¹ Avilahama ua mbatele mpuevo ueni; Lizina lieni uakele Ketula. ² Ua mu semenene Zimelane, Yokesane, Mendane, Midiane, Isevaka na Sua. ³ Yokesane ua semenene Seva na Ndandane. Cisemunuino ca Ndandane vakele vantu va Asulime, na vantu va Letesime, na vantu va Leumime. ⁴ Vana va Mindiane vakele Efa, Efele, Hanoke, Avinda, na Elanda. Ava vose cakele cisumunuino ca Ketula. ⁵ Avilahama ua hele viose vize akele navio kuli Isaka. ⁶ Vunoni simbu ukele na kuyoya, ua hele mavuana ku vana va mampangala zieni na kuvatuma kucifuti lia ku ucelo, kulako, na muaneni Isaka. ⁷ Aua akele matangua na miaka ya Avilahama mukuyoya cei omuo a yoyele, 175 miaka. ⁸ Avilahama atulile muono na kutsa ha miaka yacili yaukule vueni kasinakazi uakuzula na miaka, kaha vamukungile kuli vantu veni. ⁹ Iska na Ismeale, vana veni, vamu tsindile mu cina ca Makepela, lmulihia lia Efelone muana Zohale ka Hiteu, kuze ku hiehi na Mamele. ¹⁰ Eli lihia Avilahama alandele kuli vana va Hate. Avilahama vamu sindiye kuze hamo na Sala mpueyeni. ¹¹ Omuo lingile Avilahama natsi laza, Njambi a kusuile Isaka muaneni. Kaha Isaka a yoyelelele kuhiehi na Mbele-Lahai-Loi. ¹² Kaha eci cakele cisumonuino ca Ismeale, muana Avilahama, uze Hangale mukua Ingito, ngamba ya Sala a semene na Avilahama. ¹³ Aua akeko mazina a vana va Ismeale, kueseka na ndonda yakusemuka cavo: Nevayote- ntuatua ya Ismeale, Kandele, Andivele, Mivesame, ¹⁴ Misema, Nduma, Masa, ¹⁵ Handande, Tema, Yetule, Nafise, na Kandema. ¹⁶ Ava vakele vana va Ismeale, kaha uakeko mazina avo, aku membo avo, Nacilombo camasualale ziavo likumi na vavali vana va mmuangana kuesekesa na miyati yavo. ¹⁷ Efi yakele miaka ya Ismeale mukuyoya ceni, 137. Atulile muono ueni na kutsa, kaha vamukungile ku vantu vieni. ¹⁸ Va tumamene kufuma ku Havila nakukaheta ku Sule, ili ku hiei na Ingito, ngue unakuya ku Asilia. Va tumamene muacili kuumo na mukuavo. ¹⁹ Evi vikeko viosolokele kuli Isaka, muana Avilahama. Avilahama akele ise ya Isaka. ²⁰ Isaka uakele na miaka makumi auana omu mua mbatele mpuevo yeni Lambeka, Muana ua mpuevo ua mbatele mukua Silia uaka Pandana lame, muanaye ya Lambane ua ku Alamena. ²¹ Isaka ua vundilile kuli Yehova ha mpuevo yeni muomu kalele na muana, na Yehova uakukuanyeni i kuundila ceni, kaha lambeka mpuevo yeni uemitile. ²² Vna valipindisile hamua mukati muli ikeye, kaha ua handekele ngueni, ''Vikazo evi vinakusoloka ku liange?'' Ua yile na kuhulisa Yehovahali eci. ²³ Yehova a handekele kuli ikeye ngueni, ''Mafuti avali vakava handuuna kufuma mu liove. Muntu umo akakala nazibdzili kuhiana mukuavo, kaha mukulantu aka zatela kanike.'' ²⁴ Omu yahetele simbu yei ya kusulumuna, talenu, muakel vampasa mulizimo lieni. ²⁵ Muana uakulivanga atuhukile mutila uose ngueni cizalo cauakauaka. Va mulukile lizina lieni Isau. ²⁶ Kufuma aze, muanaya a tuhukile. Livoko lieni lia kualile kuka sisinia ka Isau. Vamulukile nguavo Yakomba. Isaka uakele na miaka makumi atau na limo omu mpueyeni a va semene. ²⁷ Vnoke vakollele kaha Isau uakele na ciningi cauyambi, yala ua mumusenge; Vunoni Ykomba akele yala uakuholoka, tsimbu yeni yose uakala muzimbalaka. ²⁸ Vunoni Isaka ualemena Isau muomo uakulia tsintu yakutusintuvaze vakutsiha vunoni Lambeka ua lemene Yakomba. ²⁹ Yakomba ua telekele musozi. Isau uezile kufuma mumu senge, kaha uazeyele na ndzala. ³⁰ Isau ua handekele kuli Yakomba ngueni, ''Njilieko musozi utila, Njakundila, njinevi nzala!'' Ngecize lizina lieni livahele nanguavo Endome. ³¹ Yakomba ua handekele ngueni, ''Cakulivanga njilandese vukultntu vuove.'' ³² Isau ua handekele ngueni, Tala, njili na kutsa. Kuviuka muka cili muvukultuntu uange?'' ³³ Yakomba ua handekele ngueni, ''Cakatete lisinge kuliange,'' Kaha Isau ua lisingile na litavasano kaha ha kulinga ngecize ualandesele vukuluntu vueni kuli Yakomba. ³⁴ Yakomba ua hiele Isau muka na musozi. Alile na kunua, kaha ua katukile na ya njila yeni. Ngecize Isau ua landesele vukuluntu vueni.