¹ In pucsiikale' u dzamajuba'a ¡ukay tech kaa yo'ob, in ku! Aajen in pixan; ² áajene'ex u nu'uculilo'ob paax. Yaan in wajal Ti' le Tu'umben ki'ino'! ³ Yuumtzil, yaan in qui'iqui tántiquech yéetel kaayo'ob, chu'umuc múuch' caajo'ob'. ⁴ Tumen a yáacunaje' asab nojoch ti le ca'ano'obo! ¡a kub óolale' cu kuchul tac ca'an! ⁵ ¡In ku, teche' Ti' yanech tu yóokol le ca'ano', a nojbe'enile cu chupic tu láacal le luumá! ⁶ To'ocon yéetel a páajtalil, u Ti'al ca dza'abac jáalkabil Ti' le máaxo'ob aya'acuntmajo', ¡nuucooni! ⁷ Kue' J T'aana likbal tu quiliich najiil: ¡Yéetel quiimac óolal Yaan in toxic Siquen Yaan xan intoxic u tax lúumil Sucot ⁸ Galaad yéetel Manases inti'aloob: Efraine' u nu'uquilil in pixic in po'ol; Judae' u xo'olteil in tusbej; ⁹ Moab u léequil iquil in p'o'inquinbaa' tu yóokol Edome' yaan in Pulic in xanab ke'ewel; ¡yaan in ka'ayic dza'anche'etajil tu yóokol le filistialo'ob'! ¹⁰ ¿Máax jeel u bisiquen tej túulumnoj cáajo'? ¿Máax jéel u bisiquen tac Edome'? ¹¹ Ku tumen, dzo'oc a kex óolticoon; bejela'e' ma' te'ech ajo'okol yéetel c báatelt, c ma'aco'ob. ¹² Aántóon c ba'atelt, c aj p'eeco'obi i tumen mix ba'al u biilal u yáantaj wiinico'ob. ¹³ Yéetel u yáacunaj kue' jeel c be'etique'ex Nucuch báalo'obe'; ¡Leti' biin u yaach' c aj p'eeco'ob!