¹ Bejla'e, letí tun le baax ken a beet tia'al a paybenkunsikoob ti teen yetel u tia'al u meyajtikenoob bey aj k'iinobe. Ch'aeex juntul paal xiibil waxax yetel kaatul taman bey ma weweloobe. ² Waajoob mix paj usakni jaaxtanoob yetel Ch'ach'apkí. Bey xan yan a Ch'ik obleas ma paj u sakni yuulta'an yetel Ch'ach'apkí. Beet le obleas yetel muuxbí trigo mamaykij'. ³ Yan a ts'iik ti junp'eel xa'ac, yan a bisik tíe xa'aco yetel a e'esik pa'até yetel xibil waak'ax yetel xan e kaatul tamanoob. ⁴ Yan a e'esik Aarón yetel u paalal tu joonaji u paseli mu'uch'kinaj. Yan a a p'oik ichile ja'o Aarón yetel u paalal. ⁵ Yan a bisik e bu'ukoob yetel ken a buukte Aarón yetele bo'och', u nook'i le efod, beyxan efod yetel pectoral, yan a k'aaxik le k'aax nak' jiit'aan mamayki, tu ba'sutul u Chun u nak'. ⁶ Yan a ts'ik u p'ooki tu pool yete yan a ts'ik e kili'ch petjo'ol yook'ole p'ooko. ⁷ Kitak tune ka ch'ik le ch'ach'apki u tia'al a ji'i k'aatik yetel a weekik yook'ol u pool, Bey tun kun p'atal ji'ik'aata'an. ⁸ Yan a taasik u paalaloob yeten yan a ts'ik bu'ukoob yookoloob. ⁹ Yan a buukbensik Aarón yetel u paalaloob yetel k'ax nak'oob yan xan a tsik k'aaxoob tu polo'o. U meyaji le ajk'iino tí letioob kun yaatal junp'eel a'almaj t'aan kun t'ilil. Bey tun, ken a k'uyenkunsaj Aarón yetel u Paalaloob u tia'al letioob ka a meyajtenoob. ¹⁰ Yan a tasik le xiibil wakax aktaan u paseli le mu'uch' tanbalo, Aarón yetel u paalaloob ya u ts'ik u k'abo yook'ol u pool le xiibil wakaxo. ¹¹ Yan a kinsik le xiibil wakax tin taan, le YUNTSIL, tu joonaji u paseli le mu'uch' tanbalo. ¹² Yan a Ch'ik u jaats u k'iik'e le xiibil waakax tía'al a ts'a tu baakiloob le k'aatal Che yetel a yaal k'ab, yan xan a weekik u yaalabe k'iik' tu Chunile k'aatal Cheo. ¹³ Yan a Ch'ik tu lakal u tsaatse ku pixik winkilil, bey xan a Ch'ik u piix le taamano yetele kaap'eel yiso pa'ate yeite u tsatseleob; laj to'ok tu lakal tíe' kaatal Cheo. ¹⁴ Bey tuno u bak'e le xiibil wakax, bey xan u k'eewel yetel u ta', yan a tookik pachi ti le kaj talo. Lela junp'eel siibal yosal e k'eebano. ¹⁵ Yan xan a Ch'ik juntul taman, Aarón yetel u paalaloob yan u ts'ik u k'aaboo yook'ool u poole tamano. ¹⁶ Yan a kinskeex le tamano, ts'ookole ka Ch'ik u k'iik'e yan aliilik ti tu laakal u jaatsile k'aatal Cheo. ¹⁷ Yan a xootik lej taman tí u jaatsilo, yan a p'o'ik u winkililoob yetel u muk'okiloob, yan a Ch'ik u winkililoob pa'ate yetel u xeet'iloob yetel u pool yan a ts'ik. ¹⁸ Ti'e k'aatal Cheo. Ka' tune yan a tookik tu tulisi le tamano. Bey tuno junp'eel sííbal tooka'an ti teen, le YUNTSIL. Yan u beetik Ch'uyuk ki'ibok in tia'al ten. Bey tuno junp'eel siibal maak'antaan tia'al ten tumen le k'aak'o. ¹⁹ Ti' tuune, yan a Ch'ik u laj juntul le tamano Aarón yetel u paalaloob yan u ts'ik u k'aboo yook'ool u pool e tamano. ²⁰ Bey tuno yan a kinsik e tamano xan a Ch'ik jun p'iit u k'iik'el. Ts'a tu no'oj susulkí xikin Aarón, tu no'oj susuiki xikin tí junjuntul u palaloob. Tu na' k'ab no'ojilo bey xan tiu no'oj polok ookoob. Bey tuno yan a t'oot'ik le k'iik' tu nup ti u tseli le k'aatal Cheo. ²¹ Yan a Ch'ik u p'ite k'iik' e yan te k'aatal Che yetel u p'iit Ch'ach'apkí tia'al aji'i k'atik yetel a t'oot'ik tu lakal yook'ool Aarón, u buukoob bey xan yook'ool u paalaloob yetel u buukoob u paalaloob yetel le ti'. ²² Yan a ch'ik u tsatsele taman, u tsatse u nej, e tsats ku pixik u winkiloob, u tep'eel ta'aman, tu kaap'eel yisil beyxan e tsats yan ti leti'ob yetel xan u no'oj t'e'et', le taman tuna leti'u k'uyenkunsaj ti'e aj-k'iin u tia'al ten. ²³ Yan a Ch'ik junp'eel Waajoob maak'antaan yetel Ch'ach'apki yetel junp'eel oblea pachi ti'u xaaki le waa xmaa paj sakan, aktaan ti teen Le YUMTSIL. ²⁴ Yan a ts'ik elel tu k'aab Aarón yetel tu k'aab u paalaloob ya a chiiktik tin taan bey junp'eel siibal peksa'an tu taan YUNTSIL. ²⁵ Baale yan a Ch'ik e jaanal tu k'abo yetel yan a to'okik tie' k'uyen yetel siibal tookaan. E'ela yan u beetik junp'eel Ch'uyuk ki'ibook in tia'al Lela junp'eel siibal maak'antaan in tia'al ten ti k'aak'. ²⁶ Yan a Ch'ik u tseem le taman u tia'al Aarón tia'ale k'uub ool yan a chiktik bey junp'eel siibal peksaan tu taan YUNTSIL, lela leti' ka taakpajal ichil. ²⁷ Yan a paybenkunsik ti' teen u tseemi le síibalo e ts'ooko Chíiktaal yetele t'e'et' u a'antaj u tia'al Aarón yetel u paalaloob. ²⁸ U jaatsil le baak'o ts'aajan tumen le israelitas, mantats kun p'aatal ti Aarón yetel u Ch'iibaloob. Yosal u tsooliloob e siibaloob ti nup'oolal, e siibalooba u tia'al le aj k'iinoob yeyaano tumen le israelitas, siibaloob e'esaan ti teen, le YUNTSIL. ²⁹ Le kilich buukoob u tia'al Aarón yan xan u Li'isaa tia'al u ch'iibaloob. Leti'obe yan ji'ik'ataloob tí leti'ob yetel yan xan u tsool t'aantaloob ti teen. ³⁰ Le ajk'iin maax kun k'aamik ichil u paalaloob, le maax kun ooko ichil u paseli le muuch' tanbalo u tia'al u meyajten ti' le kilich kuchil, yan a bisik le buukoob ichil u'uk p'eel k'iiniloob. ³¹ Yan a Ch'ik u tamani le k'uyenkunsajil le ajk'iinoob tia'al ten yan a lo'okansik u bak'e ti le kiliich kuchil. ³² Aarón yetel u paalale yan u ja'atkoob u bak'e le taman yetele waa yan te xaak tu joonajil u paseli le muuch'taanbalo. ³³ Letio'be yan u ja'atkoob le bak' yetel e waa ts'aabtio'ob tia'al u sa'asaj u si'ipil yetel ka tsool t'aantaboo, u tia'al ka jaatsak in tial ten. Mix maak ujeel ku pajtal ujaantik e janal, tumen yan a Ch'ikeex bey k'uyenkunsa'ab in tia'al, ts'aan ti ten. ³⁴ Wa ka p'aatak u yaalab u bak'ile sííbal ti le tsoolt'aan, wa je maakalmak waa, ka p'atak tak tia'al saamal, xan tun a tookik, ma u pajtal u jaanta'a, tumen ts'ook u paykunsaa tía a ten. ³⁵ Ku ts'okoltune, yan a aalkabtik tu lakal le baax ts'ook in tsoolik teech ka maak'ante, yan a Ch'ik Aarón yetel u paalal ichil uuk p'eel k'iinil bey ken a beet yeteloob. ³⁶ Jujunp'eel k'iine yan ts'aaik juntul xiibil waakax tia'al u siibali k'eban u tia'al ka sa'aj sak siipil. Yan a Cho'ik le k'atal Cheo ka lojik tu batsil, yan xan a ji'i k'atik u tia'al a paykunsik ten. ³⁷ Ti úukp'eel k'iine yan a lojik le k'aatal Che yetel a paykunsik u tia'al YUNTSIL, Bey tuno e k'aatal Cheo ku p'atal tu chuuka'ani paykunsan in tia'al ten. Je maaxak ka u maach le k'aatalcheo yan u paykunsa'a u tia'al YUNTSIL. ³⁸ Yan a tsik mantats' ti'e k'aatal Che SanSamal, kaatul taman junp'eel jaab tio'o. ³⁹ Yan o tsik juntul taman ti jats kab k'iin yetel u lak juntule taman k'abet u ts'aaba ok naj k'iin. ⁴⁰ Yete e yax taman, ts'a u lajun jaatsí ti' harina mamaykij xak' ta'an yetel u kaan jaatsi ti junp'eel litro ti Ch'ach'apki yach'bi olivo yetel u kaan jaatsi ti junp'eel litro u k'aabil ki' junp'eel siibal tí uk'ul. ⁴¹ K'abet a tsik u ts'ok kaatul taman tu oknaj k''ini. K'abet a tsik u laa' bukaje neek'oob ta tsaex ti le jaatskab k'iin beyxan u siibalí le uk'ul. Lela yan u beetik junp'eel Ch'ujuk ki'ibook in tia'al ten. Ela junp'eel siibal maak'antaan in tia'al ten tumen e k'aak'o. ⁴² Eleloba k'abet tooka'an siibaloob ku beetal maantats' tiu ch'iibaliloob. K'abet u maak'antaa tu jonajil u paseli le muuch' taanbal tin taan, Le YUNTSIL, tuux ken in nup' tanteex u tia'al in t'aankeex. ⁴³ Te'elo ti' ken in nup'tante israelitas, tie' pasel ts'ook u pay benkunsa'a tia'al ten. Yosal in nojbe'enil. ⁴⁴ Tene yan in paybenkunsik u paseli le muuch' tanbal yetele k'aatal Che u tia'aloob le maaxob ku nup' taantikenoob chen tu junoob. Bey xan yan in paykunsik Aarón yetel u paalaloob u tia'al ka u meyajtenoob ti ajk'iin. ⁴⁵ Ten ken kaaja ichil le israelitas yetel ten u Jajal Dioso. ⁴⁶ Letio'obe yan u k'ajotkenoob ten le YUNTSIL, U Jajal Dioso, maax jooso'o tu lumil Egipto u tia'al ka beylak in kuxtal ichiloob. Ten le YUNTSIL, a Jajal Dioseex.