¹ Moises tu much'kunsaj u muuch'il israelitas ka tu a'alaj tio'ob: "Lela leti'e baalo'ob YUNTSIL ts'ook tsoolik ka mak'ante'ex. ² Waak p'eel k'iin kun pajtal a meyaj, bale tia'al te'exe le úukp'eel k'iino k'abet junp'eel kili'ch k'iin, junp'eel k'iin Sábado chukaan je'e sajba, kili'ch tia'al YUNTSIL. Je maax ku beetik meyaj ti le k'iino k'abet u kinsa'aj. ³ Te'exe ma k'abet a t'abke'ex k'ak' ti mix junp'eel naj tu k'iinil je'e Sajbai". ⁴ Moises ka tu t'aanaj tu lakal u muuch'il israelitas, ka tu a'alaj: "Lela leti'e ba'aj, le YUNTSIL ts'ook u tsoolik. ⁵ Ch'ae'ex junp'eel siibal u tia'al YUNTSIL, tu lakal te'ex yante'ex junp'eel puksik'al chukaan u yool. Tase'ex junp'eel siibal u tia'al YUNTSIL, k'aan tak'iin, Sak tak'iin, bronce. ⁶ Azul, violeta yetel chak tso'otsel taman, bey xan lino mamaykí; u tso'otsel u pool yuuko'ob; ⁷ u k'eulej taman bonaan ti chak yetel u k'eulej marsopa; u cheil acacia; ⁸ Ch'ach'apkilo'ob u tia'al u ch'uyub sasilo'ob kili'ich kuchil, xák'o'ob tia'al u ch'ach'apkiji'k'ab yetel u tia'al book poom. ⁹ U tunchilo'ob ónice yetel u jeelo'ob koj tunich u tia'l ka k'alak ti'e efod yetel pectoral. ¹⁰ Tu lakal winik pe'eka'an ichile'ex yan u taal u maak'anto'ob tu lakal le ba'ax ts'ook u tsolik YUNTSIL. ¹¹ Le k'ulnaj yetel u pasel nook', u piixil, u jok'obilo'ob, u bak' pachilo'ob, k'atcheo'ob, okomo'ob yetel u Chuncheilo'ob; ¹² Bey xan le baas che yetel u ch'ilib chel, u maak le expiacion, yetel u k'asab nok'ilo'ob pasel. ¹³ Leti'obe tu taso'obe mayak che yetel uch'ilib Cheilo'ob, tu lakal u núkulilo'ob, bey xan u waajil yan tu taan YUNTSIL. ¹⁴ Le T'uchub saas tia'ale sáasilo, yetel u núkulilo'ob, u ch'uyub sasilo'ob yetel ch'ach'apki u tia'al le Ch'uyub sasilo,ob. ¹⁵ U mayak Cheí poom yetel u ch'ilib cheilo'ob, u Ch'ach'apk jiik'ab yetel kiibok poom, u ch'uybí u tia'al u jonajil k'ulnaj. ¹⁶ U mayaki u tia'al tokbil siibal yetel u ma'ak ti bronce yetel u cheilo'ob bey xan u núkulilo'ob; bey xan le nojoch p'uul yetel u chúunil. ¹⁷ Letio'obe tu taasoo u ch'uybilo'ob u tia'al tankab yetel u ch'ilib cheilo'ob yetel u chun cheí, yetel k'asab nook' u tia'al u jonajil le tankabo. ¹⁸ Yetel u ts'oopchei le pasel nook tia'al le k'ulnaj yetel tankab, pa'ate yetel u suumilo'ob. ¹⁹ Letio'obe tu taasoo le buko'ob jats'uts jit'a'an u tia'al u ts'ao ti kilich kuchil, le kilich buko'ob u tia'al ajk'iin Aarón yetel u paalalo'ob, u tia'al letio'ob u meyajo'ob aj k'iini. ²⁰ Tu lakal tun u Ch'iibalilo'ob Israel náach lajo'ob tu taan Moises. ²¹ Tu lakal maax u puksik'aal yan cha liik'saj ool yetel maax u píixan yan ts'aaj ool u taal u taas Siibal ti YUNTSIL u tia'al u meeta'a k'ulnaj, tia'al tu lakal u núukulilo'ob ku k'abetchaja yetel u tia'al le kilich buko'ob. ²² Leti'ob ka talo'ob wiiniko'ob yetel xkolelo'ob. Tu laak'al yan junp'eel puksik'aal yan ts'aaj ool. Leti'ob tu tasoo k'alabo'ob, tupo'ob, ts'ipik k'aabo'ob, yetel jats'utskinajo'ob, tu laakal baaloob ti k'an taak'iin. Letio'ob tu laakalo'ob tu taasoo siibalo'ob ti k'aan tak'iin, ya'abcuch siibal ti YUNTSIL. ²³ Tu laakal maax yan ti' u tsotsel taman ch'ooj, violeta wa box Chak, lino mamayki, u tso'otsel cabra u k'ewel taman bona'an Chak wa u k'ewel marsopa tu taso'o. ²⁴ Tu lakalo'ob tu taso'o junp'el siibal ti zak tak'in wa bronce, tu taso'o junp'eel silbal ti YUNTSIL bey xan le maax yan u Cheí acacia u ti'au k'abeta ti'al le meyajo, tu taso'o. ²⁵ Tu lakal xko'olelo'ob pekano'ob tu jaaxo'ob u tso'otsel taman yetel uk'abo'ob, ka tu tu taso'ob le baax tso'ok u jaaxko'ob, u tso'otsel taman Ch'ooj, violeta, wa escarlata, wa lino mamykí. ²⁶ Tu lakal ko'olelo'ob, yan ts'aóol tu puksik'alo'ob bey xan yan u séeba'anil u jaaxko'ob u tso'otsel cabra. ²⁷ U jalachilo'ob tu taso'o u tunchilo'ob ónice yetel u jeel gemas u tia'al k'alanbil ti'le efod yetel ti'e pectoral; ²⁸ leti'obe tu taso'o xa'ak'ob yetel ch'ach'apkí lo'ob u tia'al ch'uyub saso'ob, tia'al u ch'ach'apkí ji'ik'ab yetel u tia'al kibok poom. ²⁹ Le israelitas tu taaso'o junp'eel sii óolal ti YUNTSIL, tu laakal ma'ak yetel ko'olelo'ob, yan lep'óolal tu puksik'alo'ob, tu taaso'o u núukulilo'ob u tia'al tu laakal meyaj le YUNTSIL ts'ook u tsool t'antik ti Moises u tia'al ka maak'anta'ak. ³⁰ Moises tu áalaj ti le israelitas: "ile'ex YUNTSIL ts'o'ok u t'anik tu k'aaba Bezalel, u paal Urí, u paal Ur, tu Ch'i'ibali Judá. ³¹ Leti'e ts'ook u Chupik Bezalel yetel u kilich Pixan, u tia'al u ts'ik ojelil, na'at yetel k'aj óolal tia'al tu laakal u meyajil ba'alo'ob. ³² U tia'al u beetik jaats'uts ba'alo'ob yetel xan ti u mejul k'an tak'iin, zak tak'iin yetel bronce; ³³ bey xan u tia'al u xoot yetel uk'alik tunicho'ob yetel u tia'al u poolik Che, u tia'al meyaj te tu lakal jaats'uts ba'alo'ob. ³⁴ Leti' ts'ook u ts'ik tu puksik'al tial u kansik, leti' yetel Aholiab u paal Ahisamac, tu ch'i'bali Dan. ³⁵ Leti'e ts'ok u chupik yetel peek olal u tia'al u beetik tu lakal meyaj, u tia'al meyaj yetel uk'ab, bey xan ku paat ba'aloob, bey xan ku chuyko'ob u tso'otsel taman Ch'ooj, violeta, escarlata, yetel lino mamaykí bey xam kujiit'o'o. Leti'ob ku meyaj tiko'ob yetel u k'abo'o tu laakal meyajo'ob, letio'obe ku maak'antiko'ob ba'alob jatsutstak.