1
Ka' tu ila le ka'a Moisés ts'ook u xaantal u éemel ti'e bolon wits, letio'ob ka' binoo ikan Aarón ka tu a'alajoob: kóoten, beetoon junp'eel patbi k'uj u tia'al ka xi'ik taaníl to'on. Tumen ti le Moisés, e winik jo'osoon tu lúumil Egipto, ma ojelaan ba'ax uch ti'l.
2
Bey tuno Aarón ka' tu a'alaj tio'ob: tsele'ex u ts'ipit k'an tak'in a ko'oleleex, a paalaleex, yetel ka k'ubkeex teen.
3
Tu laakale winkoobo tu tseloob u ts'ipitoob ti k'an tak'in yan tu xikinoob ka tu tasoob ti Aarón.
4
Leti'e tu k'amaj u k'an tak'inoob, ka tu yiibá ti junp'eel nu'ukul joojochil ka tu paataj junp'eel bees. E ka'ajo ka tu a'alai': Israel eela a k'uj leti' jo'osech tu lu'umil Egipto.
5
Aarón ka tu ilá, tu maak'anta junp'eel k'atal Che tu taan le beeso, ka tu ts'aa ojeetbil; ka tu a'alaj: Saamale yan k'iinbesaj tu tsiikil YUNTSIL.
6
Le kaajo ka liikoob 'ja'atskab k'iin k'a tu ts'ao tookbi siibaloob yetel tu taasoob u siibali jeets'el ool. Kaa tun kulajoob jaanal yetel uk'ul, ka tun liikoob u ki 'imakkunsaj u óolo ti k'linbesaj yetel k'ak'as tuukul.
7
YUNTSIL ka tu t'aanaj Moisés: Xen tu Seeblakí, tumen a kaajal, ta joosaj tu lu'umil Egipto, ts'ook u k'astal u tuukuloob.
8
Ts'ook u p'atkoob tu seeblakil e beej tin tsolajtioob. Ts'ook u paatkoob junp'eel bees, ts'ook u k'ultikoob yetel kukuleb. Ts'ook u a'alkoob: Israel, eela a yumk'uj e jo'osech tu lu'umil Egipto.
9
YUNTSIL ka tu a'alaj ti Moisés: Ts'ook in ilik le kaaja. Ilaloo, leti'oobe junp'eel kaaj ka'anal ooloob.
10
Bejlae ma tukultik a je'esken, in p'uujlíle yan u t'aaba mu'k'a'an tu wok'oloob, bey ken in xu'ulsetio'ob. Ti tun tech ken in beet junp'eel nojoch ka'aj.
11
Baale Moisés tu ilá u jets'ik YUNTSIL u Jajal Dios. Ka tu a'alaj: YUNTSIL, ¿Baen a p'uujlí ku tooch' tu wok'ol a kaajal, e la joosaj tu lu'umi Egipto yetel nojoch paajtalí bey xan yetel u jaak'oolí a k'aab?
12
¿Baen k'abet u a'alik le egiptoiloob: Let'i jo'osoob yetel k'ak'as tuukul, u tia'al u kinskoob ti bolon witsoob, yetel u xu'ulsikoob yook'ol kaab? Suunen tu e'elelí a p'uujlí keex a tuukul ti'e xoot óol tu wok'ol a kaajal.
13
K'a' jactech Abraham, Isaac yetel ti Israel a paalitsiloob, ti maaxoob ta jook'chi'ta ta woolaj ka ta a'alaj tio'ob: Yan in beetik a Ch'i'ibaloob bey u ek'iloob ka'anoob yan xan in ts'ik tia' ch'i'ibaloob tu lakale lu'um ts'ook in a'aliktech. Letio'ob kun k' aamik u tia'al mantats'
14
YUNTSIL tune ma tu ts'aa le xoot ool wok'ol u ka'ajal.
15
Katun tu sutubaj Moisés ka éem tie' bolon wits, u meék'ma tu ka'ap'eel xoot'il le tunich tu'xan u a'almajt'ani le nup't'aan. Tu ka'ap'eelí le xoot tunich tsibaan tu ka'a tseelí, tu actaani yetel u pachil.
16
E xoot bi tuncho u meyaj Jajal Dios, yetele ts'i'ibo Jajal Dios ts'i'ibte, ts'a'an te tuncho.
17
Josué ka' tu u'uya u x wookin le ka'aj ku awat, ka tu a'alaj ti Moisés: "Yan junp'eel x wokin bateil tie' kajtalo.
18
Bale Moisés ka tunukaj: Ma' u juum ts'oy saj ma' xan u juum 'junp'eel kaaj luubsani, baale u juum k'ayoob kin uyik.
19
Ka tu nats'uba Moisés ti'e kajtalo, tu ilaje beeso bey xan le ka'aj tan u o'ok'otoob. Ka jach p'uji. Tu pikch'intaj le xootbi tunich u meek'mo ka tu pa'aj ku ooke bolon wits'o.
20
Ka tu Ch'a'e bees tu maak'anta le kaajo, ka tu tooka, tu mamay juuch'ta yetel ka tu tosaj ichile ja'o. Katun tu beeta u uk'ik le ja' u kajil Israel.
21
Ka tún tu k'ataj Moisés ti Aarón: ¿Baax tu beetajtech le kaaj, ts'ok a tasik junp'eel nojoch k'eban tu wok'oloob?
22
Aarón ka tu nuukaj: Ma chaik u t'abal a p'ujanil, in yuntsil. Teche a k'ajolma le kaaja' bix u Ch'a'nu'uktikoob u tia'al u beetkoob k'aas.
23
Letio'ob a'alteen: maak'antoon juntuul k'uj ka xi'ik taní ti to'on. Tumen tí 'e Moisés, le winik jo'osoon tu lu'umil Egipto, ma in ojéelmon ba'ax ts'ok u úuchul ti' leti.
24
Ka tin a'alajtioob, tu lakal maax u ts'ama u k'an tak'in ka u tsele: Letio'ob tu ts'aob ten le k'antak'ino tene ka tin pulaj te k'aak'o bey tuno ka jook' le beeso.
25
Moise k'a tu ilaj bix u man u a'alkab le k'aaj (tumen Aarón tu cha'aj u p'ata le kaaj ma' tsool t'aani, ka chuun tun p'a'astaloob tumen u k'uxtanbalo'ob),
26
Moisés tune ka jeel tu joonajil le kaajtalo ka tu a'alaj: tu laakal maax yan yetel YUNTSIL ta'ak tin eétel. "Tu lakal tun e levitas tu muchubao tu tseel.
27
Leti tun ka tu a'alajtioob: YUNTSIL, u Jajal Dios Israel, ku a'alik beya: je maka mak winkile u jo'os u maskab tats' ka xi'ik tu jonajiloob kajtal, u kins u lláak', u laak'inaj yete u Et chína".
28
E levitasoob tu beetoo u tusbeel Moisés. Te k'ino kimo nats'ti tres mil winikoob.
29
Ka tu a'alaj Moisés tie levitas: "teexe ts'ook a ts'abaleex bejlae u tia'al umeyajil YUNTSIL tumen jujuntuliteex ts'ook a pe'ekeex tu wok'ol a paal, yetel a la'ak', tia'al tun lela YUNTSIL yan u k'ubikteex junp'eel ki'kit'aan bej lae.
30
Tu la' k'in Moisés tu a'alaj te kaajo: "teexe ts'ook a lúubuleex ti junp'eel nojoch k'eban. Bejlae yan in naakal tuux yan YUNTSIL. Kuxwa ku sa'ajsik a sí'ipileex.
31
Moisés ka suut tuux yan YUNTSIL ka tu a'alaj: "Oh, le kaaja ts'ook u lu'ubuloob ti junp'eel nojoch k'eban yetel ts'ok u beetkoob juntul pat bil k'uj ti k'an tak'in.
32
Bejlae uts', sa'ajsu si'ipiloob: Wa ma a beetike, jo'osen ti le analtee' ts'ok a ts'i'btik.
33
YUNTSIL ka tu nukaaj ti Moisés: Tu laakal maak ts'ook u k'ebanta ti'ten, le maako yan u tuupul tin analtee.
34
Bey tuno bejlae xe'en tech u aj bejil in kaajal tac te kuchil ts'ok in a'alik. Ts'aoolte. In ángel kun bin tani teech. Bale le k'iin Chen in jaats'obe, yan in jaast'ko'ob yosal u k'eebano.
35
YUNTSIL tune ka tu tuxta junp'eel yaa oolal tumen tu beetoo junp'eel bees, Aarón paté.