu. ¹³ Shimpe nka kapi ngani hangura ma maUntungi, naghantje; ngani tapa muhoko umwe kwa monoye wamukafumu pa Daviti mupika wande, ntani mulidina lya Jerusalema, oghu na toghorora.'' ¹⁴ Makura Jehova ashapwita unkore kwa Solomoni, Hadad mu Edomite. Ghuye kwatundire ku likoro lya ghu Hompa lya Edom. ¹⁵ Apa Daviti akalire mu Edomu, Joab mukurona wavakavita kwakandukire vavumbike vafe, kehe ghuno muntu vadipayire mu Edom, ¹⁶ Joab nava Israel navantje ava kara momo mwedi ntayimweyi dogoro adipayire vantu navantje mu Edom. ¹⁷ Mara Hadad kwamu upire nava Edomites vamwe kuva pika vavashe mu Egipite, pano shimpe Hadad mwanuke wa munene. ¹⁸ Avashuvu Midian nakuya ku Paran, kutundilira oku vaghupire mukafumu kumwe navo ku Egipite, kwa pharaoh Hompa wa Egipite, owo amupiro ndjugho nalivango na ndya. ¹⁹ Hadad awanine uwa wa unene mu mantjo gha Pharoah, mposhi Pharaoh amupire mukamali, munya mukamali wendi mwene, munya Tahpenesi hompa kadi. ²⁰ Munya Tahpenesi ashampuruka kwa mona Hadad wamumati. Ava muruku Genubath kwa tungire mumbara ya Pharoah mukatji kavanava Pharoah. ²¹ ghuye po shimpe mu Egipite, Hadad ayuvu shi Daviti akarara navadimu vendi ntani shi Joab mukurona wavakavita afa, Hadad aghamba kwa Pharaoh, '' Renka ni tjwayuke, mposhi niyende mushirongo sha naghumwande.'' ²² Makura aghamba kukwendi, '' Mara nke evi wa pumbwire, evi unampumbwiri weno kuyenda kushirongo shenu?'' Hadad alimburura, '' Kwato, nakanderere renka niyende. ²³ Karunga shimpe ashapwita unkore umwe kwa Solomoni, Rezon mona Eliada wa mukafumu, owo adukiliro kutunda kwa muhona wendi Hadadezer Hompa wa Zoban. ²⁴ Rezon akupongekere naghumwendi vakafumu ntani mukurona wavakavita wapa unkondo wausheshui, apa Daviti afundire vakafumu vaZobah. vakafumu vaRezon avayendi ku Damascus nakuka tunga nkoko, ntani Rezon akeverere Damascus. ²⁵ Ghuye kwakalire muna nkore wava Israeli mayuva naghantje gha Solomon, kumwe na maudito agha Hadad ayitire. Rezon kwanyengire Israeli nakupititira Aram. ²⁶ Makura Jeroboam mona Nebat wamukafumu, mu Ephramite wa Zeradah, mu na politika wa Solomoni, owo lidina lya vawina kwakalire Zeruah, mufitarume, Ghuye nka ayerwire mawoko ghendi kwa Hompa. ²⁷ kwayerwire mahoko ghendi kwaHompa mukonda Solomon adikire mbara kuviha vya pa Millo na kuwapeka mampe gha palikuma mu nkurumbara ya Daviti vashe. ²⁸ Jeroboam kwakalire mukafumu wa kupongoka. Solomoni adimburura ashi mumati ghona kwakalire wa kuruwana unene, mpo ghamupire lirawiro kuviruwana navintje vya mu ndjugho ya Joseph. ²⁹ Paruvede ndoro, Apa Jeroboam kwa yendire pandje ya Jerusalem, muporofete Ahijah muwa Shilonite amu wana mushitaghura. Ghuye opo Ahijah ana dwata mulirwakani lyalipe ntani vakafumu vavili kwakalire pantjendi mulifuva. ³⁰ Makura Ahijah anyangura kukwaterera kwali rwakani lyalipe olyo lyakaliro pendi nakuli tomona pa mampe gha madidi murongo nambili. ³¹ Aghamba kwa Jeroboam, '' Ghupa ma ruvambi murongo, gha Jehova, Karunga wa Israel, aghamba, ' Kenga, ngani teta ghuntungi ghutunde mumawoko gha Hompa Solomoni ntani tapa dimuhoko murongo kukoye ³² ( mara Solomon ngakara na muhoko umwe, mukonda ya mupika wande Daviti na mukonda ya Jerusalem----- Nkurumbara eyi na toghorora mukatji ka dimuhoko nadintje da Israel), ³³ mukonda va ntjuvilira naku karera Ashtoreti Karunga wava Sidonians, Kemoshi Karunga wa Moab, ntani Molech Karunga wa vantu va Ammon. Kapi vayenda mundjira dande, mukuruwana vya uhunga mumantjo ghande, naku tulika veta dande na ukenu, yira momo aruwanine vashe Daviti. ³⁴ Kehe muno, kapi ngani upa mbara nayintje mumawoko gha Solomoni. Mulivango, namutura mupangeli mayuva gha liparu lyendi mudima, mukonda ya Daviti mupika wande owo na toghorora, ndje ghunya gha tulikiro dimuragho dande naveta dande. ³⁵ Mara ngani upa untungi muliwoko lya monendi wa mukafumu ntani ngani ghutapa kukoye, dimuhoko murongo. ³⁶ Ngani tapa muhoko ghumwe kwa mona Solomon wa mukafumu, mposhi Daviti mupika wande akare kehe pano na ramba kumeho yande mu Jerusalema, Nkurumbara omu nahorowora kutura lidina lyande. ³⁷ Ngani kuupa, ntani ngaghu pangera mukutikitamo navantje evi washana, ntani ngaghukara Hompa pava Israel. ³⁸ Nange ghutegherera kwa navintje evi nakurawiru, ntani nange uyenda mundjira yande nakuruwana vya viwa mumantjo ghande, mukutulika veta dande ntani na dimuragho dande, yira momo aruwanine Daviti mupika wande, makura nganikara nove ntani ngani kara nove ntani nganikudikira ndjugho ya ushiri, yira momo nadikulire Daviti, ntani nganitapa Israel koye. ³⁹ Ngani tengeka valira lya Daviti, mara kapishi naruntje.''' ⁴⁰ Makura Solomon asheteke kudipaya Jeroboam. Mara Jeroboam ashapuka nakudukira mu Egipite, makura shisak Hompa waEgipite, ntani gha hupara mu Egipite dogoro mfa da Solomon. ⁴¹ Yira kuma udito ghamwe kuhamena Solomon, navintje evi aeruwanine na matungiko ghendi, kapi vaghatjanga mumpapira ya vilika vya Solomon? ⁴² Solomon kwapititire mu Jerusalem kwa va Israel navantje mwaka dimurongo ne. ⁴³ Akarara na vadimu vendi ntani kwa mu vumbikire mu nkurumbara ya Daviti vashe. Rehoboam monendi wa mukafumu akara Hompa mulivango lyendi.