¹ Kaha Yosefe uengilile mukati nakuleka Fualo, Tata na vayaya, nava mpanga, nava ngombe vavo, na viose vivakele vio, vahetele kufuma ku cifuti ca Kanana. Tata, vali mucifuti ca Ngosene.'' ² Ua mbatele vana vatanu ua limbuniune kuli Fualo. ³ Fualo uahandekele kuli vana vanaye ngueni, ''Milimo yove milimo yika?'' Vahandekele kuli Fualo nguavo, ''Vangamba ziove vakevo tufunga, vakevo vilolo zietu.'' ⁴ Kaha vahandekele kuli Fualo nguavo, ''Tuezile nakutumama mucifuti ngue tuveniembo. Muomu kamuesi muila uavimuna zia vangamba, Sikaho ecenu vangamba zienu vatumame mucifuti ca Ngosene.'' ⁵ Kaha Fualo uahandekele na Yosefe ngueni, ''cisemi cove nava ndumbuove vaneza kuliove. ⁶ Mucifuti ca Ingito cili kumeso ove. Cisemi cove nava ndumbuove vatumame mulimbo lia cili. Mucifuti ca Ngosene. Ngue muatantekeye vose vukuluntu vuakuniung vimuna vange.'' ⁷ Kaha Yosefe ua nehele Yakomba cisemi ceni nakumu neha kuli Fualo. Yakomba ua mukisuile Fualo. ⁸ Fualo uahandekele kuli Yakomba ngueni, ''Miaka ingahi yimunatumama?'' ⁹ Yakomba uahandekele kuli Fualo ngueni, ''Miaka yinjinende yaheta 130. Miaka ya muono uange yinapu yaindende na kupihia. Kayesekele hamo na miaka yivatumamene vatsekulu vange. ¹⁰ Kaha Yakomba vekisule Fualo na kufuma muliezi lia Fualo. ¹¹ Sikaho Yosefe ua vahele cihela cayise na vandumbueni. Uavahele cifuti mu livu lia Ingito mulivu lia cili. Mucifuti ca Ramesi, kueseka nomu muamusikile Fualo. ¹² Kaha Yosefe ua kutualela viakulia kuli ise, nakuli vandumbueni, na vaze vose vamundzivo yayise, kueseka nakulana kua cikota cavo. ¹³ Kaha kakuakele via kulia mucifuti cose; kuakele mihengele. Mucifuti ca Ingito na cifuti ca Kenana calelukile mu yamihengele. ¹⁴ Yosefe ua kunguluile zimbongo ziose zia kele mu cifuti ca Ingito namu cifuti ca Kenana, aze ava kulandesa via kulia kuvantu. Kaha Yosefe ua nehele zimbongo kunganda ya Fualo. ¹⁵ Kaha zimbongo zia mucifuti ca Ingito navose vakua Ingito vezile kuli Yosefe nakuhandeka nguavo, ''Tuhie via kulia! Muomu vika vitu kutsila mu liezi liove muomu zimbongo ziose zinayi?'' ¹⁶ Yosefe ua handekele ngueni, ''Zimbongo zienu zinayi, munehe vimuna venu kuli Yosefe. Kaha ange njika mihia via kulia kucinja navimuna vienu. ¹⁷ Kaha vanehele vimuna viavo kuli Yosefe. Kaha Yosefe ua vahele via kulia ku cinjana tuvalu, na vampanga, na vangombe, na vandoki. Ua lisile namuka ua ku ciya na vimuna uze muaka. ¹⁸ Hakukuma cauze muaka, vezile kuli yikeye hakukuma camuaka va handekele kuli yikeye nguavo, ''Katuka asueka kufuma kuli sukuluetu ezi zimbongo ziose zinayi, na vangombe vasukuluetu. Na vimo viahi via salele kuli sukuluetu, Kuvanga mivila yetu na cifuti. ¹⁹ Tukutsila vika kumeso enu, hamo netu na cifuti? Tulandenu etu hamo na cifuti cetu mukucinja na via kulia, kaha etu na cifuti tukakala vangamba zia Fualo. Utuhie mbuto linga tuyoye katitu tse, kaha na cifuti kati cikale cangoco.'' ²⁰ Kaha Yosefe ua landele cifuti cose ca Ingito kupua ca Fualo. Kaha vose va Ingito valandesele mehia, muomu ya mihengele nzala yakamene. Munjila nkana eyi, cifuti cose cakele ca Fualo. ²¹ Kaha uava puisile kupua vangamba kufuma kucihanda cimo candzindza ya Ingito naku mutamba ua kuku misako. ²² Kuakele lika cifuti cize cava sasendote cikeko cahonene Yosefe kulanda, muomu va sasendote vakutambula fueto. Valile kulia ca kufuma kuli Fualo uava heleco. Kaha kava landesele cifuti. ²³ Kaha Yosefe ua handekele ku vantu, ''Talenu, njinamilanda enu na cifuti cenu lelo kuli Fualo. Vunoni njina mihie mbuto yenu, kahamuka kuna mu livu. ²⁴ Kuheta ha kutia, muatela kuhana via mi vitanu kuli Fualo, kaha via muciuana cihanda cikapua cenu, via mbuto ku lihia na kulia ku ndzivo yenu na vana venu.'' ²⁵ Vahandekele nguavo, Munayovola miono yetu. Muane tumone nkeke kumeso enu. Tukapua tu vangamba zia Fualo.'' ²⁶ Kaha Yosefe ua cilingisile kupua lusimbi lua mucifuti ca Ingito kaheta nalelo, kaha cihanda cimo ca mu vutanu cikapua ca Fualo. Kaha cifuti lika cava sasendote kacikapua ca Fualo. ²⁷ Kaha va Isalele vatumamene mucifuti ca Ingito, mu cifuti Ngosene. Vantu veni vauanene vufuko muze. Vase munuine naku lana valanene cikuma. ²⁸ Yokamba ua tumamene mu cifutik ca Ingito miaka likumi na itanu na ivali, kaha miaka ya yoyele miaka nkulukazi na makumi auana itanu naivali. ²⁹ Kaha omu m uyahetele kuhiehi na kutsa ca Isalele, ua sanene muaneni Yosefe naku handeke kuli ikeye ngueni, ''Nge njina uana nkisu mumeso ove, usaleke livoko liove muintsi yantulo yange, naku njimuesa nkeke na vusunga. Muane kati mukanji ntsinde mu Ingito. ³⁰ Ngue njinakosa na kuliana na visemi viange, muka njimbata kufumisa mu Ingito naku njitsinda kuze kuva tsindile vivendzi vange kuze kuvava tsindile.'' Yosefe uahandekele ngueni, ''Njikalinga kueseka nomu mu ua handeka.'' ³¹ Isalele ngueni, ''lisinge kuliange.'' na Yosefe ua lisingile kuli ikeye. Hohovene Isalele ua ze uile mutue kumuhela ueni.