¹ Omo Isaka ua kolele na meso eni azimine vunoni ikeye kakele na kumona, ua sanene Isau muaneni uamukuluntu, na kuhandeke kuli ikeye ngueni, ''Muanange.'' Isau ua handekele kuli ikeye, ''Yange uno.'' ² na Isaka ngueni, ''Tla kuno, ange nja kolo. Kanja tantekeyele litangua lia kutsa. ³ Kaha vunoni mbata vitua viove, mbata ngonga yove na vuta vua manana, linga uye mu musenge uka nji tsihile vifuo via mumusenge ange. ⁴ Nji lingile via kulia via kutovala, mucifua cize cinjalema, na kuj vineha kuliange linga nji lie na kukuve zisisa ntsimbu kanda njitsa.'' ⁵ Vunoni Laveka omo ua vuile Isaka ua kuhandeke na muaneni Isau. Isau uaile mu musenge na kutsiha vifuo via mu musenge na ku vineha. ⁶ Laveka ua lekele muaneni Yakomba ngueni, ''Tala kuno, Nji nevuiso na handeka ka na yayove Isau, Kaha ngueni, ⁷ ' Nji nehele vifuo via mu musenge unji lingele via kulia via kutovala, vize vinjatela kulia linga nji kusule halutue lua Yehova nysimbu kanda njitsa.' ⁸ Vunoni, muanange, singimika lizi loange linjina kukusika ove. ⁹ Hamoye mulimba, naku njinehela vana va vampembe vacili vavali; Kaha nji kalinga via kulia via cili kuli vakevo nakuhana kuli iso, ngue muze mua lema. ¹⁰ Ove uka vituale kuli iso, vunoni muze mua lika vilia, vunoni aka ku vezikise ntsimbu kanda atsa.'' ¹¹ Yakomba ua handekele na naye Laveka ngueni, Tala, yaya Isau ua kala yala ua vungona, kaha ange nji yala ua kulamba. ¹² Mpano vatata vaka nj kuata, vunoni ange nji kasoloka ngue njimuka kuonga. Njikane ha cisingo haliange kaha kali kanjivezikisa.'' ¹³ Naye uahandekele neni ngueni, ''muanange, Eca nkala cisingo ciuile haliange. Singimika lika mezi ange, kaha hamoye, kavinehe kuli ange. ¹⁴ ''Vunoni Yakomba uaile na kumbata vana va vampembe naku vaneha kuli va naye, kaha vanaye valingile via kulia via cili, vize ise via lemene. ¹⁵ Laveka ua mbatele vuzalo vua cili vua Isau,muaneni ua mu mukuluntu, vize via kee navio mundzivo, naku zizika Yakomba, muaneni ua kanike. ¹⁶ Kaha ua hakele vilambu via vana va vampembe ha mavoko eni na ha kulamba na kuhaka hantulo ya ntsingo yeni. ¹⁷ Ua hakele via kulia via cili via kutovala na muka vize via viu kisilile mu mavoko a muaneni Yakomba. ¹⁸ Yakomba uaile kuli ise kaha gueni, ''Vatata.'' Kaha ise ngueni, ''Njili kuno; yove iya, muanange?'' ¹⁹ Yakomba ngueni kuli ise, ''Yange Isau yange ntuatua yove. Nja lingi viuna nji lekele. Vunoni hinduka ulie via kulia via mu musenge, linga ove uka nji vezikisa.'' ²⁰ Isaka ngueni kuli muaneni, ''Una iuana vati omu vuasi, muanange?'' Kaha ngueni, ''muomu Yehova Njambi yoe naineha kuliange.'' ²¹ Isaka ngueni na Yakomba, tua ya kuhiehi nange, linga ange njiku kuate, muanange, kaha njitantekeye kukala muanange ua vusunga Isau amba cahi.'' ²² Yakomba uaile kuli ise Isaka; kaha Isaka ua mukuatele kaha ngueni, Lizi lia Yakomba, vunoni mavoko a Isau.'' ²³ Isaka ikeye kamu tantekeye, muomu mavoko a yayeni Isau, vunoni Isaka ua vezikisile ikeye. ²⁴ Kaha ngueni, ''Yehova vene cili muanange Isau?'' Ua kumbuluile, ''Yange vene.'' ²⁵ Isaka ngueni, ''Neha via kulia kuliange, kaha ange nji kulia viakulia viove via mu musenge, vunoni ange nji kuku vezikisa, ''Yakomba ua nehele via kulia kuli ikeye. Isaka ualile, kaha Yakomba ua nehele viniu kuli ikeye, kaha ua nuine. ²⁶ Kaha ise Isaka ua mulekele ngueni, ''tuaya mu hiehi linga unji tsuembe, muanange.'' ²⁷ Yakomba uezile mu hiehi kaha ua mutsuembele, kaha ua nikile vueko vuazalo vueni na kumuvezikisa. Kaha ngueni, ''Tala #, vueko vua muanange vunapu ngue vueko vua muihia vuze Yehova ua vezisikile. ²⁸ Kaha Njambi akuhia cicihanda camume ua muilu, na cihanda ua mazi a hamavu, na kulana ca manona na vinua via viha. ²⁹ Kaha vantu vaka kupangele na mafuti akatsikame hamavu kuliove. Ka[la mukuluntu hali va muanoko, na vana va noko vakatsikame hamavu kuliove. uosio akakusinga akali singe. Uosio aka kuvezikisa na vezika. ³⁰ Kaha cakele ngecize Isaka mua manesele kuvezikisa Yakomba, na Yakomba mua tuhukile kufuma ku litue lua ise, Isyayeni uezile kufuma kuhanga ceni. ³¹ Na ikeye ua pangele viakulia viani via kutovala na ku neha kuli ise. Kaha ngueni kuli ise, ''Tata, katuka ulie via kulia via muanano via mu musenge, linga unji vezikise.'' ³² Kaha ise Isaka ngueni kuli ikeye, ''Yove iya?'' Isau ngueni, ''Yange muanove, ntuatua yove, Isau.'' ³³ Isaka ua zakamene cikuma na kuamba ngueni, ''Iya uze na nji ntsihilile ntsitu ya mu musenge na nehele kuliange? Nji nali yose ntsimbu kanda uiza, kaha nji na mu vezikisa. Naikeye ua vezika. ³⁴ Kaha Isau mua vuile mezi a handekele ise, ua lilile nku kanguka na ciniengo, na kuamba ngueni kuli ise, ''Nji vezikise, nange naua, tata.'' ³⁵ Isaka ngueni ntsongo yove nezile kuno na vungungu kaha nambata laza vavezi kisa viose.'' ³⁶ Isau ngueni, ''Ikeye kati ua kusunama muku muluka Yakomba? Muomu ikeye na njongo muzintsimbu zivali. Ikeye na mbata laza vu ntuatua vuange, kaha, mona, vunoni na mbata laza vivezikisa viange.'' Kaha ngueni, Ka ua nji tumbikilile ku vezika cange?'' ³⁷ Isaka ua mu kua niene kaha ngueni kuli ise, ''Tala, njina mungisa kukala mukuluntu uove, kaha njina muhie va muanaye kupue ngue vandongo, kaha njina mihie manona na viniu via vihia. Vika vieka vinji ka kulingila kuliove, muanange?'' ³⁸ Isau ngueni kuli ise, ''kaua nji vezikise cipue lumo kuliange, tata? Nji vezikise, cipue nange naua, tata.'' Isau ua lilile na kukanguka. ³⁹ Ise Isaka ua mu kuaniene kaha ngueni, ''Tala, mutamba una ku yoyela mo ukakala halako na vupite vua ha mavu, halako mukunoka mume kufuma muilu. ⁴⁰ Na mukuale yove ukayoya, kaha ukapangela muanoko. Vunoni una patuka, uka niukumuna mpango yeni kufuma ku ntsingo yove.'' ⁴¹ Isau ua kosele Yakomba muomu ya vevezikisa vize ise ua muhiele. Isau ua handekele mu mutima ueni, ''Mumatangua akulila ava tata ali mu hiehi;kufuma haze nji katsiha ntsongo yange Yakomba.'' ⁴² Kaha mezi a Isau muaneni ua mukuluntu valekele Laveka, Kaha ua tumine naku musana Yakomba muaneni ua kanike na kuhandeka neni, ''Tala, yayove Isau ana kulembezieka ivene kuliove viove ana kutonda kukutsiha. ⁴³ Vunoni ngoco, muanange, ngisinginike kaha tinina kuli Lambani, muanetu, ku Halene. ⁴⁴ Kakale neni mu ntsimbu, noho vutenu vua muanoko vunahu, ⁴⁵ noho vutenu vua muanoko vuna luluka halako kufuma kuliove. Kaha a aka suve vize vi unalingi kuli lia keye. Ka nji katuma na kuku hiluisa kufuma kuze. Vika vinjatela kuku zimba lesela mulitangua limo? ⁴⁶ Laveka ua handekele na Isaka, ''Ange njina katala na muono ya vana va Hete. Ngue Yakomba akambata umo ua vana va Het kupua mpuevo yeni, cifuti ca va vampuevo, vamo vavana vami cifuti, vika via cili muono uange ukakala?