¹ T'aan a suku'un Aarón yetel u palaloob Nadab, Abiú, Eleaza yetel Itamar, ti ichi tu lakal le israelitas, letíoo yan meyatikenoob ajk'iini. ² K'abet a maak'antik tia'al a suku'um, Aarón, Buko'o jaatstaan in tia'al ten. Le buko'oba u tia'al u tsi'ikbe'nil yetel u nojil. ³ K'abet xan a t'anik tu lakal maak aj nat'oob le maxoob ts'ook in Chuupkoob yetel u pixani na'at, Utía'al u pajtal u maak'antikoo u buko'ob Aar'on yetel u jaatskoob tía'al u meyajtiken bey in ajk'iini. ⁴ Le buko'ob ken u maak'antoo, junp'eel pectoral, junp'eel efod, junp'eel bo'och', junp'eel jiit'bí teep'el, junp'eel p'ook yetel junp'eel k'aax nak'. Letíobe k'abet u maak'antikoob le buko'oba yan u jaatskoo Chen in tía'al ten. U tía'loob Aarón yetel u palaloob yo'sal u pajtal u meyajtikennoo bey ajk'iinoob. ⁵ Le maak'ob ku meyatikoob yan u maak'antikoob yetel lino mamaykij, k'an tak'in, ch'oj, box chac, yetel Chac . ⁶ Letíoobe k'abet u maak'antikoob le efod ti k'an tak'in, ti ch'oj, box chac, tsotsel taman Chac yetel lino mamaykí ch'otaan. K'abet u meyaj juntuul ma'ak jach kanbanajaan. ⁷ K'abet u bizik kap'eel jaats tia'al u keléembal k'aaxan tu tu'uk'i tu kaanliloob. ⁸ U k'aax nak'i jach mamaykíj kun jiit'bi, k'abet bey le efod, k'abet u maak'antal yetel u xoot' le efod, maak'antaan ti lino mamaykíj ch'otaan maak'antaan tí k'an tak'in, Ch'oj, box Chac yetel Chac. ⁹ K'abet a ch'iik kaap'eel u tunch, onice tía'al a ts'itik u k'aabao u laj ka'a u palaloob Israel. ¹⁰ Waak p'eel u k'aabao k'abet u yantal ti junp'eel tunich, yetel waak p'eel k'aabao tiu laak'u p'eel tunich, tu tsolan je bix uch ku siíjiloob. ¹¹ Yetel u meyaj juntul ba'abal ko'oj ku ts'iib yok'ol tunich, bey junp'eel ts'iib ts'ala'an, k'abet a ts'iibtik kaap'eel tunuch yetel u k'aaba u laj ka'a u palaal Israel. ¹² K'abet a ts'ik yokol u kaliloob e ts'iib maak'antaan ti k'an tak'in. K'abet a ts'ik e kaap'eel tunich yok'ol u jaatsil e kelembaal ti le efod, u tía'al YUNTSIL ka u k'a'ajse u paalal Israel. Aarón ken a paaj kuuchtej u k'aabao taan YUNTSIL yok'ol u kelenbaalo ti'al junp'eel k'a'ajsaj ti'al letí. ¹³ Tech tun kun maak'antik u k'aalaliloob ti k'an tak'in. ¹⁴ Yan a jiit'ik kaap'eel jok'enjok' ti u suju'uyi k'an tak'in bey suumoobe, yan a k'axik le jok'enjok' tí u k'aalaliloob. ¹⁵ K'abet a b'eetik jup'eel pectoral ti'al a Ch'iik jepajal ool, u meyaj juntul maak yetel u k'aab jach kanbanaja'an, je bix u meyjil le efod. Maak'ant ti k'an tak'in, Ch'oj, box Chak yetel Chak tso'ots taman yete lino mamaykij. ¹⁶ K'abet kaan tu'uk', k'abet a wuuts'ik e pectoral kaap'eel jaats. K'abet junp'eel nab u Chowakí yetel junp'eel nab u koochi. ¹⁷ K'abet a ts'ik kaanp'eel u tsoolol ba'abal ko'oj. U yaax tsoolilo k'abet u bisik junp'eel rubí, junp'eel topacio, yetel jup'eel esmeralda. ¹⁸ U k'ap'eel tsoolí k'abet u bisik junp'eel turquesa, junp'eel zafiro, yetel junp'eel diamante. ¹⁹ U ooxp'eel tsooli k'abet u bisik junp'eel jacinto, junp'eel agata yetel junp'eel amatista. ²⁰ U kaanp'eel tsooli k'abet u bisik junp'eel berilo, yetel junp'eel ónice, yetel junp'eel jaspe. K'abet u ts'aba yok'ool u k'aalaliloob ti k'an tak'in. ²¹ Le tunchoobo k'abet u tsoolo je'ebix u k'aaba'o u laj ka'a u paalal Israel, tu lakal la tsoolan tu k'aaba'o. K'abet u ts'iibta'oj ti' le ts'al u Chikulal u k'aaba jujun tuli tu laj ka'a u Ch'iibaliloob. ²² K'abet a maak'antik ti'e pectoral jo'ok'enjo'ok' bey Suumoobe, junp'eel meyaj jiit'áan ti suujuy k'an tak'in. ²³ K'abet u ts'aab kaap'eel ts'iipit maak'antaan tí k'an tak'in ti'e pectoral yetel k'abet a tak'ik ti' u kaap'el xuulí le pectoral. ²⁴ K'abet a tak'in tu kaap'eel jo'ok'enjo'ok maak'antan ti k'an tak'in ti tu kap'eel tu'uk'i le pectoral. ²⁵ K'abet a tak'ik u xuuloob le jo'ok'en jo'okoob jit'aan ti tu kaap'eel k'aliloob. Ti' túun, k'abet k'abet a tak'ik u jaatsi le kelenbaloob aktan tíe efod. ²⁶ K'abet a maak'antik ka'ap'eel ts'iipit tí k'an tak'in yetel k'abet a ts'aaik ti ula'ak' tuuk'i le pectoral nats tu xuul yan ichi. ²⁷ K'abet a maak'antik kaap'eel ts'iipit ti k'an tak'in ti'al a tsaayik, k'abet atak'ikoob yanal ti tu kaap'eel jaatsi u kelembaliloob tu taan yetel naats tu chuyi yok'ole k'aax nak'o jiit'aan ti efod. ²⁸ K'abet a k'axik le pectoral tu ts'iipitoob tac tu ts'iipitiloob ti efod yetel junp'eel k'uuch ch'oj, t'a'al u pajtal u ta'ak'a yok'ole k'aax nak' jiit'aa. Ela yosal ma'u la'aka le pectoral ti'e efod. ²⁹ Kéen óokok Aarón tíe kilich kuchilo, k'abet u kuchik u k'aaba u paalal Israel yok'ol u puksiik'al tíe pectoral tuux ku Ch'aba na'at, bey junp'eel k'a'asaí mantats' tu ta'an YUNTSIL. ³⁰ K'abet a ts'ik le Urim yetel Tumin ti'e pectoral tuux ku Ch'aabana'at ti'u ka'aji Israel yook'ol u puksiik'al taan YUNTSIL. ³¹ K'abet a maak'antik u booch' tí le efod tu lakal ti u nok'i box chac. ³² K'abet u yantal junp'eel pa'al tu Chumukí tia'al u po'ol. U pa'alilo k'abet u yanta u xuul wolis jiit'aan bey mau pa'le. Lelá k'abet u meyaj juntul jiitnalí. ³³ Tu xuul ichil, k'abet a maakantik granadas ti nook' Cho'j, box chac yetel Chac tso'ots tu bak' paach. ³⁴ K'abet u yanta junp'eel balamte k'aan yetel junp'eel granada bey ken u laj bis ti tu lakal u bak' paach le booch'o. ³⁵ E pooch'o k'abet u yanta yook'ol Aarón bey binka'a meyaje, yo 'sal u u'uya'a u juúm Chen ookok tíe kilich kuchil tu taan YUNTSIL bey xan Che jook'ok. Lela u tia'al ma'u kimil. ³⁶ K'abet tun a maak'antik junp'eel placa tí su'ujuy k'an tak'in yetel yan a ts'iitik, bey u ts'iibal ti'e engaste. "kili'ich u tía'al YUNTSIL. ³⁷ K'abet a tak'ik e placa yetel junp'eel k'u'uch Cho'j tu tan le p'ooko. ³⁸ K'abet u yanta tu tanil u pool Aarón, le tíe k'abet u kuchik je máakalmaak sí'ípil. Ka beyak u k'aaxal ti le k'uyen siibaloob le israelitas ku pajtal u paykunskoob ti YUNTSIL. E p'ook tuno mantats' k'abet u yantal yook'ol u pool u tia'al YUNTSIL ka pajlak u k'amik u siibaloob. ³⁹ K'abet a maak'antik le bu'uk yetel lino mamaykij yetel xan k'abet amaak'antik junp'eel p'ook tí lino mamaykíj. K'abet xan a mamak'antik junp'eel k'aax nak', u meyaj juntul jiit'il meyaj. ⁴⁰ Tia'al u paalal Aarón k'abet a maak'antik boukoob, k'ax nak'oob yetel k'aaxoob tia'al u tsiikbeniloob yetil u nojbeniloob. ⁴¹ Yan a buukbesik a suku'un Aarón, yetel u paalaloob. K'abet a jii'k'abtikoob, a a'almaj t'aantikoob bey xan a paykusikoob in tia'al ten, yosal u pajta u meyaj tikenoob bey ajk'iinoob. ⁴² K'abet a maak'antik u tia'aloob kul eexoob tia'al u pixik u winkililoob, lela yan u naaka pixik u k'uchul tac tu ui'it'il tac xan tu muk' ookoob. ⁴³ Aarón yetel u paalaloobe yan u ch'iikoob e nook'oob Che ooko'o ti'u paseli le mu'uch' talilo, wa xan Chen nats'koob ti'e k'atal Che tia'al u meyaj tenoob tu kilichi kuuchil. Lela k'abet u maak'antikoob yosal ma u yanta u siipiloob, wa ma'e yan u kimiloob. Lela junp'eel a'almajt'aan ninun xuul tia'al Aarón yetel u Ch'iibaloob.