¹ Isalele uaile muvungindzi na viuma viose viakele navio nakuheta ku Mbele-seva. Kuze uamuvatuilile vimuna Kalunga kaise Isake. ² Njambi ua handekele kuli Isalele mucilota na vutsiki, nakuhandeka ngueni, ''Yakomba, Yakomba.'' Ua kumbuluile ngueni, ''Yange uno.'' ³ Ua handekele ngueni, ''Yange Njambi, Njambi ya iso. Kati uivue vuoma vuakuya ku Ingito, Muomu kuze njikakupuisa umuyati uakam. ⁴ Njikaya nove m uIngito, kaha njika kuhiluisa kaha naua Yosefa akasalele livoko lieni ha meso ove.'' ⁵ Yakomba ua katukile kufuma ku Mbele-seva. Vana va Isalele vambatele Yakomba isiavo, vana vavo, kaha na mampuevo zievo, mumatemba aze atumine Fualo linga vamumbatelemo. ⁶ Vambatele vimuna vavo na vikumba viavo vivapitile mucifuti ca Kanan. Vezile mu Ingito. Yakomba na vantanga zieni vose uaile navo. ⁷ Uezile mu Ingito na vana veni navana vavana veni, vanaveni vavammpuevo na vana vavana veni vava mpuevo, na cisemunuino cieni cose. ⁸ Aua akeko mazina avana va Isalele vaze vezile mu Ingito: Yakomba na vatanga zieni, Lumbeni, muana Yakomba uantuatua. ⁹ Vana va Lumbeni, Hanoke, Palu, Hezelone, na Kam; ¹⁰ Vana va Simiyone, vava mala, Yemuele, ou Yamine, ou Oyate, ou Yakine, ou Zohale, ou Sualu, muana ua uze mpuevo muka Kanana; ¹¹ Kaha vana va Levi vavamala, ou Ngelesione, ou Kohate, ou Yakine, ou Kohale, ou Melali. ¹² Vana va Yuta vava mala vakele, ou Ele, ou Onane, ou Sela, ou Peleze, ou Zela, *(Vunoni Elena Onane vatsililile mucifuti ca Kanana)*. Vana va Pelezevavamala vakele va Hezelone na Hamule. ¹³ Vana va Isalele vakele ou Tola, ou Pivo, ou Yove, ou Similone. ¹⁴ Vana va Zevuline vakele ou Selete, ou Elone, ou Yalele ¹⁵ Ava vakevo vana va Leya vaze vasemene na Yakomba ku Patane-Alame, na Ndina naua muaneni ua mpuevo. Vana veni vavamala nava vava mpuevo vahetele ku makumi atatu na vatatu. ¹⁶ Vana va Ngate vakele ou Zefuiyone, ou Hangeyi, ou Sune, ou Ezevone, ou Eli, ou Alote, ou Aleli. ¹⁷ Vana va Axile vava mala vakele ou Imina, ou Isiva, ou Ixivi, ou Mbeliya; Kaha na Sela naua uakele ndumbuavo. Vana va Mbeliya vavamala vakele Hevele na Malakiyele ¹⁸ Ava vakevo vana ava Zelepa, ou vahele Lambane kuli muaneni Leya ua mpuevo. Avavene vekevo van va semene kuli Yakomba-likumi navatanu na umo. ¹⁹ Vana va Yakomba vavamala vasemene kuli Lakele vakee Yosefa na Mbenjamine. ²⁰ Yosefe uasemene va Mnase na Efualime kuli Esanate muka Ingito, muana ua mpuevo ua Potefuale sasendote ua mukuluntu. ²¹ Vana va Mbenjamine vakele ou Mbela, ou Mbekele, ou Axavele, ou Ngela, ou Namane, ou Ehi, ou Loxe, ou Hupime, ou Alate. ²² Ava vakele vana va Lakele vasemenene kiuli Yakomba-likumi na va uana vose. ²³ Muana Ndane uayala ikeye Huxime. ²⁴ Vana va Nafuatale vakele ou Yazale, ou Nh=gune, ou Yezele, na Xileme. ²⁵ Ava vakevo vana va semene Yakomba kuloi Mbiliha, ou yahele Lambane kuli muaneni ua mpuevo Lakele vatanu na vavali. ²⁶ Vose vaze vaile mu Ingito na Yakomba, vakele vantanga zieni, kuhonoua kutanda vampuezia vana va Yakomba, vakele makumi atanu na limo vose. ²⁷ Kuhakelako na vana va Yosefe vavali va semenene mu Ingito, vaka tanga yeni vaze vayile ku Ingito vakele makumi atanu na avali vose. ²⁸ Yakomba uatumine Yuta halutue lueni kuli Yosefe linga avaleke ndzila yakuya ku Ngoxene. ²⁹ Yosefe ua viukisile litemba lieni kuya na ku uana Isalele ise mu Ngexone. Kaha ua mumuene, ua muvumbatelele mutsingo yeni, ualilile mutsingo yeni ntsimbu yakama. ³⁰ Isalele ua handekele kuli Yosefe ngueni, ''Vunoni njitse ngoco, muamu njinamona ku meso ove, ucili uape.'' ³¹ Yosefe ua handekele kuli vandumbueni na kuli vaku ndzivo ya ise ngueni, ''Njkuya na kumuleka Fualo, nguange, 'Vandumbuange na vakundzivo ya ise, vaze vakele mucifuti ca Kanana, vaneza kuliange. ³² Ava vamala tuniungi, vana kuniunga vimuna. Vanneha matanga avo avampanga, naua ava ngombe, na viose vivakele navio.'' ³³ Kaha cikasoloka, Fualo akamisana na kumihula ngueni, ''Vipange vienu vika?'' ³⁴ Mukamuambuluile nguenu, ''Vangamba ziove vaka kuniunga vimuna kufuma ku vuinike vuetu, tuvavose, nava kukuetu.'' Mukalinge ngoco linga mukatumame mu cifuti ca Ngoxene, muomu vakakuniunga vimuna vose vanapu va vuniengue kuli vaka Ingito.''