¹ Omuo Lakele ua muene ngueni kasemene vana na Yakomba, Lakele ua liveyele omuo muanaye. Ua handekele na Yakomba ngueni, ''Njihie vana, ngue cahi kaha njikutsa'' ² Vutenu vua Yakomba vua suamenene Lakele. Ua handekele ngueni, ''Ange njili mucihela ca Njambi, Ou na lingisa ove kuhonaua vana?'' ³ Ua handekele ngueni, ''Tala, ngamba yange Mbileha uze. Hamoye kovela muli ikeye, linga asemene vana ha mavuli ange, kaha njika kala na vana halli ikeye. ⁴ Ngecize ua muhele ngamba yeni Mbileha kupua mpuevo yeni, kaha Yakomba ua kovelele muli ikeye. ⁵ Mbileha uemitile na kusema muana ua yala. ⁶ Kaha Lakele ua handekele ngueni, ''Njambi na nji sompela, na kuivua lizi liange na kunji hia muana ua yala.'' Omuo eci ua lukile lizina lieni Ndane. ⁷ Mbileha, ngamba ya Lakele, uemitile naua na kusemana Yakomba muana ua yala ua mu civali. ⁸ Lakele ua handekele ngueni, ''na kuli kuata muka mpanga na ngolo na kuli uise na muanetu kaha njina hiana, '' Ua lukile lizina lieni Nafitali. ⁹ Omuo Lea mua muene ngueni haneca kusema, ua mbatele Zilipa, ngamba yeni, na kumuhana kuli Yakomba ngue mpuevo yeni. ¹⁰ Zilipa, ngamba ya Lea, ua semene Yakomba muana ua yala. ¹¹ Lea ua handekele ngueni, ''Eci cikeko kuvezika!'' Nge cize ua mu lukile lizina lieni ngueni Ngande. ¹² Kaha Zilipa, ngamba ya Lea, ua mu semenene Yakomba muana ua yala ua mu civali. ¹³ Lea ua handekele ngueni, '' Njili na ndzolela! Muomu vana vava mpuevo va kanjitumbula ndzolela.'' Kaha ua mu lukile lizina lieni Asele. ¹⁴ Luvene ua ile mu matangua akutia tiliku kaha ua ua nena zinzilo mulihia. Ua zinehele kuli na ye Lea. Kaha Lakele ua hanekele kuli Lea ngueni, '' Njihieko ku zimo zindzilo muanove.'' ¹⁵ Lea ua handekele kuli ikeye ngueni, cinapu cuma ca cindende kuli ove, omuo mu u na nanji tambula yala liangeni? Nge cize uku zanga kutambula na zindzilo zia muanange, na uani? Lakele ngueni, '' Nkumani aku kosa kuli ove vutsiki vuno, omuo kulicinja na zindzilo zia muanove.'' ¹⁶ Yakomba ue zile ku cinguenizi kufuma kulihia. Lea ua tuhukile na kuya kuli uana neni naku handeka ngueni, '' Una pande kukovela kuli ange, muomu njina kukumuna na zindzilo zia muanange.'' Nge cize Yakomba ua kosele na Lea vutsiki vuze. ¹⁷ Njambi uavuile Lea, kaha ue mitile na kusemena Yakomba muana ua yala ua mu citanu. ¹⁸ Kaha Lea ngueni, ''Njambi na njihie fueto yange, muomu njahele yaliange kuli ngamba yange ua mpuevo.'' Ua lukile lizina lieni Isakale. ¹⁹ Lea ue mitile na ua na kusema muana ua yala ua ku puisa vatanu na vavali. ²⁰ Lea ua handekele ngueni, ''Njambi na njihie vuana vua cili. Vunoni yala liange aku njihia ka vumbi, muomu nji na mu semena vna vatanu na umo.'' Ua mu lukile Zembuluni. ²¹ Kufuma aha ua semene muana ua mpuevo ua mu lukile ngueni Ndina. ²² Njambi ua sanene Lakele na kumu vuluisa na ku muivuilila. Ua lingisile emite. ²³ Ue mitile na kusema muana ua yala. Kaha ua handekele ngueni, ''Njambi nanji fumisa kasahuntu.'' ²⁴ Ua mu lukile ngueni Yosefe, kuamba ngueni, ''Yehova na nji hakeleko muana mu kuavo.'' ²⁵ Omuo Lakele hanaseme Yosefe, Yakamba ua handekele kuli Lambane ngueni, ''Njitume njye, linga njye ku limbo liange na kucifuti cange. ²⁶ Njihie vampuevo vange na vana vange ava vanjna pangela, kaha njitave njiye, omuo ove una tantekeye vipange vize vi njina kupangela.'' ²⁷ Lambane ua mulekele ngueni, '' Ngue vuovuno njina uana kavumbi kumeso ove, vandamena, muomu njina tantekeyea haku tahesa nge cize Yehova na njivezikisa omuo hali ove.'' ²⁸ Kaha ua handekele ngueni, ''Tumbula zi fueto ziove, kaha njikaku fueta.'' ²⁹ Yakomba ua handekele neni ngueni, ''Una tantekeya omuomu munji na ku pandela, nomu vimuna vove ange njina va niunga vuino. ³⁰ Muomu ove ua kele na vava ndende omuo mu njava uanene. Vunoni vuo vana likulisa lanesa. Yehova naku vezikisa kuose kuze kunjina pangela. Kaha vuno ntsimbu ika inji ka uanena vize via vaze vali ku ndzivo yange?'' ³¹ Nge cize Lambane ua handekele ngueni, '' Vika vinji ku kufueta?'' Yakomba ua handekele ngueni, ''Kau kunjihia na vimo viahi. Ngue uku linga eci ciukuli ange, kaha njikalisa na ua vutanga vuove na kuvalisa. ³² Njitave nji ende mukati kavutanga vuove vua va mpanga lelo, njifumisemo vose vampanga maula maula, na vose vaava mukati kava mpanga, na vose vamavala mavala nava kulava mukati kava mpembe. Ava vakevo va ku[ua fueto yange. ³³ Vuoloke vuange vukanji handekeleko ku ntsimbuyaku lutue, omuo mmu ukeza na ku hiluka ha fuetto yange. ³⁴ Lambane ua handekele ngueni, ''Njina citava. Cikale ngue omuo vene mu una handeka.'' ³⁵ Kulitangua lize Lambane u hanguile vizamba via vampembe vaze vakele na mavala mavala, na vose vampavo va ava mpembe vaze va kele na mavala mavala, na uose ua kele na cimpuiko civuka, navose va kulava lia vana veni vava mala. ³⁶ Lambane naua ua handekele vungendzi vua matangua atatun mukati keni na Yakomba. Nge cize Yakomba ua niungile na ua vutanga vua lisupileho vua va mpanga va Lambane. ³⁷ Yakomba ua mbatele tumintango tutontola tua ku tua ku muti ua popula, na ya amonde na miti ya kohona mingonga, ua vituvuile viuvu na kuseza, tuvititu vene tua ntima kusoloka. ³⁸ Kaha ua zikile tuviti tuze tuana tuvuile ku lutue lua vutanga, kulutue lua kuze kuveku mena ha kunua mema mucisali. Ve mitile omuo muvezile na kunua mema. ³⁹ Matanga emitilile kulutue lua tuviti tuze; kaha matanga aze a semene va mingo lila, na vama vala mavala, na vana va mpeka. ⁴⁰ Yakomba ua va hangunuine vana vava mpanga, vunoni vaze va saleleho va talele kulutue lua tusitu vakele na mingolila na vose vampanga va lava muvutanga vua Lambane. Kaha ua hangunuineko matanga eni lika kava panda kanene mumo na vutanga vua Lambane cahi. ⁴¹ Ngue va mpanga va ku kaniama vakusema, kaha Yakomba aku haka tuviti mu mema kuvu nuino kumeso avutanga, linga vemitile mukati ka tuviti. ⁴² Vunoni omuo tusitu va ku niomua vamu vutanga vezile, kaha kele tuviti tuze ku lutue liuavo. Linga tusitu vaze va ku niomua vapue va Lambane, na vaze va ku kaniama vakele va Yakomba. ⁴³ Uze yala ua pitile cikuma. Ua kele na matangaakuma ava mpanga, vangamba vava mpuevo na va ngamba vava mala, na tumelu na vindongi.