1 Yuumtzile' tu yáalaj Ti' in Yuumtzil; ¡Culentin no'oj kabil, taac le quéen ín dza a aj p'eeco'ob u cuuchilil a T'alcutic a woocoob. 2 Likbal sione', Yuumtzile' cu cubic te'ech le xóolte', u chiiculal u páajtalil. ¡Tonquit tuun a aj p'eeco'ob! 3 Acáajáale' cu kubincubáa Ti' téch tu kiinil le dzáancha'atajo'; tu yo'okol le puuco'obo', jéebix le p'uulja' cu si'ijil Ti' le ja'atzcab kiino' u ta'anquelemile', cu túumbental saamsamal. 4 Yuumtzilo' dzoóoc u dzaic jun p'eel dzaa t'aan, ma' biin u yáalma' beyili: teche' j kiinech u Ti'al mix bikin je'el bix u aj kiinil Melquisedeque. 5 Yuumtzile' Ti' yaan ta xnoj kabile'; tu kiinile u púujule' yaan u xu'ulsic le ajawo'obo'; 6 Yaan u xotkintic le muuch caajo'obo', yaan u chupic yéetel quimenóob, yaan u je'ejen ch'in tic póolo'ob Ti' tu láacal le luumo'. 7 Tej béejo' yaan yukic ja' Ti' jun pe'el áalcab ja', le jal tu'uno yaan u dzáic tu'uben mu'uko'ob Ti'.