¹ ¡Qui'iqui' t'aataác Yuumtzil! Yaan in qui'iqui tántic Yuumtzil yéetel tu láacal in pucsi'ikal Ti' u múuch' cabil le utzil máaco'obo! ² U meyajo'ob Yuumtzile' nuutac, cu ch'a'a nu'uctaal tumenlemáaxo'ob yaacuntmaile'. ³ U meyaje' jadzutz yéetel nojbéen, u yutzil xane' uti'al mantadz. ⁴ U jaaj ool me yajo'obe' tu béetaj ca ka'asa'ac. Yuumtzile' utz cuch'a'ic xan óotzil; ⁵ Cu dzaic janal Ti' le máaxo'ob tziquico mantadz kaja'an u nup ta'an Ti'. ⁶ Tu yéesaj Ti' u caajal u páajtalil u meyajo'ob ¡qui tu dzajilac Ti'obe le ba'ax u ti'al ca'ach lej ma' ocsajo'olo'obo'. ⁷ Ba'ax cu be'etique' u tajil yéetel u jaajil, jeel u páajtal u yocsaj oolta'al u yaalma' táano'obe' ⁸ Tumen jejedzqui'ob uti'al mantadz, béetano'ob yéetel ja'ajil yéetel tojil. ⁹ Tu dzaj ja'alkabil Ti' u cáajal, yéetel tu jedz cuntaj u nuut'aan u Ti'al mantadz. Yuum kue' qui'ilich yéetel sajbeentzil. ¹⁰ U nojoch ojeelali' cu chuunul Ti' u tzi'iquil Yuumtzil; le máaxo'ob tziquique máalo'ob u tu'uculo'ob.! Yuum kue'mantadz yaan u quiiqui ta'anta'al.