¹ Kaha ndzala ya hianene mucifuti. ² Cakele nge cize valile manona aze ava mbatele ku Ingito, isiavo ua handekele kuli vakevo ngueni, ''Hmenu naua; mukatulandele via kulia.'' ³ Yunda mulekilengueni, ''Kamu kamona cihanga cange kuvanga muanoko hamo nenu.' ⁴ Ngue ukutuma na ndumbuetu hamo netu, etu kuya naku kulandela via kulia. ⁵ Vunoni ngue kaukumutuma, etu katu kuya kuli yala na handeka kulietu ngueni, ''Kamu kamona ci hanga cange kuvanga na muanoko mulim hamo.''' ⁶ Isalela ua handekele ngueni, ''Vika muna kunji yandesela mu kuleka yala ngue muli muanoko?'' ⁷ Kaha vahandekele nguavo, ''Kaha yala uava huile nakupuetu na taga yetu. Ua handekele ngueni, ''Iso acikuyoya? Muli na muanoko ueka?' Yua mu kuaniene kuesaka nevi vihula. Cikakala vati etu tanteya vati uze iuna, handeka, munehenu muanoko?''' ⁸ Yunda ua handekele kuli Isalela ise ngueni, ''Tuma kanike ka yala hamonange. Etu tukukatukana kuya linga etu tuka yoye kati tukatse, tuvose, na vanike ve ut vose. ⁹ Ange njika muniunga ikeye. Ove uka njikuata mukufuilamo. Ngue kanji ka muneha, ikeye kuliove naku muhaka kulutue luove, kaha ange njika kala na mulonga ua miaka yose. ¹⁰ Muomu ngue etu katua simbuisile, cili nga vunoni etu tua hiluka kuno kamu civali.'' ¹¹ Kaha ise ya Isalela ua handekele kuloi vakevo ngueni, ''Ngue cikupua ngecize, vunoni lingenu eci. Mbata kuvia ku viuka viuma via cili via mu cifuti mu zinjeke zienu. Mbatenu neheu kuli yala mulambu-via kambasamo na vuci, vitenga na mila, mikavo a zingongo. ¹² Mbata zimbongo zivali mumavoko ove. Zimbongo zize ziva hiluisele muku sokolola zinjeke ziavo, mbatenu naua kucifuti. Mpano cakele ca kusuva. ¹³ Mbata naua muanoko katuka linga mu ye naua kiuli yala. ¹⁴ Njambi ua kuhiana kuhie ngozi halutue ha yala, hinga ake celelienu uze muanoko na Mbenjameni. Ngue angenji na tsisa kuli vana vange, Ange nji natsisa'' ¹⁵ Kaha vamala vambatele ovu vuana, kaha na kumavoko vambatele zimbongo zivali, halao na Mbenjameni. Kaha vakatukile na kuya ku Ingito naku mana kumeso a Yosefa. ¹⁶ Kaha omo Yosefa ua muene, Mbenjameni hamo navo, ua handekele na ngamba ua kundzivo yeni ngueni, ''Ingisa vamala mundzivo, tsiha kasitu na kumu viukisa, kuli vamala valie hamo nange hali ino tsimbu.'' ¹⁷ Kaha ngamba ua lingile omuo mua handekele Yosefa. Ua nehele vamla mundzivo ya Yosefa. ¹⁸ Kaha vamala vakele na vuoma muomu vavengisile mundzivo ya Yosefa. Vahandekele nguavo, ''Eci mpano ya zimbongo zize zia hilukile mu zinjeke zietu hantsimbu ya kuli vanga ivatu nehele, linga vatu hanene kasuilo halietu. Linga aka tukuate nakutu mbata kupua tuvandongo, na kutambula vimbulu vetu.'' ¹⁹ Va sanene ngamba ya Yosefa kunddzivo, kaha vahandekele neni hacikolo candzivo, ²⁰ Nguavo, ''Sukuluitu, tuezile naua nantsimbu yakatete mukulanda via kulia. ²¹ Kaha cakele nguecize, omuo tua hetele hamutamba ua cilombo, haze sokoluele zinjeke zietu, kaha, tala, zimbongo zia yala uose zia kele mu njeke yeni yakusokoloka, zimbongo zietu muku sula. Tua zihiluisile mumavoko etu. ²² Zimbongo zi kuavo zituli nazio tuna neha mumavoko etu tulande viakulia. Katua zivile ou ua hakele zimbongo zietu muzinjeke zietu.'' ²³ Kaha ngamba ua handekele ngueni, ''Ciyulo cikale neni, kati mutine. Njambi yeni kaha na Njambi ya va isuenu ikeye na haka zimbongo zienu mu zinjeke zienu, Njtambuile zimbongo zienu.'' Kaha ngmba ua tuhuile Simione kuli vakevo. ²⁴ Kaha ngamba ua tualele vamala mundzivo ya Yosefa. Ua vahiele mema, kaha vatanene kumikono yavo. Ua hiele viakulia ku vimbulu vavo. ²⁵ Kaha va viukisile vuana mu kuiza ca Yosefa mutsimbu yamutana,muomu ngue muva vuile nguavo vakalia kuze. ²⁶ Omuo Yosefa ue zile kuimbo, vanehele vuana vuze vuakele mumavoko avo mundzivo, na ku tsikama hamavu kuli ikeye. ²⁷ Ua vahuile via cihindu cavo na kahandeka ngueni, ''Isuenu alimuacili, kasinakazi ua yala imua handekele? Ikeye a ciku yoya.'' ²⁸ Vahandekele nguavo, ''Ngamba yove tata yetu ali muacili.'' Kahavatsikamene na kumuhia kavumbi. ²⁹ Omuo muanduile meso eni ua muene Mbenjameni na muanaye, muanaye, naku ku handeka ngueni, ''Ou yakeye nsongo yenu imua kuhandekankuliange?'' Kaha vunoni ua handekele ngueni, ''Njambi akuhie ciyulo, muanage.'' ³⁰ Yosefa vuasi vuasi ua fuinemo mucivatulo, muomu ya vusiua vuendele ca muanaye. Ua lengyele kumosi kua kulilila. Ua ile muhondo yeni na kulililako. ³¹ Ua tanene kumeso eni na kufumamo. Uali hiluisilemo lia vene, nakuamba ngueni, ''Hakenu via kulia.'' ³² Kaha vangamba vanehele liavene Yosefa na vana vanaye vaveni. Kaha vakua Ingito kuze va lile hamo nava vene muomu va kua Ingito ka vekulia muka nava Hevelu, muommu cize cikeco cizila kuli va kua Ingito. ³³ Kaha va muanaye vatumamena halutue lueni, ntuatua kueseka na kuku semuka ceni, nakasulasongo kueseka kuvukuenze vuini, Kaha va mala valikomokelele hamo. ³⁴ Yosefa ua tumine mitamba kuli vakevo ku via kulia ha lutue lueni. Vunoni mutamba ua Mbenjameni ua kamene lutanu kupulakana uose vamuanaye. Vanuene na ku zoliela hamo neni.