¹ YUNTSIL ka tu t'aanaj Moises: "jo'ok'en waye, teech yetel le kaaj ts'ook a tasik tu lu'umi Egipto. Xene'ex ti'e lu'um tin beeta nup't'aan ti Abraham, Isaac yetel Jacob, ka' tin a'lajtio'ob: ten ken ts'ik ti'a ch'i'ibaloob. ² Ten ken tuxtik juntul ángel tani te'ex, yan u jo'osik le Cananeos, Amorreos, Hititas, Fereseos, Hebeos yetel Jebuseos. ³ Xene'ex ti'e lu'um tu'ux ku yiyibankí k'aabiim yetel kaab, bale min bin ta wetele'ex, tumen te'exe winke'ex aj nonojbaile'ex. Tene yan ten u pajtalí in xuulikte'ex ti'e beejo. ⁴ Ka tu u'uya le maako'ob le tuukul t'aano'oba, tu beeto'o yaj óolal yetel mix maak tu tsa'a mejen ba'aj ko'oj. ⁵ YUNTSIL tu a'alaj ti Moisés: a'al ti'e israelitas: teexe maake'ex ajnonojbaile'ex. Wa ten ka xiken íchile'ex Chen junp'eel súutuk ten ken in xúulsete'ex, Beíla tune, tsel a mejen ba'aj ko'ojtak u tia'al in tukuitik baax ken in beet ta weetele'ex. ⁶ Bey tuno e israelitas ma tu ts'ao mejen ba'aj ko'ojtaki tak Monte Horeb tak tu taanite. ⁷ Moisés tu ch'a'a junp'eel pasel no'ok' ka tu ts'aa pachi ti'e kaj talo, naach ti'e kajtalo. Ka tu ts'a u k'aba u paseli muuch' tanbal. Tu lakal maak ku k'atik wa baax ti YUNTSIL ku bin ti'u paseli muuch'taanbal pachitile kajtalo. ⁸ Moisés Che xi'ik tu paselí le kajtalo, tu lakal maako'ob ku jook'ol waatal tu joonajil u pasel no'ok' yetel ku Cha'antko'ob Moisés tek Chen o'okok ti pasel nook'. ⁹ Amal o o'okol Moisés ti'e pasel nook' ku éemel u t'ool muyal yetel ku p'aatal tu jonaji le pasel nook'o, YUNTSIL tune ku t'aan yetel Moisés. ¹⁰ Ken u ilo'ob le kaj u t'oolí le muyal tu jonaji le pasel nook'o, ku li'iloob yetel ku ts'iko'ob k'uitaj, tu lakal maak tu jool u pasel. ¹¹ YUNTSIL ku t'aan yetel Moisés tu tan u ich, bey juntul maak ku t'aan yetel u eet bisbail, ka' tune Moises ku suutul ti'e kajtalo, bale u palitsil Josué u paal Nun, juntul winik taankelena ku p'aatal ti'e pasel nook'. ¹² Moisés ká tu a'ala ti YUNTSIL: Ile, ts'ook a a'alik ten: bise kaaj tu xiinbal; bale ma a'alten maax ken a tuxte tineetel. Ts'ok a a'alik: in k'ajolech ta k'aaba, beyxan ts'ok a kaxantik aantaj tin taan. ¹³ Bejlae wa ts'ok in kaxantik aantaj ta tane, eesten a beelil u tia'al u pajtal in k'ajotkech bey xan in chuuk pachtik a aantaj tu taan a ich. K'aajaktech le kaoja a kajal. ¹⁴ YUNTSIL tu nukaj: Ten ken bin ta éetel, yetel ten ken ts'iktech je'eleli. ¹⁵ Moisés ka tu a'alajti: wa teech ma'a bin tin eeteloon, ma joosko'on waye. ¹⁶ Tumeene ¿Bix kun ojeltbí wa a kaajal yetel ten ts'ook in kaxantiko'on a aantaj tu taan a ich? ¿Ma'a Chen tumen teech ka' xi'ikech tin eetelon yosal a kaajal yetel teen jela'ano'on ti tu laakal u jeeloob yano'o yook'ool k'aab? ¹⁷ YUNTSIL ka' tu a'alaj ti Moises: Bey xan yan in beetik le ba'ax ts'ook a k'atik, tumeen ts'ook a kaxantik in aantaj tu taan in ich, yetel in k'ajolech ta k'aaba. ¹⁸ Moisés ka tu a'alaj: jach kin k'aatik tech éesten a nojbe'enil. ¹⁹ YUNTSIL ka tu a'alaj: Yan in beetik u maan tu laakal in utsil ta taan, yan xan in ts'ik a ojéelte in k'aaba Le YUNTSIL ta taan. In Ch'a ootsilí ti maax ken in ch'a ootsilí, yeten yan in éesik in yatsilí ti maax ken in e'es yatsil. ²⁰ Bale YUNTSIL ka' tu a'alaj: Ma'u pajtal a ilik u tan in ich, tumen mix maak ju pajtal u iken ka kuxlak. ²¹ YUNTSIL ka tu a'alaj: Ile, waye yan kuuchil naats' ti teen; teche ka naaka waatal yookol le nojoch tunicho. ²² Ka'likil in nojbe'enil ku maan, ten ken ts'ikech ti junp'eel u teejli le nojoch tunich yan in pixkech yetel in k'aab tak chents'ooki maan. ²³ Je'lili in tsel kin k'aab yan a ilik in pa'ak, Baale u taan in iche ma' u ila'a.