¹ Mukamali waHompa po ayuvire Sheba waSolomoni valiro kuhamena lidina lya Karunga, kwayire kusheteka uye na mapuro ghaghudito. ² Ayire mu Jerusalemu na ndjugho yayire yamakosho, na ngamero darondekiro vighuheke, ngorodo, maghushi ghamangi. Opo ayatikire, atantere Solomoni navintjeya kwakalire mumutjima wendi. ³ Solomoni alimburura naghatnje mapuro kwendi. Kwato ovyo apulire Hompa adikire kulimburura. ⁴ Opo akengere mukamali waHompa Ukonentu waSolomoni nauntje, mbara oyo adikire, ⁵ ndya dapantishe yendi, rushungilito rwa vakareli vendi, shiruwana shavakareli na vidwata vyavo, mbonka vapindi vinyu, ntani mboroto oyo vatapire kwasholire kuyitapera mumundi wa Karunga, kapi ashetelire mo uye. ⁶ Ghuye aghamba kwaHompa, '' Nani ushiri, vitundwamo nayuvire mulivango lya naghumwande munkango doye na ukonentu. ⁷ Ame kapi navipulire ovyo nayuvire dogoro naya kuno, mantjo ghande ghaviku kengere. Kapi ghukahe gho vantantilire kuhamena ukonentu na ugagho! Ove unawederere liro olyo nayuvire. ⁸ Weni wapongora ve vakamali voye, ntani weni wapongora vakareli voye are akukareropo wakuku yimanena kumeho ove, mukonda vanayura ukonentu ghoye. ⁹ Hompa ghoye Karunga kumutanga, ogho aghupiro ruhafo moye, ogho akutuliro pa shipuna shaghu Hompa muIsraeli. Mukonda Karunga aholire Israeli napantje, ghuye akutulire ghu Hompa, ove mukuruwana uhungami ntani kuhungamenena!'' ¹⁰ Uye apire Hompa 120 ngoporo ntani uheke waghungi ntani maghushwi. Kwato vyavididi vighuheke wavi mukamali waHompa waSheba atpire kwaHompa Solomoni kapi nka atapire kwendi rumwe. ¹¹ Viruwanita vya Hiram, vyayitiro ngoporo mu Ophir, shimpe kwa Ophir vyavingi rudi rwavitondo naushwi wamawe. ¹² Hompa atulire rudirwavitondo ngundi yantembeli ya Karunga Hompa wamumbara, ntani vyakuvetita va kunyima. kwato mulyo wa rudi rwavitondo vyadiro kuya ndi vadira kumona rumwe kwa lino liyuva. ¹³ Hompa Solomoni atapa kwa mukamali waHompa waSheba navintje ovyo amushwelilire, kehe vino apulire, mukuwederera kwavyo amupire Solomon uye mughutapi wendi mumbara. Mpo uye avyukire kushirongo shanaumwendi navakareli vendi. ¹⁴ Weno shiviha sha ngorodo kwayire kwa Solomon mumwaka umwe 666 maghushwi gha ngorodo, ¹⁵ kughupako ngorodo da vaghulitire ntani do vakayitire . Navantje va Hompa va Arabia ntani lipangero lyamu shirongo nalyo lyayitire ngorodo na shiliveli kwa Solomoni. ¹⁶ Hompa Solomon atende vitjayito vyavinene mafere maviri vya ngoporo. Mafere ntayimwe maliva gha ngoporo aviyendi kwa kehe ghuno. ¹⁷ Ghuye shimpe aruwanine vitjayilito mafere matatu gha ngoporo. Vitatu vimaliva vya ngoporo aviyendi kwa kehe shitjayilito; Hompa avatura mumbara yamu mutitu wa Lebanoni. ¹⁸ Makura Hompa aruwana shipuna shashinene shambinga ntani vashidwatikire nangoporo dadididi. ¹⁹ Kwakalire vilyatero ntayimwe kumeho ghutike kushipuna, ntani kuruku rwasho shakukundurukida. Kwakalire pakukambeka maghoko kwa kehe ruha rwa kushungira. na vanyime vaviri vakuyimana kuntere ya kwakukambeka mahoko. ²⁰ Murongo na mbiri vanyime va kuyimana kuviha lyatero, ghumwe kukehe ruha rwa kehe vilyatera ntayimwe. Kapi kwakalire shipuna sha Hompa shakufana ntjo mukehe ghuntungi. ²¹ Nvintje Hompa Solomon nkinda dakunwena da ngorodo, ntani nadintje nkinda dakunwena mu mbara ya mutitu wa Lebanon da ngorodo. Kundereko da siliveli, mukonda siliveli kapi vakengire mulyo mumayuva gha Solomoni. ²² Hompa ayuvire kulifuta mughuliti wa kulifuta nakuyenda na vikepa, kumwe na mughuliti waHiram. rumwe mumwaka ntatu mughuliti kayita ngorodo, shiliveli, na mbinga da ndjovu, rambangako na vantjima na mangwandja. ²³ Mpo Hompa Solomon awederere navantje va Hompa mu shirongo mughungagho ntani na ghukonentu. ²⁴ Naghuntje ghudjuni washanine lipititiro lya Solomon murupe rwa kuyuva ghukonentu wendi, Karunga atura mutjima mwendi. ²⁵ Vantu vo vakadinguliro vatwalire likapekoko, nkinda da shiliveli na da ngorodo, vyuma , vipopelita, ghuheke rambangako kakambe na tushino, mwaka na mwaka. ²⁶ Solomoni apongeke kumwe matemba na vantu vatukambe. Ghuye akalire matemba liyovi limwe namafere mane ntani mayovi murongo na maviri vantu vatukambe ovo uye atulire mulitemba lya mbara kwana ghumwendi mu Jerusalemu. ²⁷ Hompa akalire na shiliveli mu Jerusalem, kumwe na mawe palivu. Ghuye aruwana vipurangi vyakushonga vikare vyavingi vya ghutata ukuyu vitondo vyakaliro mulivango lyaku vyukilira. ²⁸ Tukambe twakalire kwa Solomoni vatutumine tutunde muEgipite, Kue ntani Hompa vatjingiti ava vaghulita kwa Kue. ²⁹ Matemba ava ghaulita pantje kumaliva mafere ntayimwe gha siliveli, tukambe kumaliva lifere limwe na dimurongo ntano. Vyavingi kwavighulitire kunavantje va Hompa vaHittites na Aram.