¹ YUNTSIL tu t'ana Moisés ka tu a'ala: ² Ile, ts'ook in t'aanik tu k'aaba Bezalel u paalí Uri, u pal Hur, tu Ch'i'ibalí Judá. ³ Tss'ook in chupuk Bezalel yetel in kilich Pixan, u tia'al in ts'ik ojelil yetel na'at yetel k'aj óolal tia'al tu lakal u meyulij baaloob ku maak'anta yetel k'aab. ⁴ U tia'al u boonik yetel tia'al u meyajte k'an tak'in, zac tak'in yetel bronce. ⁵ Bey xan tia'al u xootik yetel u ts'aa tuuncho'o yetel u pool Che, u tia'al u maak'antik tu lakal baalob yetel u k'aab. ⁶ Bey xan ts'ook in t'aanik Aholiab u paal Ahisamac, tu ch'i'ibalí Dan. Ts'ook in ts'ik péeka'an olal tu puksik'aal ti tu la'ak'al max yan ojelil u tia'al ka pa'ilak u maakantikoob tuk'al baax ts'ook in tusbeeltikech. Lela ku bin ichile meyaj. ⁷ U pasel nook'i muuch' taanbal, u baas chei tojol t'aan, u maak sa'aj sajil ya yookool e baascheo yetel tu la'akal u nu'ukulil le pasel nook': ⁸ Le mayak Che yetel u nu'uhuliloob, le su'ujuy t'u chub sas yetel tu lakal u nu' u kulil. ⁹ U k'atal Cheí poom, u k'atal Cheí u tia'al si'ibaloob to'oka'an yetel tu lakal u nu'ukuli yetel le nojoch p'uul yetel u chuun. ¹⁰ Bey xan lela ku bin yetel u buukiloob jiit'aan mamaykij: u kiliich bukoob u tia'al Aarón aj k'iini yetel xan u tíal u palaloob, jaats'aan in tia'al ten yosal u pajtal u meyajtikenoob ajk'iini. ¹¹ Bey xan lela ku bin yetel u Ch'ach'apki ji'kab yetel ch'ujuk poom u tia'al kiliich kuchil. Le ku meyajoob yetel u k'aaboo leti'ob kun beetik tu laakal le baaloob jel bix ts'ook in tusbel tikech. ¹² YUNTSIL ka' tu t'aaná Moisés ka tu a'ala: ¹³ A'al tí'e israelitas: U jajile yan a kanantkeex u k'iiniloob je'elelil ti YUNTSIL, tumen lela junp'eel chiculaj yetel let'i, yetel teex tak ti' u ch'i'ibalí a kajaleex u tia'al ká oojelteex leti'e YUNTSIL maax jaatskunskeex u tial letí. ¹⁴ Bey ken a kananteex u k'iinil le je'elelil, tumen k'abet a taan ooltikeex bey kiliche, jaats'aan u tia' leti'. Tu lakal maax ma u tsiikik u jajile yan u kinsa'aj. Tu lakal max ku meyaj tu k'iinil je'elelil, le ma'ak tuno u jajile k'abet u tse'ele ichil u yet máakiiloob. ¹⁵ Le meyajo yan u maak'anta'a waak p'eel k'iin bale tu úukp'eel k'iinil junp'eel tulis k'iin tíal je'lelil, kili'ich, paykunsaan u tia'al u tsiikil YUNTSIL. Je' maaxak ka u beet je baax meyajil tu k'iinil Je'elelil, u jajile k'abet a ts'aba kinsbí. ¹⁶ Tu yo'olal tune, le israelitas yan u kanaantikoob u k'iinil je'elelil. Yan u k'iinbesajtikoob ti tu lakal u Ch'i'ibaliloob junp'eel a'almajt'aa kun t'ilil. ¹⁷ U k'iinil je'elelil junp'eel chi'ikulal juntiich ti YUNTSIL yetele israelitas, tumen wáak p'eel k'iin le YUNTSIL tu maak'anta le ka'an yetele Lu'um, tu úukp'eel k'iinil kaa' je'elí ka sischa u o'ol. ¹⁸ Ka'a ts'ook u t'aan Jajal Dios yetel Moisés ti'e bolon wits Sinaí, tu ts'aa kaap'eel xoot'ol tunich tu'ux yan u nup' a'almaj t'aan leti ts'iitmi yetel u k'aab.