1 Njite Bildad suhita njitedalri shepani, lriaco: 2 ''Dio italricanata nanaco pjiomi njaji inaiki, njite njaji inaiki narsotsa nafioca Lriiwana; Jliatsa icadaa coajica matsiacarro eenolricojle. 3 ¿Namaimaca njaji Lri-angelenai kjaidaperri corrin coca itaita iniwetaca. Njite lricananialre icanaca pjiomi naco. 4 ¿Coaji tsakja pada atsia itaita matsiacani Dio iinai? ¿Coaji apadaatsiajicodalri inarro ioya itaita mamatsicanacani, njite Dio icoadatani matsia? 5 Corrin kérri icananialre itaita icana pjaaca Dio icananialre ioya; corrin jalraamica jiwirsida icanaca Lrirso. 6 ¡Omamikena njaji inaikitsa, acorro shoperri Lricapaca. Acorroca lrirso njaji atsianai yenipe!''