¹ ¿Coada corin Jidaati iminalri icadaa njenaana njaji inaiki matsiperri Lricaité cawa naacona? ¿Njaji shepacape Dio yaco matsia, coada corrin nataita nacapaca Dio irroa lripeya toa lriocacawa naikjaolre? ² Njaji inaiki matsiperritsa nacarseta njaji jiipada

nakjenanata shopa njepaite iocacawa ioya; niini tsakja inaiki matsiperritsa ideecape

naapira nja apjetsida matsicalri ricó nadeecarrona nayarroapji lricojle.

³ Nañaito naborron njaji maoñjerrinaipe; nadee na-vacan njaji madoiyoanaipe nadewecalre

ikjaote.

⁴ Namotoita inipo ioya njaji kjenaperri; pjiomi njaji kjenaperri iofacape niini

narsotsa nadawacawa naoya.

⁵ Picapa, njaji inaiki kjenaperri namotowa nadejicalre ioya burro mapirracanaperri sho jalrapocolri lricojle, nácarro naoma nenipe iñjao nirse; wadetsantja naoketaca jaicotjeda neenipe iñjao. ⁶ Njaji inaiki kjenaperri naji naoma naiñjao nakinikerre lricojle njaji apjetsida deepi ricó, naniwaca camjerro inaca nakiníkerre lrico njaji inaiki matsiperritsa. ⁷ Matsayantsa nemaaca deepi ricó; corrin narsoca napajlewa japerri ioya. ⁸ Potsiacana iyao sho iiya cádanaco naicao awacada lrico; nadawacawa jiipada macadalripe yapjite corri capoa narso naapana. ⁹ Njaji inaiki matsiperri njeta njadoa ioya neenipe tsoperritoa mjanirriperri, nadee tsakja njaji yempetipe mjanirriperri nadewecalre ikjaote ima kjenaperricana, ¹⁰ Mitsa njaji inaiki kjenaperri matsyanitsa yajicawa, corrin coca njeeta nanacoa; mawitacai ricó nacda njewajica napania njaji apjetsida namatsieta cawa lricojle napania inaca. ¹¹ Njaji inaiki kjenaperri njeta aceite naapana lrico njaji inaiki matsiperri; mapitsioca jaicotjeda iana narso, mitsa njaji idejicapeni corrin nairraca nanakjoite njaji nadejicalre, icamitsa njerrapitaca metaca nacaolre. ¹² Njemata icaiyati ikjaote njaji inaiki yacaalre ricoperri; naiyaca njaji cayaoniperri, mkitsa corrin Dio iwapa jimi narso natatja cádanaco lriinai. ¹³ Njaji inaiki matsiperri matsi nacapaca camarrai irso;, nema lrikjoete; corrin naji cocaca jliaji nanaitjalri; corrin tsakja naoma naofacawa matsia. ¹⁴ Jliaji inocaita inaiki lricafiawa deepi ricó lriinócarro njaji kjenaperri, njite njaji canacaiperri irso; lriajicawa deepi ricó keñaitédalri sho. ¹⁵ Jlia tsakja jliaji inaitjacada maatsi lridada sho lriino ioya, lriwapa lricapa dainomaca lriicao; lriaco cayoji: ''Corriotsa coca icapa njoa.'' Lriita lriecoa wadee najicani. ¹⁶ Njaji inaiki matsiperri najicawa deepi ricó neñaitócarro naapana lrico; mitsa jalrewe-ricó icamitsa naitacacawa; corrin coadaca narso jliaji camarrai. ¹⁷ Njaji inaiki maatsíperri, matsia najiacacawa cadaocacawa lrico; ima nakitsindajica njaji cafainaperri cadaocadalri lricoperri. ¹⁸ Kjeyacalrim nawayacacawa, cayocana ooni idee capisho jiipacalri. Jliaji jiipai naofacarromi corritsa matsia carrocani ima maatsidalricani; corriotsa cocá carroketsa idia ideji nakinikerrem lrico. ¹⁹ Camoi jimoca sho lricodowa jliaji ooni tarradalri japédalri ooni carroni, icatsa cayo nawayacacawa mayamicalri sho njaji inaitjacape namatsicanawa. ²⁰ Corriotsa njadoa iwaada carrocaotsana; acorro iñjacaotsa nadada; corrinatsa cocá carroca iwadana. Icatsa cayo lriwayacacawa njaji matsiperri namatsicana iapiya cayoji paoca capisho jaico jiwawa. ²¹ Njaji matsiperri nainoca nanaitja maatsi nars njaji inaitjepe ménipeperri; corrin nakitsindata njaji madoiyoanaipemi. ²² Njite Dio itsoeta tsakja njewao njaji inaiki caconaperri kjaidaperri Jliida sho; Jlinico cádanaco nakjoete, corritsa lricada njaidao naofácarro pjatoa jalredaoca lrico. ²³ Diotsa icadaa nawaopiácarro matsia catsa naofacawa; catima naofacawa cayo, Mitsa Dio icapa pjiomi njaji nanaitjalri. ²⁴ Matsia nacaiteca nanaco, mitsa kjeyatsa jalredaoca, icamitsa mayamicana, cayotsa Dio iwayaketana; cayotsa nawacacawa nainai njaji mayamirri napjeya; mawayacacawa cayoji payoa capisho yorromo ipikja jiwidana. ²⁵ Njite corri cada cayoji nocaite capisho, ¿coca itaita icaite ishati catsa njaji nocaiterri inaco?; ¿coca itaita imacoadataca njaji nocaiterri?''