¹ Bey tuno Bezalel yetel Aholiab yetel tu laakal ma'ak peka'an le ma'ax YUNTSIL ts'ok u ts'ik séebanil yetel pekaanóolal u tia'al u kano'ob jee ba'ax meyajil tia'al u maak'anta'a le kilich kuchil tiano'ob u tia'al u beeto'ob le meyaj jee bix ts'ook YUNTSIL ts'ook u tsolik. ² Moises tu t'anaj Bezalel, Aholiab yetel tu laakal ma'ak pekaan tu laakal ma'ax YUNTSIL ts'ok u ts'ik Chichóolal, bey Xan le ma'ax ku peek u puksik'al u tia'al bin meyaj. ³ Letio'obe tu k'amoo ti Moises tu laakal si'ibal israelitas ts'ook u taasko'o u tia'al u beeta'a le kilich kuchil. Le ma'akobo laylí ku taasko'ob siibaloob Sansamal ti jaats'kab k'in ti Moises. ⁴ Beytuno tu lakal ma'ak peka'an u k'aabo'o ti'u meyajil kilich kuchil. ⁵ le ku meyajo'ob yetel uk'abo'ob ka tu áalo'ob ti Moises: "ts'ook u jack man ya'abtal le siíbal u tass le ma'ako'ob u ti'ale meyaj YUNTSIL tso'ok u tusbeltik ka beta'ak. ⁶ Moises tune ka tu tsool t'anta mix ma'ak ti'e kajtal k'abet u taasik u laj siibal u ti'al u líik'sa'aj le kili'ich kuchil. Le ma'ako'ob tuno ka tu p'aataj u tassko'o siibalo'ob. ⁷ Leti'obe jach man ya'ab u núukuli yan ti'ob uti'al le meyajo. ⁸ Tu la'akal tun le j-meyajo'ob tu maak'anto'o le pasel no'ok' yetel lajun p'ee k'asab nook'o'ob maak'anta'an ti lino mamaykí yetel u tsotsel taman Ch'ooj, purpura yetel escarlata bey xan yetel u yoochel querubines. Lelá u meyaj Bezaleel, juntul j-meyaj jach peek'aan u k'aab. ⁹ U Chowaki tu jujunp'elí le k'asab no'ok junk'aal jo'o p'eel kuko'ob, u kochile kanp'eel kuko'ob. Tu laakal le k'asab no'ok' junp'elí u p'isil. ¹⁰ Bezaleel tu nup'saj tu jo'o p'eelí le k'asab nok'o, beyxan u laj jaats bey uchik u nup'lantik. ¹¹ Leti'e tu maakanta mookolo'ob ti ch'oj ti'u Chowakí u xuul ti yax u ts'aam le k'asab no'ok', Beyxan uchac u maak'antik ti'u lak' kap'el ts'am tie k'asab nóok'. ¹² Tu mak'anta cincuenta jook' ti le yaax k'asab nook'o yetel u laj cincuenta jook' tu xuul u ts'ook kap'eel ts'aam. Bey tuno le jook'obo aktaan p'atik ti jujunp'eelí. ¹³ Tu maak'anta cincuenta luuchub ti k'an tak'iin yetel ka tu nup'a le k'asab nóok' yetelo'ob uti'al ka nup' tanbalnak le pasel nook, Leti'e tu mak'aanta buluk p'eelel k'asab nook'. ¹⁴ Bezael tu beta k'asabo'ob yetel u tsotsel yuuk u ti'al junp'el pasel nok' yok'ole kilich kuchil. Le k'asab beya tu maak'anta buluk p'eel. ¹⁵ U Chowakí tu jujunp'elí le k'asab treinta kuko'ob, yetel u kochil tu jujunp'elile k'asab kanp'eel kuko'ob. Tu jujunp'elile buluk p'eel k'asabo'ob junp'eli u p'isil. ¹⁶ Tu nup'a jo'op'eel k'asab tu jujunp'elí bey xan u laá wakp'eel k'asabo'ob. ¹⁷ Tu beta cincuenta jook'ol ti tu xuul le k'asab nook' ti'u yaax múuch', bey xan tu beetaj ti u ts'ok kap'eel muuch'. ¹⁸ Bezalel tu beta cincuenta luchub ti bronce uti'al u nup'ik le pasel nook' yosal u p'atal junp'elí. ¹⁹ Leti'e tu beta uti'al le kilich kuchil u maako'o ti u k'ewelí taman bonaan Chak yetel u lak' u jeel maako'o ti k'ewel mamaykí ti u ts'a yook'ol. ²⁰ Bezalel tu beta u toj k'alcheilo'ob tí acacia u ti'al le kilich kuchil. ²¹ U Chowakí tu jujunp'eli le k'alcheo lajunp'eel ku'uko'ob yetel u kochile junp'eel yetel u laá tan chumuk kuko'ob. ²² Ti tu jujunp'el k'alcheile yan kap'eel ts'oop che u ti'al u nup'saj le k'alcheo'ob. Bey uchak u maak'antik tu laakal u k'alcheílo'ob le kilich kuchil. ²³ Leti'e bey uchak u laj maak'antik uk'alcheí uti'al le kilich kuchil: junp'eel k'aal tu tseel nojol. ²⁴ Bezalel tu maak'anta cuarenta okomo'o ti zac tak'in utia'al u tsa'a yanale junk'aal p'eelel k'alcheo. K'ap'eel okom yan tu yanal, ti jujunp'eel k'alche uti'al nup'ik, yan xan kap'eel okom yanal ti u jeel le k'alcheo'o uti'al nup'ik. ²⁵ U ti'al u ka' tsel le kilich kuchil, tu tsel xaman tu mak'anta jun k'aal p'elel k'alche. ²⁶ Yetel cuarenta okom ti zak tak'iin. Yan kap'eelokom ti u yax p'eelk'alche, ka'ap'eel okom yanal tu ts'ok ka'ap'eel k'alche beytun laj binik ti tu laakal. ²⁷ Ti tu tsel pachil ti le kilich kuchil ti tsel lak'in, Bezalel tu maak'anta wak p'e k'alche. ²⁸ Tu maak'anta kap'eel k'alche tu tu'uk' pachil ti'e kilich kuchil. ²⁹ Le k'alcheoba jaatsa'an tu kaanbalí bale nup'aan tu kaanalí jetel junp'el ts'ipi bey uchak u maak'antik ti tu ka'ap'eel tu'uk'. ³⁰ Yan waxak p'eel k'alche, muuch' yetel okomi ti zak tak'iin. Yan wak lajun p'eel okom ti tu lakal. Ka'p'eel okom yanale yax k'alcheo yetel ka'p'eel okom ti u laj jeel k'alche laj bey uchak u tsabal. ³¹ Bezalel tu maak'anta k'aat Ch'ilib che u cheí acacia, jo'op'eel k'alche ti tu tsel le kilich kuchil. ³² Jo'op'eel k'aat ch'ilib che u ti'al le k'alcheo ti tu laj tsel le kilich kuchil, yetel jo'op'eel k'aat ch'ilib che u ti'al le k'al che ti tu laj tsel le kilich kuchí tu tsel lak'iin. ³³ Tu maak'anta k'aat ch'ilib che' ti u chumukil le k'al cheobo, lela, chumuk u ti'al káana ti'a u chuukik tu ka' xuulí. ³⁴ Tu pixaa le k'alcheo yetel k'an tak'in. Tu mak'anta u ts'ipitilo'ob ti k'an tak'iin, uti'al ts'abí ti'u Ch'uyik le k'aat ch'ilib cheo, leti'e ka tu laj pixaaa le ch'lib cheo yetel k'an tak'iin. ³⁵ Bezaleel ka tu maak'anta le k'asab no'ok' yetel azul, violeta, yetel u tsotse taman escarlata yetel lino mamaykí tu maak'anta u yochel querubin junp'eel máalob meyaj. ³⁶ Tu maak'anta u tí'al le k'asab nook' k'anp'eel okom u chel acacia, ka tu pixaa yetel k'an tak'iin, tu maak'anta luchubo'o ti k'an tak'in u ti'al le okomo'ob ka tu yibaj uti'alo'ob kanp'eel u chuno'o ti zac tak'iin. ³⁷ Tu maak'anta junp'el tapiz ti'al u jonajil le paselo. Tu maak'anta ti u nok'i azul, púrpura, lana escarlata, tu tsaa lino mamaykí u meyaj juntul ma'alob chuynal. ³⁸ Tu maak'anta xan jo'op'eel okomo ti'a Ch'uykinbí yetel lu'uchub. Tu pixaa u yok'oo yetel u Ch'ilib Chei yetel k'an takin. U jo'op'eel chuuno'ob ti bronce mank'antabí.